احداث رياضية لاعوام 2008 2009 2010 2011

[احمد بدر1978]

والله احسن

[hazem_khidr]

هو موضوع مهين فعلا لمصر اننا نتساوي بالجزائر
يظهر ان معمر القذافي نسي عبد الناصر خلاص

[luckyman]

المشاركة الأصلية كتبت بواسطة hazem_khidr هو موضوع مهين فعلا لمصر اننا نتساوي بالجزائر يظهر ان معمر القذافي نسي عبد الناصر خلاص

اصلا دى دوله بالمجالس والمؤاتمرات الشعبية طول اليوم قرارات متضاربة لا بتقدم ولا بتأخر
يقدر التاريخ والليبين والجزائييريين يقولوا على مصر ما شاءوا انا مصر عندى احب الاشياء وكلامهم اساسا مع احترامى لما عفا الله عنهم لا بيقدم ولا بيأخر

[mahmoudnada80]

والله عيب علينا
لو كانوا عملوا كده قبل ماتش الاهلي كانوا ريحونا
وبعدين هما نسيوا عملوا ايه في ماتش الاهلي والاتحاد الليبي ده الملعب عان بيضرب فيه نار
بس كده احسن
احنا نلعب ودي مع فرق كبيره انضف من اللعب مع الناس دي

[AbOnOrA]

المشاركة الأصلية كتبت بواسطة luckyman مع احترامى لكل الاهلاوية والزملكاوية ولكل اندية مصر المحترمة طبعا انا طول عمرى كنت اهللاوى من غير ما افهم فى الكورة وانا دلوقتى مش اهلاوى بس بشجع مصر بس فى المباريات اللى بتمثل المنتخب لكن الحق يقال ان كلام كتير ان مكنش معظمة صح بتاع ابراهيم عيسى ودة مش يقلل من شان نادى الاهلى ولغاية دلوقتى النادى الاهلى مسيطر على وسائل الاعلام من تليفزيون لصحافة وفية رجال اعمال وسلطة وكل شىء وبالتالى محدش قادر يقف قدام الاله الاعلامية اللى بيمتلكها النادى الاهلى ودة طبعا لا يقلل من شأن الاهلى كنادى عريق ورقم واحد فى مصر فى كرة القدم لكن مش معنى كدة ان كنادى نتمى لية بعصبية احنا اهلوية لفريق النادى انما النادى طبعا تحتة الف خط احمر لكن كفريق طبعا مفيش منافس وفريق محترم لكن كرة القدم ديما علشان يكون فى اهلى لازم يكون فى فريق تانى سواء كان زماللك او المصرى او اى فريق انما نقلل من شأن الغير طبعا دة امر مرفوض انا عن نفسى ممكن اشجع فرق انما كنادى وادارة طبعا دى سياسة وبيزنس لا تخلو من الاعمال القذرة

استاذى العزيز مع احترامى للعديد من ارائك ومشاركاتك لكن بعض المشاركات زى ديه كده مببقاش قادر افهم حاجة محددة واحيانا الكلام الغير واضح بيبقى مسيئى ايضاً على نفس القدر

اولاً قولت لكن الحق يقال ان كلام كتير ان مكنش معظمة صح بتاع ابراهيم عيسى

طيب ايه الكلام الصح وايه الغلط ؟؟
هل اشارته ان النادى الاهلى ماسونى صح ؟
هل مغالطته بان المدير الانجليزى قعد سنتين بدل سنه صح ؟
هل مغالطته وتجاهله للفرق الكبير بين مؤسس النادى ومدير النادى صح ؟
طب هل اغفاله لنهج النادى الاهلى ولاعيبته فى مساندة القضايا الوطنيه بدايه من مختار التتش لابوتريكا صح ؟
هل الالفاظ اللى استخدمها فى خطابه اللى المفروض يكون حيادى وعقلانى كان على المستوى اللائق ؟

ثانياً حضرتك بتقول النادى عليه الف خط احمر !!!؟ يعنى ايه ؟

ثالثاً ازاى بتقول ( لكن كفريق طبعا مفيش منافس ) وفى نفس الوقت (لكن كرة القدم ديما علشان يكون فى اهلى لازم يكون فى فريق تانى )

مش شايف انها متناقضة اوى ؟
وليه لازم يكون فيه فريق تانى ليه ميكونش فيه عشره او عشرين فريق منافس ؟؟؟ ونبقى دورى قوى زى باقى الدول وساعتها برضو هيبقى فيه مشجعين لكل فريق
انا مثلا قعدت فتره مش بتابع الدورى المصرى ولا مهتم بيه لهبوط مستواه وكتر مشاكله والكلام فيه اكتر من الفنيات وكنت ومازلت مشجع لمانشستر يونايتد
لانه برضو نادى عريق وليه شخصية ومدرسه كرويه ثابته المعالم كما يقال ومميز بالاسلوب الجماعى وادائه بشكل عام ثابت وديه نفس السمات اللى بتعجبنى فى الاهلى
لكن عامه لو قلبت القنوات ولقيت اى ماتش فى الدورى الانجليزى بتفرج عليه وبلاقى فيه منافسه وجديه ومهارة واخلاق رياضيه والتزام

واخيراً تلميحك فى الجمله ديه
ممكن اشجع فرق انما كنادى وادارة طبعا دى سياسة وبيزنس لا تخلو من الاعمال القذرة

بشكل يوحى بان النادى الاهلى لا يمثل الا السياسه والبزنس والاعمال القذره !!!

طب السياسه ومفهوم انها دائما ما بتتدخل فى كره القدم باعتبارها اللعبه الاكثر شعبيه وتاثيراً على جموع المواطنين وده ينطبق على كره القدم كلها مش نادى بعينه

اما بزنس ديه فطبيعى ان الانديه كلها تدار بمنهجيه الربح والخسارة وكل الانديه بتبيع لعيبة وبتشترى لعيبه ولازم ليها موارد تصرف بيها على اطقم الادارة الفنيه والملاعب وشراء اللعيبة ومدارس التدريب ووو
والكلام ده فى كل العالم ومن غير الكلام ده مش هتبقى فيه رياضة اصلاً ويبقى بنتكلم كلام مش واقعى ولا موضوعى

وبعدين هو النادى الاهلى بس اللى وراه رجال اعمال ؟؟
والزمالك وراه رجال دين ومصلحيين اجتماعيين !!!
طب الجونه واتصالات وانبى وبتروجت والمقاولين دول ايه ؟ ما هى نوادى قائمه على شركات برضو لدرجة ان ناس كتير بقو ينتقدو الدورى العام ويقولو عليه (دورى الشركات )

بس لان البزنس هو الوحيد القادر على تمويل الانديه ورفع مستوى الاحترافيه فيها نجحت وقدمت دورى يستحق لقب الممتاز الى حد كبير كنا مفتقدينه ايام ما كانت الدنيا اهلى وزمالك بس

والبزنس هو اللى يقدر يخلى عندك اكتر من فرقه منافسه ويبعد شويه سيطره الحكومه على الرياضه

واخيراً موضوع الاعمال القذرة ده برضو محتاج توضيح منك علشان مياخذش على انه اسائه ؟