هل شداد الكتينه بيأثر على صوت العربيه ؟؟؟؟؟

[ahmedsherif1990]

المفروض تكون البلية مربوطة كويس سواء كانت بلية ثابتة او متحركة و ده لحاجة اهم من الصوت بكتير و هو ان ده بيقصر عمر السير و يقطعه بسرعه و احنا بنغير سير الكاتينة من غير فصال عشان ما يدمرش الصبابات

[mr_astra]

المشاركة الأصلية كتبت بواسطة hyundai 2005 بليه شداد الكاتينه لو وحشه تعمل صوت نحره واضح ومسموع وتخلي صوت الموتور خشن لاكن ظبط التكيهات كبيره يعمل صوت نقر في الموتور ونتظرين مزيد من الاراء

استاااااااااااااااااااااا ذ

[eng/walaaeldeen]

السلام عليكم
صوت التكتكه مش من البليه ممكن تكون صوت وصلة الكردان مع الفتيس او كرسي النص ولو بلية الكاتينه وحشه غيرها احسن علشان لو الكاتينه قطعة هتدخلك في مصاريف ملعاش لازمه
والله المستعان

[محمدصلاح القاضى]

صوت بلية شداد او حشوة طرمبة المياه ( نحره)
صوت بليه كمبورسر او دينامو او طرمبة باور ( تش تش )
صوت تكيهات ( نقر منتظم ) وكل اما تزود تسمع النقر صح
صوت السبايك ( ترزيع ) وطبعا كل اما تزود ترزع اكتر
صوت ضرب جوان وش السلندر ( تكديب ) بمعنى انك تزود للعربيه تلاقى مفيش صوت خالص والعربيه متلته ولو فتحت الريداتير هتلاقى لون المياه زى لون ( الطحينه )
يارب اكون فدتك فى مشكلتك وحدد انهى صوت بتسمعه وان شاء الله تطلع سهله وبسيطه

[mr_astra]

المشاركة الأصلية كتبت بواسطة محمدصلاح القاضى صوت بلية شداد او حشوة طرمبة المياه ( نحره) صوت بليه كمبورسر او دينامو او طرمبة باور ( تش تش ) صوت تكيهات ( نقر منتظم ) وكل اما تزود تسمع النقر صح صوت السبايك ( ترزيع ) وطبعا كل اما تزود ترزع اكتر صوت ضرب جوان وش السلندر ( تكديب ) بمعنى انك تزود للعربيه تلاقى مفيش صوت خالص والعربيه متلته ولو فتحت الريداتير هتلاقى لون المياه زى لون ( الطحينه ) يارب اكون فدتك فى مشكلتك وحدد انهى صوت بتسمعه وان شاء الله تطلع سهله وبسيطه

الله ينور عليك
دة انت ناقص تقولهم بالمقامات