جمعة الغضب - تغطية لاحداث الثورة من 24 يناير 2011

[MmFFoR]

اللجان الشعبية سيطرت على الشارع المصري و منعت فلول و كلاب الداخلية من نشر الفوضى!
و ده السبب اللي بيخلي مبارك يلعب على نشر الداخليه من جديد في لبسهم الميري لانهم فشلوا في تحقيق اهدافهم في اللبس الملكي!!!
احنا في معركة النفس الطويل! اللهم ثبت اخواننا

[bmkbmk]

المشاركة الأصلية كتبت بواسطة Ahmed Anwer يا جماعة أنا لسه متعلق هنا في باريس و خلاص أعصابي باظت و بطني اتقلبت كل ما اكلم مراتي ألاقيها هتعيط و أولادي خايفين و تقولي كل شوية نسمع ضرب نار و بلطجية و رجالة العمارة و الشارع قاعدين طول الليل في الشارع بيحموه و دخلت عربية المنطقة ،، الجامع نده علي الناس ،،، الناس راحت الجامع و هيا بتهتف الله أكبر ،، الله أكبر و طاردوا العربية لحد ما خرجت و الجامع مش بيقفل و الناس قاعده فيه ملحوظة ده في منطقة هادية نسبيا ،،، النزهة الجديدة أسرتي مش عارف هيعملوا أيه بعد ما الأكل يخلص في البيت و مفيش محلات فاتحة أو الفلوس تخلص و البنوك قافلة ،،، الفلوس مش مشكلة ،،، بس مشكلة المحلات و الأكل و الشرب إختلافي الوحيد معاها ،، إنها مش مقتنعة خالص إن ده بترتيب من الأمن أو علي الأقل جزء منه عشان لينا قرايب كتير ضباط شرطة ،،، واحد منهم اتخطف ،، و التاني قسمه اتحرق و واقف مع الناس في الشارع بتاعه يحميه أنا عايز ارجع مصر بأي طريقة ،،، يا أ / شريف ،،، الناس دي أنا مقتنع تماما إنهم من فلول الداخلية الموضوع مش منطقي و التزامن اللحظي ما بين اختفاء الشرطة و ظهور سيارات و موتسكيلات الارهابيين غير منطقي أكيد طبعا فيه نسبة من الغوغاء و العشوائيات بس الموضوع بتنظيم تام من الدولة ،،،

ربنا معاك يا باشا ... و عن قريب ان شاء الله ترجع لهم بالسلامة و تطمن عليهم

[_amr.mostafa_]

المشاركة الأصلية كتبت بواسطة Ahmed Anwer التجمع الخامس و الرحاب لم يحدث بهم اي نهب او عنف و الوضع هادئ علي عكس ما يشاع و حتي واجهات مولات شارع التسعين الزجاجية لم يحصل لها شئ و السوبر ماركت شغال بس زحمة شديدة جدا و البضاعة قربت تخلص نتيجة لحظر التجول و قلق الناس المصدر واحد جاري في التجمع الخامس

لا الرحاب من يومين دخلو فيها وانا متاكد اصل قرايبي ساكنين

هناك اتصلنا بيهم اول ما اذيع الخبر على الجزيرة قالو الرجالة

نزلو بالعصيان وكل شوية يسمعو صوت ناس بتصوت ومحدش

عارف يعمل ليهم حاجه وفيه دبابتين على الابواب بس الناس بتخش

والله اعلم

[MmFFoR]

فكرة:
تخيل اذا انتهت الاحتجاجات بدون تغيير مبارك ماذا سيحدث؟
محاكمات عسكرية لجميع من حث المشاركات و من شارك فيها بتهم محاولة قلب نظام الحكم عارفين ده معناه ايه؟ اعدامات بالجملة! عملية بلوك شامل و نهائي للفيسبوك و تويتر
ارسال اي قيادة محتملة بديلة لمبارك الى المنفى او الحبس الجبري
اقسم بالله سيتم اعدامات بالجملة بالقانون!! يعني ايه؟ حيعرض الجميع على النيابة و يتم اثبات تهمة قلب نظام الحكم و عقوبتها الاعدام لانها تمثل خيانة عظمى!!! سيتم تقوية شوكة الامن! و التصدي لاي مظاهرة سلمية مستقبلية بصورة دموية ضاربين بالاعتراضات الاجنبية عرض الحائط لان الموضوع اصبح مسألة حياة او موت للنظام! هما عارفين ان جرائمهم من قذارتها ستلقي بهم في هياغب السجون لبقية حياتهم فاسقاط النظام يعني انتهاء حياتهم فعليا
يا رجال مصر: تواصلوا مع جميع من تعرفون و اسالوهم الانضمام الى المسيرة المليونية يوم الثلاثاء الى القصر الجمهوري! لازم ما نوقفش يوم واحد!!!!
في حد عنده رأي اخر!

[_amr.mostafa_]

حضراتكم رايكو ايه هل هيمشي حس حس ولا قاعد ؟

انا رايي انو قاعد والناس بدات تقل وتخاف