#1111
|
||||
|
||||
رد: رابطة ملاك ومحبى السفينه فيات 132
افضل موتور 2000 ويليه 1600 استهلاك البنزين بيختلف من عربيه لعربيه يعنى حسب حالة الموتور والكربراتير وطقم الدبرياج والكهربا متوسط السعر المراجيح من 5 لحد 12 الف والكويس من 14لحد 18 الف والممتاز من 18 لحد فوق حسب نضافة العربيه الاسعار دى خاصه بال 2000 الكامل لكن الباقى مش عارف بصراحه وانا متابع مع حضرتك
__________________
دا لينك اولتراس فيات 132 دا لينك صفحتى على الفيس بوك |
#1112
|
|||
|
|||
رد: رابطة ملاك ومحبى السفينه فيات 132
ألف شكر يا باشمهندس |
#1113
|
||||
|
||||
رد: رابطة ملاك ومحبى السفينه فيات 132
أخواني في الرابطة هشام - أيمن - محمد - مصطفى - كار أدميرز
شكراً ليكم كلكم أنا بعت العربية النهارده بمبلغ وقدره 11500 جنيه وبعد العمولة بتاعت المعرض وصلت 11250 أنا زعلان جداً وصعبان عليه الفلوس اللي صرفتها على العربية وزعلان على إني بعتها بس الصراحة العربية كانت محتاجه شغل كتير يوصل لمبلغ وقدره 6000 جنيه 1- أربع فرد كوتش 2- عمرة كاملة للماتور 3- أسطوانة وديسك 4- شغل سمكرة ودوكو وطبعاً العربية الفترة الأخيرة وصل معدل استهلاك البنزين فيها لمعدلات عالية جداً لدرجة إني سافرت مشوار 135 كليو خدت بنزين 40 لتر وأكلت زيت كيلو ونصف تقريباً يعني سافرت بيها وجيت بـ 75 لتر بنزين وثلاثة كيلو زيت ونصف بالضبط وطبعاً كنت عايز أعمل الشغل (1 - 2- 3- 4) بس لقيت نفسي هصرف على اساس غير سليم حيث أنني كنت مغير ربعين الشاسيه الأماميين (السلاحين) كما يطلق عليهم فمكنش قدامي خيارات أنا تعبان جداً وزعلان وده عشان فعلاً أنا كنت راكب عربيه ملوكي (فعلاً مرسيدس الفيات) مقولة سليمة 100% وزعلان أكتر عشان الخسائر الفادحة اللي لحقت بي وزعلان أكتر عشان معندش هعرف أأقول أنا معايا فيات 132 وأنا فقدت الثقة بالناس اللي بتبيع عربيتها والناس اللي بتشتري كمان الغريبة إن المعرض اللي اشترى العربية كان كل كلامه إن العربية محتاجه عمره وشغل سمكرة ودوكو ولم يلاحظ أحد منهم إن هناك فردتين أو ربعين شاسيه ملحومين أو تم تغيرهم فهل لو كانوا لاحظوا هذا الأمر كان سيؤثر على السعر ؟ مرة أخرى شكري وسلامي الخاص جداً لكل أعضاء المنتدى وعلى وجه الخصوص أخواني (هشام وأيمن ومصطفى ومحمد القاضي وكار أدمايرز) كان نفسي أتعلم أكتر عن ميكانيكا السيارات بس للأسف يا رب تكونوا جميعاً بخير ومعلش صدعت دماغكم التعديل الأخير تم بواسطة ahmed_sadek ; 11-09-2012 الساعة 12:00 AM |
#1114
|
||||
|
||||
رد: رابطة ملاك ومحبى السفينه فيات 132
يا عم رووووووووووووووق
انا عارف ان دى اول عربيه انت جبتها وعارف برضه هى اد ايه عزيزه عليك لكن طالما جالها عدلها يبقى هتخليها جنبك تعمل ايه ثانيا يا احمد عربيتك بصراحه كانت محتاجه اكتر من 6 كانت هتخش فى 10 عشان تركب اتومبيل سليم ومسطره طيب انت دلوقتى بعت ب 11 تقريبا يبقى الحل السليم دلوقتى انك تصبر لحد ما يتوفر معاك ال 6 او اكتر وياريت تحط الفلوس فى البنك عشان ايديك متسحبش عليهم وتفاجأ انهم خلصوا وبعد اما يتوفر معاك ال 6 او اكتر ممكن نجيب لك حاجه كويسه وطبعا حالة العربيه ساعتها هتبقى شرط اننا نشتريها ورجاء منى اوووعى تورط نفسك وتشترى عربيه تانيه ب 11 لانهم فعلا ميجبوش دلوقتى حاجه وبعدين يا عم احمد عربيتى تحت امرك شاور انت وانا اجيبها لحد البيت عندك ومبرووووووك ياعم وبعدين اما تنزل تشترى عربيه يبقى ان شاء الله هتبقى عربيه مش محتاجه الا زيت وبنزين مش اكتر لكن عربيتك يا احمد الصراحه كانت محتاجه شغل وعطله لكن كله بارادة الله والحمد لله
__________________
دا لينك اولتراس فيات 132 دا لينك صفحتى على الفيس بوك |
#1115
|
||||
|
||||
رد: رابطة ملاك ومحبى السفينه فيات 132
|
الكلمات الدليلية |
132, fiat |
|
|