|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#128
24-10-2009, 02:58 AM
|
||||
|
||||
رد: قصة عبد الله00 عفريت حقيقى من الجن
تابع شقة الرعب
_____________ المطبخ يحترق وصرخت العروس مستغيثة00 تجمع الجيران وقد فتح العريس باب شقته لينفث عن الدخان الذى كاد يخنقهم! إقتحموا المطبخ00 كانت قطع من اللحم فى آنية تحترق! صرخت العروس وهى تعلم جيدا أنها لم تضعها على الموقد من الأساس قال واحد من الجيران: -حصل خير يا جماعة مفيش حاجة 00اللحمة إتحرقت على النار وهيه إللى دخنت جلست على الاريكة فى ذهول بعد إنصراف الناس00 قال: -شفتى 00طلع الموضوع سهو أهوه قالت بغضب: -إنت ح تكدب الكدبة وتصدقها ولا أيه؟ أنا محطيتش حاجة على النار انا متأكدة مش مجنونة أنا لايمكن أقعد دقيقة واحدة هنا00 ذهبت لتكمل جمع ملابسها 00 خرجت مسرعة وهو يقبض على يدها ويقول بإستعطاف: -الناس تقول إيه؟ عروسة سابت عريسها ومشيت ليه غضبانه؟ أرجوكى إصبرى عليا شوية مفيش حاجة تستدعى كده عشان خاطر اللى بينا قالت بسخرية: -أنا ماشية عشان مش عاوزة أفقد عقلى وأظن اللى بينا انت ضيعته بكدبك عليا عن إذنك تركته ليجلس فى حسرة وألم ودوار شديد يهتز لع جسده وصداع مؤلم يكاد يفجر رأسه ماذا يفعل؟ أيبيت الليله هنا وحيدا؟! قرر البقاء ومهما حدث00 أنه شجاع ويجب أن يواجه هذا الوهم بثبات وشجاعة وإقدام إنها خرافات 00 نعم خرافات00 من نسيج النفوس الضعيفه والعقول الفارغة دارت كل الأفكار فى عقله حدث نفسه: -ح أبيت هنا وكمان ح أطفى النور والجدع بقى يورينى شطارته صمت ثم قال: -المرة دى بس ح أسيب النور والع جلس يتابع التلفاز وهو يستجمع كل شجاعته00 مرّ الوقت عاديا جدا بلا إزعاج وبلا ظهور أو سماع شىء فبدأ الإطمئنان يتسرب إلى نفسه حتى كاد النعاس أن يغالبه وما كاد حتى سمع صوت خبطة شديدة بحجرة النوم00 تقدم منها فى بطء وترقب ممزوج بالرهبة00 فتح الباب ببطء00 أشعل النور ليتبين ماحدث00 !!!!!!!!!!!!!!!!!!!!!!!!! كاد أن يصرخ 00 جثة مغطاه بالدم ممددة إلى جوار الفراش وبعد لحظة من التجمد والرعب00 أطلق ساقيه للريح00 من الشقة 00 لدرجات السلم عدوا ومنها إلى الشارع يلتقط أنفاسه! تتبع
__________________
|
|
#130
25-10-2009, 05:36 AM
|
||||
|
||||
|
رد: قصة عبد الله00 عفريت حقيقى من الجن
تابع شقة الرعب
____________ بعد أن هام فى الشوارع لمدة ساعة بلغه صوت المؤذن00 دخل إلى المسجد لصلاة الفجر00 وبعد الصلاة أنزوى فى ركن شاردا مذهولا! إنصرفت الناس حتى بقى وحيدا هو وشيخ المسجد وكان رجلا مسنا فإقترب منه00 قال الشيخ: -مالك يا بنى؟ نظر إلى الشيخ وشده نور وجهه فقال: -عندى مشكلة باين مالهاش حل إبتسم الشيخ وقال: -مفيش يا بنى مشكلة مالهاش حل00 كل عقدة ولها حل إحنا اللى ممكن بنصعب الأمور على نفسنا ساعات والمؤمن عن حق ويثق بالله لايحزن ولا يشرد ولا يجعل للشيطان مدخلا إليه تنهد فى عمق وسرد حكايته على الشيخ00 صمت الشيخ فترة قبل أن يقول: -شوف يابنى حكايتك دى ليها حل بإذن الله إنتفض فى حبور: -معقول يا سيدنا الشيخ -شوف يا بنى سواء اللى حصل ده كان وهم أو حقيقة والعلم عند الله 00 ممكن الشقة دى تتطهر ببركة القرآن والدعاء سيبها على الله00 بكره تصلى معانا الضهر جماعة وبعدها نروح سوا ويفعل الله مايشاء -صحيح يا مولانا؟! ربت الشيخ على كتفه وهو يبتسم فى ود فى اليوم التالى ذهب معه الشيخ إلى الشقة00 جلس يقرأ آيات من القرآن وبعض الأدعية00 مرت فترة قصيرة قبل أن يتوقف 00 إستغاذ بالله من الشيطان وصوته يعلو بقوة وإمارات الغضب تعلو وجهه00 قال بعلو صوته: -أعوذ بالله من الشيطان الرجيم كررها مرات وكأنه يطلقها فى وجه أحد يقف أمامه00 إلتفت إلى الشاب بعدها وصرخ فيه: -أخرج من الشقة00 إقفل الباب وراك نظر إليه فى حيره وخوف قبل ان يأمره مرة أخرى ولكن بقوة وحسم00 خرج مذهولا وهو لا يعرف مايحدث00 مكث أمام الباب لنصف ساعة00 القلق يقتله والرعب يتملكة00 مرت الدقائق رتيبة وممله 00فيها قسوة وفيها رهبة وأخيرا فتح الشيخ الباب00 خرج مبتسما00 نظر إليه الشاب فى تساؤل 00 قال الرجل بإبتسامة رائقة: -خلاص يا بنى كل شىء بقى عال تعيش فيها وتنجب الذرية الصالحة بإذن الله -صحيح يا مولانا؟! -بإذن الله يا بنى شقتك طاهرة من كل خبث تروح ترجع زوجتك وتراضيها ولو مقتنعتش تجيبها لى وأنا أقنعها وبإذن الله تعيش فى سعادة وسلام قال وكلماته تتسابق : -أنا مش عارف أشكر حضرتك إزاى00 طب أنا ممكن أعمل لحضرتك إيه ؟ أطلب منى أى حاجة إبتسم الشيخ: -أنا أجرى عند الله إن كان لى أجر00 ولكن لى طلب واحد فقط -أنت تأمرنى يا مولانا -الأمر لله يابنى00 أدعو لى بحسن الخاتمة00 السلام عليكم00 وقبل أن ينصرف إلتفت إليه وقال: -لا تنسى زيارة المسجد -إن شاء الله ذهب لزوجته بعد أن قضى ليلتين بمفرده بالشقة وكان الأمر فى أوله صعبا حتى أنه كان يتخيل أصواتا وكل شىء عادى من صوت او حركة يخاله من جراء ما كان يحدث إلى أن إطمأنت نفسه وسكنت وألفت إلى الشقة عادت الزوجة ولكن مع أمها وشقيقها ليقموا فى الشقة لمدة أسبوع بعد محاولات ورغبة فى الإطمئنان00 مرت الأيام طبيعية وبلا أدنى مشكلة وأستقروا فى الشقة وأنجبوا ولم يحدث مكروه تمت القادم زوج عفريته هانم
__________________
|
|
|
|
