دليل الاعطال و الاصلاحات للفيرنا

[khaled bar]

بصراحة معلومات جميلة رغم أنى ماعنديش فيرنا

[solee2002]

املك سياره هيونداى فيرنا 2009 مشكلتى عملت صيانةفى ابو رواش 1000 كيلو و5000 كيلوا وبرضه العيب هو هو ان العربيه بتغربل عند 100 كيلو هذا بالاضافه الى انى بحس بنتشه فى الشاسيه اسفل السياره من الامام عند تحريك السياره للامام لحظة الطلوع على الاول او عند تحريك السياره للخلف وعلى الرغم من اننى ذكرت هذا العيب للساده المهندسين العباقره اللى انه فى كل مره لايعالجون هذه العيوب واخر مره فى صيانه 5000 كيلو قرروا لى ان سبب النتشه او الرجه فى الشاسيه اللى بحس بيها عند تحريك السياره للامام او الخلف ان موتور السياره 1600 وهو قوى على الشاسيه فهل هذا كلام يدخل عقل ارجوا الاجابه حتى لا اندم على شرائى لتلك السياره ارجو الرد ؟؟؟؟؟؟؟؟؟؟؟؟؟؟
<!-- / message -->

[AbOnOrA]

المشاركة الأصلية كتبت بواسطة solee2002 املك سياره هيونداى فيرنا 2009 مشكلتى عملت صيانةفى ابو رواش 1000 كيلو و5000 كيلوا وبرضه العيب هو هو ان العربيه بتغربل عند 100 كيلو هذا بالاضافه الى انى بحس بنتشه فى الشاسيه اسفل السياره من الامام عند تحريك السياره للامام لحظة الطلوع على الاول او عند تحريك السياره للخلف وعلى الرغم من اننى ذكرت هذا العيب للساده المهندسين العباقره اللى انه فى كل مره لايعالجون هذه العيوب واخر مره فى صيانه 5000 كيلو قرروا لى ان سبب النتشه او الرجه فى الشاسيه اللى بحس بيها عند تحريك السياره للامام او الخلف ان موتور السياره 1600 وهو قوى على الشاسيه فهل هذا كلام يدخل عقل ارجوا الاجابه حتى لا اندم على شرائى لتلك السياره

اولاً موضوع الغربلة بعد ال 100 ده حلة ترصصها برة التوكيل عند حد كويس يحل الاربع جنوط ويرصص صح
لكن فى احتمال ان الجنوط نفسها تكون وحشة وساعتها لازم تغيير طقم الجنوط وديه حاجة من حقك لان ده عيب صناعة بس انت اتأكد الاول ان الجنوط سليمة بترصيصها برة التوكيل

بخصوص النتشة اللى حضرتك بتتكلم عليها فديه انا مش متصورها بس ممكن حضرتك تجيب العربية معاك فى المقابلة الشهرية ونبص عليها

المشاركة الأصلية كتبت بواسطة dr.lola السلام عليكم ورحمة الله وبركاته ازيكو يا احلى فيرناويه يارب تكونوا كلكو بخير وسعاده ان شاء الله انا انضميت للفرناويه بقالى حوالى 3 اسابيع الحمد لله جبت فيرنا 2009 وبما انكو اهل الخبره فعندى كام سؤال كده اولا: صيانة الشهر ايه الاماكن الى بتتعمل فيها واحسن مكان ايه ثانيا:لو فى اى خريشه او خبطات فى العربيه بيصلحوها ولا ملهمش دعوه انتو عارفين الطريق بقى اتخبطت وانا واقف مرتين الحمد لله ثالثا:ساعات بحس بحاجات مش متزبطه فالعربيه يعنى ساعات وانا بجيب مارشدير العربيه بترعش كده مره وحده مره او اتنين سمعت صوت غريب كده فى العربيه من تحت زى اصوات الالات فى مصانع وبيروح فى ساعتها وامبارح على سرعات قليله يعنى مثلا 40 كنت بسمع تكتكه كده بسيطه جايه من الابواب اللى ورا ولما بطلع بسرعه بتروح وشويه ويروح خالص معلش تقلت عليكو فالاسئله يلا مستجده بقى استحملونى مشكورين يا احلى اخوات

اهلا بيك وربنا يباركلك فيها ويكفيك شرها يارب

بالنسبة للصيانة الدورية فحضرتك بتعملها فى مراكز غبور او المراكز المعتمدة
بالنسبة للصيانة الشهرية فدية كشوفات (مستوى زيت - سوائل ) وممكن تعملها فى النزينة

بالنسبة للتكتكات والاصوات الغير ثابتة فحضرتك متاخدش فى بالك منها خالص العربية خفيفة وبتسمع وطرقنا زى الزفت ولو حطيت ودنك مع كل صوت مش هتخلص

اخيرا بالنسبة للخدوش فطبعاً التوكيل ملوش دعوه بيها والحوادث عامة خارج تغطية الضمان

[dr.lola]

السلام عليكم ورحمة الله وبركاته

اخويا ابو نورا ربنا يكرمك على الرد

انا عارفه ان الخدوش وكده خارج ضمان وان هتبقى على حسابى انا قصدى ان فى هناك عمال للحاجات دى ولا لا

وانا دلوقتى مستلماها 7-2 وعملت بيها حوالى 300 كيلو بس ولما اتصلت بيهم واحد قاللى لا استنى لما تقربى ل 1000 وواحد قالى لا التزمى بالشهر فانا مش عارفه ايه اللخبطه دى

ميرسى ليكو وربنا يكرمكو يارب

[AbOnOrA]

لاء مفيش حد متخصص للخدوش تحديداً بس معالجة الخدوش ممكن تتم عن طريق اى سمكرى او حتى حد عادى وده هيبقى ارخص من انك تروحى بيها التوكيل علشان خدوش

من ناحية ميعاد الصيانة فحضرتك معاكى لحد 5000 كم الاولى علشان تعملى الصيانة والمهم العداد مش الوقت
لكن طبعاً لو العربية فيها حاجة مش مريحاكى من حقك تروحى بيها حتى ولو عاملة 1 كم ده حقك عليهم فى اى وقت وحقهم عليكى انك تروحى تعملى الصيانة فى حدود ال 5000 الاولى