ايه هوا علاج كساح الكاوتشات اللي ورا في العربيات... حد فاهمني ؟

[Sniper1612]

يا شداد العجلة يا ظبط زوايا يا زى ما استاذ مشمش1 قال

و التكلفة على حسب ايه اللى بايظ بس هيا مش هتتكلف كتير يعنى

و تقبل مرورى

[sayed2077]

بص يا عيب ان العجل اللى ورا بيجيله كساح على رائيك ده بيجى ان العجل اللى ورا على قنطرة والقنطرة ديه ضعيفة جدا فلو حضرتك حملت العربيه حمولة كبيرة ومشيت بيها مسافه كبيرة بتجد بعد ما تخلص المشوار ان العجل اللى ورا جالة كساح كدا ودخل لجوه او طلع لبرة

والعيب ده زى ما قولت لحضرتك ان القنطرة ضعيفة غير كدا مفيش تورشيم بيم بين العجلت (حديده بتمسكل العجلتين علشان مايفتحوش لبره ولا لجوه )و ده طبعا علشان يقللوا من تكاليف تصنيع السيارة وفى الاغلب هتجد ان القنطرة بتاعت السيارة فيها حاجه فلو فيه شرخ او كدا فالافضل تشترى قنطرة استيراد وتركبها لانك مهما تلحم فيها برضوا هتتشرخ تانى ومش هتبقى زى الاول وطبعا لما تشترى واحده استيراد احرص كل الحرص متكونش اتلحمت قبل كدا خالص ونهائيا

وابقا قولنا عملت ايه

وتحياتى لكل من رد عليك فى الموضوع

[aallmix]

وهل في حل للتقوية بتركيب اي حاجة تدعيم ليها ولا فقط الإكتفاء بسلامتها او تغييرها ؟

[eng/walaaeldeen]

المشاركة الأصلية كتبت بواسطة sayed2077 بص يا عيب ان العجل اللى ورا بيجيله كساح على رائيك ده بيجى ان العجل اللى ورا على قنطرة والقنطرة ديه ضعيفة جدا فلو حضرتك حملت العربيه حمولة كبيرة ومشيت بيها مسافه كبيرة بتجد بعد ما تخلص المشوار ان العجل اللى ورا جالة كساح كدا ودخل لجوه او طلع لبرة والعيب ده زى ما قولت لحضرتك ان القنطرة ضعيفة غير كدا مفيش تورشيم بيم بين العجلت (حديده بتمسكل العجلتين علشان مايفتحوش لبره ولا لجوه )و ده طبعا علشان يقللوا من تكاليف تصنيع السيارة وفى الاغلب هتجد ان القنطرة بتاعت السيارة فيها حاجه فلو فيه شرخ او كدا فالافضل تشترى قنطرة استيراد وتركبها لانك مهما تلحم فيها برضوا هتتشرخ تانى ومش هتبقى زى الاول وطبعا لما تشترى واحده استيراد احرص كل الحرص متكونش اتلحمت قبل كدا خالص ونهائيا وابقا قولنا عملت ايه وتحياتى لكل من رد عليك فى الموضوع

السلام عليكم
العجل لو فاتح من تحت يبقي القنطره اصبحت خفيفه( السوسته ضعفت)
اما لما بنقنطرها (يعني بنعمل تقصيه او شد للسوسته) العجل يصبح فاتح من فوق ولامم من تحت
وده غالبا الى بيعمله بتوع العفشه
والله المستعان

[amr elsisi 1]

المشكلة اساسا
ان السيارات دي السوستة بتاعتها بالعرض
يعني سوستة ورقية بين العجلتين وليس لكل عجلة سوستة منفصلة
ودي علاجها:
لو العجل داخل لجوة بتكون السوستة شديدة
ولو فاتح لبرة بتكون السوست خفت
دة وجع دماخ
وفي مشكلة تانية
وهيا لو عجلة اتخرمت وعاوز تغيرها لازم ترفع من تحت المساعد
لان لو رفعت من جانب العربية الكوريك حيرفع الي الاخر والعجلة لسة علي الارض
مش قولت لك وجع دماغ