مشكلة في فتيس الأرجنتا الاتوماتيك برجاء المساعدة

[maged80]

المشاركة الأصلية كتبت بواسطة mr_astra طيب لو تكلفة الاصلاح كدة ما نسال على فتيس استيراد بكام لان المبلغ فعلا خرافى

أنا فعلا شايف إنه كتير لكن أنا ليس لدي خبرة وما اعرفش السعر المناسب كام
كمان أنا ما أظنش إني هالاقي فتيس استيراد للعربية لأن الأرجنتا حجاتها نادرة وما اعرفش إذا كان ينفع أركب أي فتيس عليها ولا لأ خصوصا إن العربية الحمد لله كل حاجة فيها فابريكا بتاعة بلدها وشغالة ممتاز ما شاء الله فمش عاوز أحط فيها حاجة تغير من كدة خصوصا إني ناوي أبيع

[mr_astra]

اصل انا بقارن بنها وبين فتيس التويوتا كيرسيدا كنا جبناة بـ 650 جنية
فى واحد فى شبرا اسمة تيسير صليب اخصائى فتيس ممكن تسال عندة الشغل يتكلف كام

[atgps]

المشاركة الأصلية كتبت بواسطة maged80 أنا الحقيقة معرفش يعني ايه اسكانيا وفعلا هو قالي هيفك الفتيس بالكامل لكن لا أظن إنه هيحتاج عمرة الميكانيكي قالي كدة كمان لأن الفتيس شغال تمام ولا يوجد فيه أي مشكلة وبمجرد إني أزود الزيت العربية سحبها بيبقى زي الفل

مافيش ميكانيكى يقدر يحدد حالة الفيتيس بدون فك
على الأقل، ايه سبب تلف الأويل سيل؟ احتمال تحتاج تغيير قطع مسببه فى ذلك، والوحيد اللى يحدد ده هو اللى حيفك الفيتيس، وبعد الفك طبعا، فياريت تكون جاهز لأى مبلغ يطلب منك، حتى لاتفاجئ بمبلغ أكبر.
أما موضوع الاسكانيا، فكان العضو ذكرها على سبيل الدعابة (الأسكانيا سيارة نقل تقيل)

[Hisham.Elgazzar]

اه كلنا نقصد ان 1250 جنيه على فك فتيس وتغيير اويل سيل كتير اوى
بس بتاع الفتيس اللى ف أحمد سعيد ده فاكر نفسه باشا ومفيش زيه فى العالم
حاول تشوف واحد تانى كويس ده الموتور كامل بالفتيس فى بورسعيد ب 1800 جنيه
والأوتوماتيك ب 2800 صباح الفل اه الإستغلال ده

[maged80]

جزاكم الله خيرا جميع على الرد
إن شاء الله أنا بسأل واعرف وأقولكم على الأخبار
بارك الله فيكم