جمعة الغضب - تغطية لاحداث الثورة من 24 يناير 2011

[amrmohamed1975]

يا جماعة الاهداف التي كانت و راء المظاهرات و الثورة ايه مش احوال معايشية افضل للجميع و محاربة الفساد و البطالة و القضاء على رموز النظام طيب بالراحة كده اللي بيحصل دلوقتي من كل الاطراف هيعمل فينا كلنا ايه هما اللي كانوا فى ميدان التحرير لحد امبارح مصريين و اللي راحوا انهاردة يهود او العكس و بعدين احنا كده على اول طريق اللا عودة بداية النهاية اللهم ارحمنا جميعا من هذا الخراب طالما مصر كلها 87 مليون انسان لا يوجد فيها واحد الناس تسمع له او تحترمه او انسان يغلب صوت العقل و المنطق على ما نحن فيه الان

قررت شركه نيسان اليابانيه لصناعه السيارات وقف انتاجها في مصر حتى يوم الخميس المقبل لضمان سلامه موظفيها بسبب الاحتجاجات المناهضه للحكومه، حسبما نقلت وكاله الانباء الكويتيه. وقالت شركه السيارات العملاقه انها اوقفت انتاجها في مصنع (الجيزه) جنوب القاهره منذ يوم امس مضيفه ان المصنع الذي يعمل به نحو 500 موظف ينتج سنويا 10 الاف مركبه من فئات مختلفه. وطلبت الشركه من اربعه ممثلين لمكاتبها المحليه مغادره مصر لاسباب تتعلق بالسلامه
منقول ياهوو سيارات

[mhamdy75]

مش وقت مين دلوقت
لأن معروف مين إللى يمارس سياسة القمع
أرجوكم
ده وقت الدعاء لله سبحانه وتعالى
أن يحفظ شبابنا فى ميدان التحرير

وفى شوارعك يامصر

اللهم إرفع مقتك وغضبك عنا

يارب يارب يارب يارب

إحقن دمائنا وإحفظ شبابنا

[sad-bird]

اضيف على كلامك يا استاذ وليد
من سنة تقريبا كان فيه جمعيات لحقوق الانسان مرة واحده ظهرت وبدون اي مقدمات ( مع العلم اني متابع المواضيع دي نظرا لطبيعة عملي يعني المفروض اني عارف اغلبها ولو ظهر جديد يبقى واحده او اثنين او ثلاثه مش اكتر من 50 جمعية مرة واحده ) ونزلت عملت انتر فيو في اكثر من واحده فيهم ولما كنت بسأل عن الجمعية هيا تبع ايه او مصدر تمويلها منين كان الرد دايما ( حضرتك هتسيب السي في بتاعك وارقام تليفونك واحنا هنتصل بيك) ما عدا مؤسسة واحدة بس رد عليا واحد فيها قالي (انت مالك التمويل منين انت ليك انك تشتغل وخلاص ومرتبك كويس هو اكل وبحلقه والا هو حد لاقي شغل بالمرتب ده النهاردة )

[sad-bird]

المشاركة الأصلية كتبت بواسطة walidelwahsh أرسل الجيش المصري رسائل نصية قصيرة SMS علي الهواتف المحمولة، تطالب المواطنين بعدم الاستماع للإشاعات التي وصفها بالمغرضة. وناشد الجيش المتظاهرين، بالالتزام بالتظاهر السلمي والتمسك بحرية التعبير. وجاء نص الرسالة التي ارسلتها شركات المحمول الثلاثة كالتالي:" القوات المسلحة تؤكد علي أهمية التزام المواطنين، بالتعبير عن آرائهم بالطرق السلمية، وعدم الانصياع للشائعات المغرضة او الافكار الهدامة. ولم يعرف ماذا كان الجيش ارسل هذه الرسالة القصيرة، علي جميع هواتف المواطنين في مختلف انحاء الجمهورية، ام انه اكتفي بأرسالها بالمواطنين الذين يسكنون في القاهرة الكبرى، وكان الجيش اعتمد نظام مخاطبة المواطنين عبر رسائل المحمول منذ بدء سيطرته علي الامور في مصر. منقول مصراوي

انا وصلني رسالة من موبينيل موجهة من الجيش وانا مش في القاهرة ومعايا ناس وصلهم وناس لأ تقريبا الموضوع بيتم بصورة ارقام عشوائية او معادلة تباديل وتوافيق في منظومة الكمبيوتر