رابطة ملاك ومحبى السفينه فيات 132

[eng_hosny]

السلام عليكم
بعد اذنكم يا جماعة انا كنت عايز استسفر عن حاجة
انا معاية عربية 32 2000CC فـ كنت عند الكهربائى بظبت نور وكدا فا خلصت ومشيت وانا ماشى فى الطريق لقيت العربية بتقفش مرة وحدة اكنك بدوس فرامل كدا وبعد كدا تسيب مرة وحدة عملتة معاية حوالى 4 مرات
بعد كدا ركنتة حوالى سعتين كدا وبعد كدا روحت اجيب حاجة وقولت اجربة بالمرة يمكن اتظبتت بعد كدا مشيت كويس قولت الحمدة الله لسة جى بركن العربية لقتة عملت كدا تانى وبتلط دورتة تانى ومشيت عجلة راحت مبطلة ومدارتش ياترى المشكلة ممكن تكون ايية

المشاركة الأصلية كتبت بواسطة ahmed_sadek أخواني في الرابطة هشام - أيمن - محمد - مصطفى - كار أدميرز شكراً ليكم كلكم أنا بعت العربية النهارده بمبلغ وقدره 11500 جنيه وبعد العمولة بتاعت المعرض وصلت 11250 أنا زعلان جداً وصعبان عليه الفلوس اللي صرفتها على العربية وزعلان على إني بعتها بس الصراحة العربية كانت محتاجه شغل كتير يوصل لمبلغ وقدره 6000 جنيه 1- أربع فرد كوتش 2- عمرة كاملة للماتور 3- أسطوانة وديسك 4- شغل سمكرة ودوكو وطبعاً العربية الفترة الأخيرة وصل معدل استهلاك البنزين فيها لمعدلات عالية جداً لدرجة إني سافرت مشوار 135 كليو خدت بنزين 40 لتر وأكلت زيت كيلو ونصف تقريباً يعني سافرت بيها وجيت بـ 75 لتر بنزين وثلاثة كيلو زيت ونصف بالضبط وطبعاً كنت عايز أعمل الشغل (1 - 2- 3- 4) بس لقيت نفسي هصرف على اساس غير سليم حيث أنني كنت مغير ربعين الشاسيه الأماميين (السلاحين) كما يطلق عليهم فمكنش قدامي خيارات أنا تعبان جداً وزعلان وده عشان فعلاً أنا كنت راكب عربيه ملوكي (فعلاً مرسيدس الفيات) مقولة سليمة 100% وزعلان أكتر عشان الخسائر الفادحة اللي لحقت بي وزعلان أكتر عشان معندش هعرف أأقول أنا معايا فيات 132 وأنا فقدت الثقة بالناس اللي بتبيع عربيتها والناس اللي بتشتري كمان الغريبة إن المعرض اللي اشترى العربية كان كل كلامه إن العربية محتاجه عمره وشغل سمكرة ودوكو ولم يلاحظ أحد منهم إن هناك فردتين أو ربعين شاسيه ملحومين أو تم تغيرهم فهل لو كانوا لاحظوا هذا الأمر كان سيؤثر على السعر ؟ مرة أخرى شكري وسلامي الخاص جداً لكل أعضاء المنتدى وعلى وجه الخصوص أخواني (هشام وأيمن ومصطفى ومحمد القاضي وكار أدمايرز) كان نفسي أتعلم أكتر عن ميكانيكا السيارات بس للأسف يا رب تكونوا جميعاً بخير ومعلش صدعت دماغكم

قدر الله وما شاء فعل وخيرها فى غيرها ان شاء الله !

:C HUBBY~36:

[mOuStaFa_ERTU]

المشاركة الأصلية كتبت بواسطة ahmed_sadek أخواني في الرابطة هشام - أيمن - محمد - مصطفى - كار أدميرز شكراً ليكم كلكم أنا بعت العربية النهارده بمبلغ وقدره 11500 جنيه وبعد العمولة بتاعت المعرض وصلت 11250 أنا زعلان جداً وصعبان عليه الفلوس اللي صرفتها على العربية وزعلان على إني بعتها بس الصراحة العربية كانت محتاجه شغل كتير يوصل لمبلغ وقدره 6000 جنيه 1- أربع فرد كوتش 2- عمرة كاملة للماتور 3- أسطوانة وديسك 4- شغل سمكرة ودوكو وطبعاً العربية الفترة الأخيرة وصل معدل استهلاك البنزين فيها لمعدلات عالية جداً لدرجة إني سافرت مشوار 135 كليو خدت بنزين 40 لتر وأكلت زيت كيلو ونصف تقريباً يعني سافرت بيها وجيت بـ 75 لتر بنزين وثلاثة كيلو زيت ونصف بالضبط وطبعاً كنت عايز أعمل الشغل (1 - 2- 3- 4) بس لقيت نفسي هصرف على اساس غير سليم حيث أنني كنت مغير ربعين الشاسيه الأماميين (السلاحين) كما يطلق عليهم فمكنش قدامي خيارات أنا تعبان جداً وزعلان وده عشان فعلاً أنا كنت راكب عربيه ملوكي (فعلاً مرسيدس الفيات) مقولة سليمة 100% وزعلان أكتر عشان الخسائر الفادحة اللي لحقت بي وزعلان أكتر عشان معندش هعرف أأقول أنا معايا فيات 132 وأنا فقدت الثقة بالناس اللي بتبيع عربيتها والناس اللي بتشتري كمان الغريبة إن المعرض اللي اشترى العربية كان كل كلامه إن العربية محتاجه عمره وشغل سمكرة ودوكو ولم يلاحظ أحد منهم إن هناك فردتين أو ربعين شاسيه ملحومين أو تم تغيرهم فهل لو كانوا لاحظوا هذا الأمر كان سيؤثر على السعر ؟ مرة أخرى شكري وسلامي الخاص جداً لكل أعضاء المنتدى وعلى وجه الخصوص أخواني (هشام وأيمن ومصطفى ومحمد القاضي وكار أدمايرز) كان نفسي أتعلم أكتر عن ميكانيكا السيارات بس للأسف يا رب تكونوا جميعاً بخير ومعلش صدعت دماغكم

يا ابو حميد الحمد لله على كل حال وان شاء الله تشترى حاجة حلوه
انا لسه شايف واحدة 2000 النهاردة للبيع لونها ابيض خدت رقم الراكل وكل ما اكلمه مايردش اصلى بدور على واحدة نضيفة لواحد حبيبى وانا لو وقعت قدامى حاجة حلوه هقولك وممكن صاحبها يرضى يقسطلك الباقى
والمهم انك بخير بس انت عملت اللى انا عملته بالظبط لما بعت عربيتى الاولى 1800 موديل 76 كانت عايزة عمرة موتور بس الصراحة بس قلبتها ب 10.000 اتعمرت واتباعت ب 16.000 بس برده محدش يعرف النصيف والخير فييين

[Hisham.Elgazzar]

المشاركة الأصلية كتبت بواسطة ahmed_sadek أنا متشكر يا محمد على سرعة ردك بس المشكلة أنا كنت شاريها من سنة وأكتر بـ 15500 وصرفت عليها أكتر من خمسة آلاف وبعدين الواحد مش بيلاقي الفلوس مانت عارف عموماً شكراً ليك وربنا يبارك فيك يا أخي ونشوف قريب على خير إن شاء الله

معلش يا أحمد قدر الله وماشاء فعل
أخويا باع عربيته رقم 5 بعد خسارة أكتر من 20000 جنيه فى الخمس عربيات اللى فاتوا ، دماغه مش مريحاه ، مع ان الأخيرة كانت سيفيك 92 عليها مكنة 97 ماتصدقش نفسك ونتا راكبهااااا بتحط على اى عربية زيرو
المشكله الوحيدة اللى فيها كانت عاوزة المكنة تطلع وتلحم شوية لحامات فى الحوض وتحط بارة ميزان وخلاص لكن هو باعها وبرضو خسر 5 ، ربنا يعوضك خير وماتستعجلش بإذن الله هتلاقى حاجة كويسة

المشاركة الأصلية كتبت بواسطة eng_hosny السلام عليكم بعد اذنكم يا جماعة انا كنت عايز استسفر عن حاجة انا معاية عربية 32 2000CC فـ كنت عند الكهربائى بظبت نور وكدا فا خلصت ومشيت وانا ماشى فى الطريق لقيت العربية بتقفش مرة وحدة اكنك بدوس فرامل كدا وبعد كدا تسيب مرة وحدة عملتة معاية حوالى 4 مرات بعد كدا ركنتة حوالى سعتين كدا وبعد كدا روحت اجيب حاجة وقولت اجربة بالمرة يمكن اتظبتت بعد كدا مشيت كويس قولت الحمدة الله لسة جى بركن العربية لقتة عملت كدا تانى وبتلط دورتة تانى ومشيت عجلة راحت مبطلة ومدارتش ياترى المشكلة ممكن تكون ايية

أهم حاجة ماتكونش فيه قفلة فى الكهربا هى اللى بتقفلك العربية ونتا ماشى لأنها ممكن تعمل مشكلة كبيرة فى العربية
كأنك بالظبط ماشى ومرة واحدة ونتا معشق الغيار تفصل الكونتاكت أكيد العربية هتكلبش زى منتا بتقول
الحاجة التانية ممكن يكون الموبينة بتفصل أو سلك اللقط
راجع على العربية قبل ماتعطل بيك لا قدر الله وياريت تبلغنا اه الأخبار

[ahmedmomtaz372]

الله ينور يا باشا
انا كان معايا 132 2000 بس موديل 77
كانت عربية تحفة بور وازاز كهرباء وتكييف
والله العظيم كانت بتقفل الامبير