عملت ورشة ميكانيكا على اد امكانياتى

[حمدى مخترع مانيوال بدون د]

المشاركة الأصلية كتبت بواسطة romeoalmansour السلام عليكم ورحمه الله وبركاته ازيك ياعم حمدي - وازي الصحه - بصراحه ابو نوره بيشكر فيك جدا وانا عرفتك وسمعت عنك منه - وربنا يديم المعروف بس ياعم حمدي العيب الوحيد اللي مبيظهرش علي الكمبيوتر في السيارات النوبيرا هو حساس الاكسجين ودا طبعا غريب بس دا معروف في سيارات الـدايو والكنترول بتاعها - والله اعلي واعلم ثانيا:عيب حساس الاكسجين ميعملش دخنة - حساس درجة حرارة الميه هو اللي يعمل دخنة لو باظ - والله اعلي واعلم ثالثا:حضرتك تقصد ايه بحساس السرعه - علي حد علمي - حساس السرعه في بعض السيارات هو حساس الكرنك او يكون موجود علي الفتيس - فمعلش انا مش فاهم حضرتك تقصد ايه - لكي تعم المعرفه - والله اعلي واعلم ---------- والله العظيم اعلي واعلم -------------------

حساس السرعة انا من زمان بحاول احفظ اسمو بس ان شاء الله هحفظو تقريبا اسمو تى بى اس بيركب على اكس البواة مقابل سلك الاكسرتير من الناحية التانية وده بيدى اوامر للكنترول بتسارع الرشاشات اثناء الضغط عالاكسرتير اما حساس الاكسوجين فده بيقيس باستمرار نسب العادم واسمو حساس شكمان وبيدى اوامر للكنترول بتظبيط الهوا الى داخل من البوابة عن طريق الايدل وحساس السرعة الى هوا التى بى اس ده لوكنت بقول اسمو صح ولو حساس الشكمان بايظ الاوامر بيحصلها لخبطة وبيحصل دخنة او خنقة بس مش تاخير فالمواعيد مابين الضغط عالاكسرتير واستجابة التسارع والله اعلم مناقشتك جميل :TH E_PR~18:

[romeoalmansour]

السلام عليكم ورحمه الله وبركاته
فعلا ياعم حمدي هو اسمه (TPS), - في السوق اسمه حساس البوابة - لانه بيعرف الكنترول مكان البوابه بالضبط(اقصد نسبه فتح البوابه) اما التاخير في الاستجابه ممكن يعالج عن طريق ضبط الكابل الواصل بين الاكسراتير والبوابه
وياريت يا عم حمدي تشاركنا في الكورس دا وتشارك وتسأل لتعم المعرفه
http://www.masrmotors.com/vb/showthr...=113743&page=3
------- والله اغظيم اعلي واعلم -----------

[active]

إستفسار يا أهل الخبرة ... عندى عربية فيات 128 موديل 1986 الموتور بتاعها محلش قبل كده بس الموتور خفيف شوية والميكايكى قالى عايزة طقم شمبر علشان كبسها ضعيف شوية وكمان بيبقى فيه تنقيط زيت تحت العربية لما بنزل اركبها الصبح غالباً من الجوانات والاولسيهات ... أنا خايف أعمل العمرة وأفتح الموتور لأول مرة الموتور ميرجعش تانى زى الأول ... وخايف من الميكانيكيا جداً لآنى بسمع كتير عن عمرات بتطلع فاشلة فى الاخر ... عايز رأيكم أسيبها كده أحسن وأستحمل ضعف السحب ولا أعمل طقم شمبر ؟

[حمدى مخترع مانيوال بدون د]

المشاركة الأصلية كتبت بواسطة active إستفسار يا أهل الخبرة ... عندى عربية فيات 128 موديل 1986 الموتور بتاعها محلش قبل كده بس الموتور خفيف شوية والميكايكى قالى عايزة طقم شمبر علشان كبسها ضعيف شوية وكمان بيبقى فيه تنقيط زيت تحت العربية لما بنزل اركبها الصبح غالباً من الجوانات والاولسيهات ... أنا خايف أعمل العمرة وأفتح الموتور لأول مرة الموتور ميرجعش تانى زى الأول ... وخايف من الميكانيكيا جداً لآنى بسمع كتير عن عمرات بتطلع فاشلة فى الاخر ... عايز رأيكم أسيبها كده أحسن وأستحمل ضعف السحب ولا أعمل طقم شمبر ؟

اعمل طقم شمبر ما تخفش

[محمد فيصل]

تسلم ايدك يا حمدى باشا يا جميل