رد: اغرب من الخيال بالنسبة لنا فى المعاملات التجارية
كنت اشتريت تكييف ماركة يونيون اير الشهيرة 2.25 حصان شباك بضمان لمدة عام فقط فى بداية موسم الصيف منذ 3 اعوام وبعد شهرين من شرائه شعرت ان التكييف يعمل بكفاءة اقل من المعتاد رغم ان كل القراءات على الريموت وشاشة الجهاز تقول انه يعمل بكفاءة عالية فاتصلت بالموزع لان الجهاز فى الضمان فحضر الفنى وطبعا اخذت يوم اجازة لانى اعمل فى مطار القاهرة واصل الى البيت حوالى السادسة والنصف مساء وموعد الباشا فى الفترة مابين 12-4 عصرا وقام الفنى بتنظيف الجهاز بالبلاور وقام بقياس الضغط والامبير وبعض القراءات وقلى كده تمام وطلب توقيعى على اوردر الصيانة انه جه وعمل اللازم فوقعت وبعد انصراف سيادته وجدت ان الجهاز لازال كما هو فقمت بالاتصال بالموزع مرة اخرى وقالى بكرة ابعت لك حد بكرة فكنا يوم الثلاثاء وانا واخد اجازة النهاردة ومش حاقدر اخد اجازة بكرة فقلت له ابعته يوم الجمعة قالى الجمعة اجازة قلتله طيب خليها السبت قالى ماشى بس حيجيلك متأخر شوية قلتله ماشى لان انا اجازة الجمعة والسبت المهم جالى الفنى الساعة 8 مساء وفك الجهاز وخده الحمام وقعد يغسل فيه وقلى كده تمام قلتله مش حتمشى الا لما اقولك خلاص قالى انا معايا اردارات تانية قلتله الساعة 10 اردارات ايه مانتو قلتولى بتخلصوا الساعة 4 عصرا المهم مارضيتش اخليه يمشى او اوقع على اوردر الصيانة وبعد عدة محاولات منه وجدنا الجهاز كما هو وطلب توقيعى على الاوردر فقمت بالتوقيع بان الفنى حضر وقام بعمل اللازم ولم يقم بحل المشكلة والجهاز لازال معطل وبعد عدة اتصالات عديدة قام الموزع قاللى اتصل بالشركة المصنعة فاتصلت بالشركة المصنعة ولمدة 3 اسابيع متصلة ومحاولتهم اخذ الجهاز لاصلاحة بالشركة وانا رافض لحين احضار جهاز اخر وهددتهم بانى ساتصل بجمعية حماية المستهلك الا ان وافقو انى اخذ جهاز اخر من الموزع لحين اصلاح الجهاز او استبداله وبعد سحب الجهاز بيومين قامت الشركة المصنعة بالاتصال بان الجهاز به عيب تصنيع وسيتم استبداله مجانا عن طريق الموزع فقمت بالاتصال بالموزع وقلتله ادينى اى حاجة غير يونيون اير وكان بعض الاقارب نصحونى بشارب لان ضمانه 5 سنوات فاستبدلته من الموزع بعد دفع الفارق والحمد لله معلش طولت عليكم ولكن دى حكايتى مع يونيون اير
__________________
--------------------------------------------------------
|
30-12-2010, 11:03 PM
