اسئلة تهم المبتدئين فى عالم السيارات

[حسام البورسعيدى]

المشاركة الأصلية كتبت بواسطة السيد العيسوى طيب سؤال ؟ لو العربيه جر امامى فرملة اليد هتكلبش العجلتين الخلفيتين ولو العربيه جر خلفى كلبشة فرملة اليد هتبقى فين بالضبط ؟

فرملة اليد يا كبير فى اى عربية لازم تكلبش العجلتين الخلفيتين ..

متفرقش بقى جر امامى او دفع خلفى او رباعى حتى ...

[حسام البورسعيدى]

المشاركة الأصلية كتبت بواسطة fantasteko شكراً على الموضوع الجميل دة ولكل المشاركين فية احب اسأل كام سؤال : 1- البوجيهات الجديدة اللى بسلك متوصل على الموتور اية فايدتها بالظبط و هل ليها اضرار 2- فلتر الهوا اللى زى الابجورة اللى فى محلات كتر اية لازمتة 3- العربية عندى اول ما تدور تطلع صوت عالى وال ار بى ام بيوصل ل 2ونص بعدين شوية ويهدى قاللولى عيب كومبيوتر وعيب صمامات محتاج اعرف العيب فين بالظبط 4- احياناً بعد مشوار طويل العربية تحس انها بتنهج يعنى ال أر بى م بيهز وواضح اوى وشاكر ليكو جدا انتو منتدى رائع ودى اول مرة ليا فى المنتدى واول مشاركة يا رب تفيدونى

اولا : كل البوجيهات اللى فى الدنيا بتتوصل بسلك للموتور امال هتاخد كهربا من فين .. لكن فى سلوك اسبور ودى ممكن ترفع اداء العربية ولكن بنسبة لا تذكر (2 حصان مثلا)

ثانيا : فلتر الهوا ده اسمه فلتر اسبورت وده بيزود حوالى 5 حصان (على حسب استعداد الموتور) وبيعمل صوت رياضى .. وفكرته انه بيدخل كميه هوا اكتر للموتور فبيزود كفائة حرق البنزين ..


ثالثا : شئ عادى جدا لان عربيتك انجيكشن وطبيعى جدا انها تعمل كده (بسبب حساس idle ) ومفيش اى مشكلة واللى قالك ده عيب يبقى غلطان .. وكمان عتلاحظ لو العربية بارده او لما تدور سرعة الـ rpm هتكون على واحد او اعلى حاجة بسيطة وده برضه شئ طبيعى ومتقلقش منه كل العربيات الانجيكشن كده ...


رابعا : يا ريت توضح اكتر النقطة دى وهل الهزه دى بتبقى على السلانسية بس ؟
وهل لازم تكون مشيت مشوار طويل علشان يحصل كده ؟ وهل بترجع تبقى طبيعية تانى ؟




اتمنى اكون افدتك يا باشا ..

تحياتى ونورت المنتدى ....

[حسام البورسعيدى]

دول موضوعين مهمين ومتكاملين عن موتور العربية بانواعه والفتيس المانيوال والاتوماتيك (شرح مفصل بالصور)

المحرك بانواعة
http://www.masrmotors.com/vb/showthread.php?t=35617

الفتيس المانيوال والاتوماتيك
http://www.masrmotors.com/vb/showthread.php?t=36421

يا رب تستفيدوا منه ...

[gaballah]

اولا تحيه للاخ حسام البورسعيدى على معلوماته القيمه
انا كنت انقطعت فتره طويله بسبب انى كنت اسال ولا احد يجيب
ولكنى الان شايف نشاط فى صفحه المبتدئين وده جميل جدا
عندى سؤالين
الاول:سؤال فنى والتانى سؤال ادارى ممكن اساله فى وقت تانى
الاول:يعنى ايه العربيه تجيب اسطوانه(لا قدر الله)
وايه مقدامتها وتعرفها ازاى فى العربيه؟
ولكم جزيل الشكر

[bekeat]

يا باشمهندس أحمد اباظة ممكن تفهمني إيه هو بلف التنك وأين موضعه وما هي وظيفته ولك مني مقدما وافر الشكر