ارشيف الاستراحة 2011

[ايمن عبدالحميد]

المشاركة الأصلية كتبت بواسطة sad-bird يا دكتور ايمن مش مهم انا يهمني ان فيه 90 ألف عضو على الاقل هيكون فيه الف منهم محتاجين مشورة قانونية او حتى توجيه يروحوا فين ويجوا منين شوف الموضوع ده دخله لغايه دلوقتي 168 واحد وما يستجد كمل جميلك بقى وفيدهم من علمك يرضيك يعني تضيع الكام حسنة اللي هينوبوك من الموضوع ده G IFT4U

حاضر بس نشوف موضوع تانى بقى

بسم الله الرحمن الرحيم

اولا بحب امسي علي كل اعضاء بيتي الغالي

النهارده حبيت اكتب موضوع مختلف حبه بس ما هو الا عباره عن خلاصه خبرتي مع العربيات

البدايه .... ازاي تختار العربيه الي تناسب احتياجك ....
تعالو بينا نشوف

اولا قبل ما تفكر انك تشتري عربيه لازم تبقي فاهم ان العربيه بيت مستقل زيرو بقي مش زيرو فهي بيت مستقل
وياما في بيوت تسعد و تفرح و في بيوت تجيب الهم و طبعا الله اعلم انت لسه هتشتري

يعني اي بقي بيت مستقل ......؟؟؟
يعني اقل حاجه محتاجه ورقه بميت جنيه كل اسبوعين ده لو استهلاكك متوسط وعربيه متوسطه
يعني محتاج تطمن علي العربيه كل فتره اذا كان بالتوكيل او اذا كان بميكانيكي
يعني محتاج توديها مغسله ب 15 جنيه علي الاقل مره كل اسبوعين
يعني محتاج كل يوم الصبح او كل ما تستخدمها 10 دقايق تزودهم علي وقتك " تلميع العربيه وتسخينها "
يعني محتاجه اهتمام لو فانوس اتكسر او لا قدر الله العربيه اتخبطت

الخلاصه محتاج شهري
ما يعادل150 - 200 جنيه لو استهلاكك متوسط
ومحتاج اربع ساعات و نصف علي مدار الشهر تلميع و تسخين


نيجي بقي لنظرتك للعربيه .....
""" نصيحه اعرض قدامك جميع الاصناف المتاحه من الابره للصاروخ """
اول حاجه انت تقدر تجيب بكام ....؟
الشعب المصري عامه شعب متوسط يعني هو لا غني ولا فقير بس الماديات تفرق معاه
فنخلي اول حاجه تبقي عينك عليها و تحددها انا معايا كام و اعرف اجيب اي
لان
مين فينا ميحبش يجيب بي ام
بس العين بصيره و الايد قصيره
متقعدش بقي تدقق في العربيات الي مش قد ميزانيتك
وتزعل من نفسك
لا ارضي بنصيبك و فكر تعمل اي بالقماشه الي بايدك وتفصلها علي مقاسك

تاني حاجه تحدد انت ساكن فين .....؟
يعني اغلب سواقتك فين ؟؟؟ هل منطقه جبليه والا منطقه رمليه والا هي منطقه شوارعها جميله و سلسه والا مكسره و بلد ارياف ؟؟؟

تحديدا بعد العنصرين دول عربيات كتير جدا هتتشال من قدامك و التفضيل هيقل علي عربيات معينه

في الحاله دي ابدأ حدد احتياجك من العربيه
هل انت محتاج عربيه عائليه ؟؟؟ والا شبابيه ؟ طب ياتري بعد 5 سنين حالي هيبقي ازاي واحتياجي هيكون عامل ازاي ؟؟ هل انت هتبيعها كمان سنه و الا هتكون عشره عمرك ومدي الحياه ؟؟

نيجي لنقطه مهمه بقي
اسلوب سواقتك .........
هل انت علي طول بتحب تلعب بالعربيه وجري و سحب ؟؟ والا في المناسبات بس ..؟؟؟ والا رافض اللعب تماما ..؟؟؟ و طبعا درجه حمايه العربيه تعتمد علي اسلوب السواقه


طب في حاله عطلانها
هل التوكيل متاح ...؟؟ قطع الغيار متوفره او هتتوفر عن القريب ...؟؟؟

في حاله قرارك بالبياعه
هل مكان سكنك سهل انك تبيعها ...؟؟؟ هل عربيه مطلوبه في البيع ...؟؟؟

هتلاقي نفسك عمال تشطب علي عربيات و ينتهي بيك المطاف لعربيه او اتنين

تاكد ان بكده انت اخترت اسلم قرار بعون الله
بس في حاجه مهمه بقي عشان ترضي عن قرارك

انت جبت العربيه المناسبه لاحتياجك انت مش احتياج باقي الناس يعني العربيه دي متفصله عليك ولشخصيتك
تاكد لو انت اتغيرت و شخصيتك اتغيرت العربيه مش هتتغير لتغيرك لا هتفضل زي ما هي وساعتها مش هترضي عنها نهائيا وهتقول العربيه دي اختيارك فيها سيئ
تاكد ان العيب فيك مش فيها


بالنسبه بقي للي يخليك مترضاش علي قرارك
اكتر حاجه منتشره "" انك تشد بيها مع اي حد تعرفو ""
واحد صاحبك يشد معاك يعديك تقوم انت تتغاظ و تتنرفز علي العربيه و صاحبك يقول كلمتين وحشين في عربيتك تقوم تقفل منها و تنسي الهدف الرئيسي من العربيه و انت لي جبتها و لي اخترتها في الحاله دي انت هتتغير بدون ما تشعر وهتكره العربيه وساعتها هتكون عايز تتخلص منها باي شكل وتبعها بالخساره عشان تجيب عربيه تعلّم بيها علي صاحبك بس ساعتها هتكون خسرت ماديات و خسرت العربيه الي تناسبك وتناسب احتياجك فتهجيب عربيه مش لإحتياجك فبالتالي هتفشل في تحقيق هدفها الرئيسي وبالتالي هترجع لنفس طريق اول عربيه الخساره من كل الاتجاهات

طب متيجي نفهم يعني اي تعلّم علي صاحبك و اي مقومات التعليم ...........

اولا اعرف الاول ان العربيه عباره عن منظومه متكامله كل حاجه فيها مدروسه بعنايه متناهيه
مجرد خط موجود في الابواب له هدف .... وضع الكبوت كده له هدف ..... حجم المرايه كده له هدف ..... شكل الشنطه كده له هدف ..... و هكذا

نبدأ من تحت لفوق
الجنوط ::: حجمها و شكلها و نوعيتها و ضغط الهوا فيها بياثر جدا في سحب العربيه
كل ما كان الجنوط اسبور و العفشه اسبور والكاوتش مضبوط بالهوا تاكد ان اول عامل بقي بيرفكت
هتقولي طب اي يعني العفشه اسبور .......؟؟؟
العفشه الاسبور تبان جدا مع المطبات او اي ارتفاعات عن الارض .. تديك ثبات متناهي علي السرعات العاليه و طبعا ده يديك ثقه في الدواسه مهما كان الطريق فيه ملفات ويديك ثبات هوائي ......... يعني لو طرت بالعربيه متتقلبش
الابواب :::: كل ما كان الابواب فيها خطوط متناسبه و تساير حركه الهوا كل ما كانت العربيه اسهل في الاختراق مقاوه الهوا
اكنك ماسك قلم رصاص كل ماكان في تضليعات بالاجناب كل ما كان اسلس في الاختراق وطبعا مش اي خطوط
الازاز ::: لو مفتوح تاكد ان مقاوه الهوا هتزيد لان في الحاله دي اتزان العربيه بيضطرب و بيتخللها هوا بيشتت اتزانها ففي حاله الشد طبعا يبقي افضل تقفل الازاز
وضع المرايه ::: المرايه مفتوحه بيختلف عنها و هي مقفوله واما تتفتح بيوزع الهوا باسلوب اسلس من و هي مقفوله
الاقصدامات و تهويه العربيه من الامام ::: كل ما كان سهل دخول الهوا من الاقصدام و الرفارف كل ما كان العربيه اسلس في الانطلاق لانه بيديك حاجتين الاولي سهوله تهويه الموتور افضل ثانيا عمليه شفط للهوا فبيحول مقاوه الهوا لقوه دفع
الشنطه من الخلف ::: كل ماكانت عاليه كل ماكانت العربيه اثبت بس هيقلل من سرعتها لان مقاوه الهوا هتزيد
وزن العربيه ::: بيفرق كتييييييييييير جدا وده اهم عامل

غير كل دول في ملاين الملاين من العوامل المتغيره
فمبدأ التعلّيم علي بعض ده منطق غلط بالمره
لان كل العوامل متغيره الي المفروض تبقي متساويه " قانون تكافؤ الفرص "

فلي بقي من منطق غلط يخليني اخسر اختياري و اتراجع و اجيب حاجه متناسبنيش ......؟؟؟؟؟

تاكد لو ظهرت مشاكل و ظهر جواك عدم رضا يبقي يا اما اختيارك مكنش منضبط بالطريق الصحيح من الاول او حد علّم عليك و انت اندرجت تجاه الاسلوب الساسج ده

انا عارف ان الموضوع طويل بس عن وجه نظري مهم جدا
اتمني ان الكل يختار صح و يرضي عن عربيته

تقبلو خالص تحياتي

[tarek elbadry]

السلام عليكم
الموضوع بسيط جدا انا من سكان المنطقة وكل يوم بستعمل المحوررايح جاى

[نبيل عبدالرحمن]

ما هولازم أى حاجة تتنفذ فى بلدنا لو قيمتها 100مليون يبقى نصفهم ما إتحطوش فى المشروع ولكن راحوا لأماكن تانية انتم عارفينها وبيبقى ده على حساب جودة التنفيذ .....المشكلة عندنا فى انعدام الضمير

[نبيل عبدالرحمن]

موضوعك جميل يابو الإسعاد والمفروض ده يبقى اسمه مبادئ شراء سيارة لكل واحد عايز يشترى سيارة يقرأ الأول هذه المبادئ التى تغطى كل النواحى والعاقل اللى يلتزم بها وياخدها نبراس يمشى على نوره
ومعلش أنا قمت بتعديل بسيط على نظام الكتابة بحيث إنه مايبقاش مائل لأنه بيزغلل العين خاصة وإنك بتكتب بفنط رفيع
أرجو تقبل التعديل مع وافر تحياتى