فرحت ولا

[مهند سالم]

المشاركة الأصلية كتبت بواسطة فادى يا سلام! و ده فيسك عرف منين الكلام الخطير ده بقى؟ هو فيه دولة فى الدنيا هتضرب الشعب بالطيارات و فى وسط ميدان التحرير اللى فيه الحكومة كلها و المتحف المصرى يعنى هيدمروا الميدان باللى فيه. هو اى كلام و خلاص, طب ما كان امر البوليس يضرب رصاص حى و هو ما لم يأمر به حيث لم تطلق الشرطة رصاصا حيا الا بعد ان قام المتظاهرين بمهاجمتها و ده كان خارج الخطة أساسا (لم يتوقع أحد ان تهاجم الشرطة من المتظاهرين). و لو كانت اطلقت الشرطة رصاصا حيا لمات ما لا يقل عن الف واحد. مبارك ليس حافظ الأسد الذى قتل 22 ألف متظاهر فى حماة و يحكم شعبه بالحديد و النار و ابنه من بعده. أولا لا يسمح القانون الدولى للجيش بضرب الشعب. و كان هناك تحذير أمريكى بقطع المساعدات عن مصر (لمن يتابع فى الأيام الأولى و هى مساعدات للجيش فى الأساس), فهل يضحى مبارك بالجيش لأن ضرب المتظاهرين معناه فقدان دعم الأسلحة الأمريكية و صعوبة الحصول على داعم بديل. بالاضافة طبعا الى تدمير سمعة الجيش المصرى دوليا و محليا. فهذا كلام يخرج عن حدود المنطق, ده كلام ممكن اصدقه فى سوريا, فى الصين, فى ليبيا, انما فى مصر و من مبارك فهذا مستحيل. للأسف واضح انو صوت العقل غاب, و الصوت العالى غير المنطقى هو المسيطر الأن. لذا فان ليس لى مكان فى هذا النقاش الذى انقلب الى اشاعات لا أساس لها من الصحة.

يا عم نبوس الجدم، خلاص إنت صح، الله عليك، الله يحرسك، ما شاء الله، مفيش أحلى من كدة، منتظرين حضرتك وأمثالك ترفعولنا شأن البلد في الفترة القادمة، وتقوموا الحزب الوطني المصلح وتوقفوه على رجليه عشان تبدأ مصر مرحلة جديدة من العزة والكرامة واستكمال المسيرة ، والديمقراطية والحرية.

[samirayad]

على رأى فريد الأطرش

ل أكتب على أوراق الشجر

ول أكتب على الرأس وعلى العين

أن الجماعه إللى بيدافعوا عن مبارك بأستماته كده

أكيييييييد ..............

كانوا منتفعين من تواجده بالسلطه

[MmFFoR]

مش عارف ليه حاسس ان فيه مرارة في حلقي
كل ما بحاول افرح... افتكر ان في اكثر من 300 شاب قتلوا بدم بارد
300 شاب لم يفرحوا بدنياهم, لم يحضروا فرحتنا, تيتم اطفالهم و رملت زوجاتهم و ثكلت امهاتهم و احبط ابائهم!!
300 شاب سوف يفتقدهم اصدقائهم و اقربائهم! سوف تفتقدهم مصر كلها في مساعدتهم لها في عصر الحرية!!
و الادهى و امر الاف المعتقلين الذين ما زالوا معتقلين و مختطفين في معتقلات القمع و الفساد
يعذبون و يبكون حاليا لانهم نواة الثورة! بينما السلبيون يجنون ثمار الثورة و يفرحون بها
مش حاسس بالظلم زيي؟

[احمد الشناوى1981]

انا طاير من الفرحه و متفائل ان الى جاى ان شاء الله هيكون احسن
المبالغ الى بيتقال عليها فى الجرايد و التلفزيون بتقول ان البلد دى كانت ملياااااااااااانه حراميه و سفاحين و السرقه كانت بمنتهى الفجر يا جماعه دى كانت عزبه و الله الى عملوه الرجاله الى فى التحرير ولد مصر من جديد
ان شاء الله يكون عهد جديد وناس جديده تبنى بما يرضى الله
عمار يا مصر

[احمد الشناوى1981]

[QUOTE=mmffor;357081]مش عارف ليه حاسس ان فيه مرارة في حلقي
كل ما بحاول افرح... افتكر ان في اكثر من 300 شاب قتلوا بدم بارد
300 شاب لم يفرحوا بدنياهم, لم يحضروا فرحتنا, تيتم اطفالهم و رملت زوجاتهم و ثكلت امهاتهم و احبط ابائهم!!
300 شاب سوف يفتقدهم اصدقائهم و اقربائهم! سوف تفتقدهم مصر كلها في مساعدتهم لها في عصر الحرية!!
و الادهى و امر الاف المعتقلين الذين ما زالوا معتقلين و مختطفين في معتقلات القمع و الفساد
يعذبون و يبكون حاليا لانهم نواة الثورة! بينما السلبيون يجنون ثمار الثورة و يفرحون بها
مش حاسس بالظلم زيي؟
ان شاء الله الناس الى ماتت تكون فى الجنه و نحتسبهم عند الله شهداء و مفيش حد فى مصر ينكر فضلهم علينا
و ربنا ينتقم من كل ظالم و ان شاء الله الايام الى جايه البلد هتنضف من كل الحراميه و المجرمين كلاب النظام الفاسد
اخى الحبيب افرح بالبلد و الى حصل مفيش حد كان ممكن يتخيلو مجرد تخيل
الناس الى ماتت مراحوش هدر و دفعو حياتهم مقابل جلاء استعمار الفاسدين ده اعظم انتصار فى تاريخ مصر و ربنا يرحمهم و يسكنهم جناته و ربنا ينتقم من الفاسدين اجمعين