رابطة ملاك ومحبى السفينه فيات 132

Hisham.Elgazzar

[I.fouad]

هل البوجيهات 3 شمعة تفرق معانا في اداء 132عن البوجيه الشمعة العادي

aimooo

F LASHCar

[محمدصلاح القاضى]

المشاركة الأصلية كتبت بواسطة peposupervisor هل البوجيهات 3 شمعة تفرق معانا في اداء 132عن البوجيه الشمعة العادي

اكيد هيفرق كتييييييييييييييير
جداااااااااااااااا

[محمدصلاح القاضى]

تظبيط عربيتى النهارده من المشاكل اللى كانت فى الموتور

عملت النهادره تمشيط للبوجيه التالت والحمد لله مكنش فيه رايش كتيير وانظبط وركب ومعتدش فيه اى تنفيس
ومقدرش اقولكم على العربيه عملت ازاى بعد ما عملته
العربيه حالها اتغير ب 180
بقيت بمشى على التانى من غير ما ادوس بنزين وبتسحب يعنى ساعات بتمشى 30 كيلو لوحدها

ورحت عملت طقم نضافه للكربراتير عند العمده فى طنطا راجل اشهر من نار على علم من زمن سيدنا نوح وهو شغال فى الكربراتيرات واسعاره معقوله جدااااااا

جوانات جديده وتنضيف مجارى البنزين والبكات والعوامه والاكس والباب وظبط الهوا والبنزين وحاجات كتيير

والحمد لله وانا مروح كنت ماشى 150 / 160 والعربيه ناعمه نعومة الحرير

العمليه كلها اتكلفت 50 جنيه بس فرقم جامد جداااا فى اداء العربيه

واشتريت طقم نواكل للرفارف بتاع الفبريكا من واحد عندنا اكتشفت انه عنده قطع غيار من زمان ايام الايطالى بس عنده طرمبات مياه واطقم صبابات وبيلات وبساتم غير الاكسسوارت

وتمنه 50 جنيه وشكله مممتاز على العربيه ابو شفه قصيره و مش معاه جوان جلد
بيركب نيكل زى بتاع الفبريكا

ودى صور العربيه بعد التقفيل

قولوا بسم الله ما شاء الله احسن انا ورمت من المصاريف والله العظيم










يارب تنول رضاكم