مساعده عاجله لو سمحتو بكرة رايح للميكانيكي ومحتاج افهم ضروري

[mr_astra]

كمل يا استاذ مشمش وفى السرعات البطيئة المروحة بتلف بسرعة اكبر من سرعة الكرنك
طالعة بمنظرين يعنى

: 14FEAD~151:

[tham1010]

هل ضبط التكهات ضرورة للعربيات الملاكى البنزين العادية؟

متى أشعر انى أحتاج ضبط تكيهات؟ ماذا لو لم اضبط تكيهات ماهو الخطراو المشكلة التى ستواجهنى

[سلامة البدري]

السلام عليكم ورحمة الله وبركاته

الاخوة الاعزاء الاستاذ/ mr_astra و الاخ / مشمش رقم واحد يعني كده (1)

انا في قمة السعاده اما فتحت النت دلوقت وشفت ردودكم واستجابتكم السريعه علي فكره انا اطمنت واستفدت جدا من ردودكم وربنا يجعل عملكم ده في ميزان حسناتكم

وبالنسبه لكلمة الاستاذ/mr_astra انه خلاص حفظ عربيتي ده شرف ليا كبير جدا جدا وخلاني فرحان مش مصدق
وبقوله اعتبرني حضرتك والاخ مشمش ((( اخوكم الصغير سلامة بتاع الدبابه 2006 )))


وعشان اتطمن اني فهمت هاقلوكو فهمت ايه
انا فهمت ان الكلاتش ده حاجه بتخلي المروحه في سرعه السير البطئيه تشتغل مع الماتور مباشرة عشان تاخد السرعه منه مباشرة تدعمة بالبروده اللازمه
ولما العربيه تمشي بسرعه الكلتش يفصل المروحه عن عمود الكرنك ويخلي المروحه تدور بسرعة الرياح لانها هتكون افضل للموتور في الحاله دي

كده انا فهمت صح ولا لا ؟؟؟؟ ارجو تطميني عن مدي صحه فهمي

بالنسبة لاستنتاج الاخ مشمش في رده

((((او ان قصده تثبيت القميص الخارجي او ريشة المروحه مش مربوطه كويس)))

انا اعتقد ان الميكانيكي وبناء علي كلمه قالها للسواق الي معايا انه هيخليها تشتغل علي طول لان المروحه ثابته والقميص بتاعها ذي الفل

ومن الكلام الي ذكرتوه حضراتكو اعتقد من فهمي لكلامكو انه هيلاغي الكلتش ويخلي المروحه شغاله علي عمود الكرنك مباشره ومتفصلش خالص يعني سرعتها هتكون مرتبطه بسرعة دوران عمود الكرنك او بسرعه الماتور

وهنا انا فهمت من كلام الاستاذ/ mr_astra ان ده غلط جدا وانا ان شاء الله بكرة هخليه يرفض يعمل حكايه تثبيت المروحه دي خالص

اشهد الله اني احبكم في الله ..... ولكم مني دعوة بظهر الغيب اسئل الله قبولها

مع تحيات محدثكم / اخوكم الصغير سلامة..... بتاع الدبابه 2006

[سلامة البدري]

السلام عليكم ورحمة الله وبركاته
الاخوة الاعزاء مستر استرا مشمش 1 هشام الجزار كل اعضاء المنتدي
تحيه طيبه جدا جدا
احب اكملكم حكايتي وتجربتي النهارده مع الميكانيكي واديكم فكرة عشان الكل يستفيد وخصوصا المبتدئين امثالي
هاتكلم عن الي حصل وايه قطه الغيار الي جبتها واسعارها كام واتعاب الميكانيكي عشان الكل يستفيد

اولا :بالنسبة لموضوع تثبيت المروحه

اللي اتكلمت عنه وكان الميكانيكي عايز يعمله والاستاذ مستر استرا نصحني اني معملهوش
وطبعا اخدت بنصيحة الاستاذ مستر استر ورفضت اني اعمله وطبعا الميكانيكي اعترض في الاول بس اقنعته بوجهه نظري وانه لازم نمشي ذي ما قال صانع السيارة

طبعا فكان الحل البديل انه قالي لازم طالما مش هثبت المروحه يبقي لازم اجيب زيت لمروحه وده عبارة عن امبولين بلاستيك فيهم زيت شفاف ذهبي اللون تمنهم 85 جنيه طبعا جبتهم
وعمل الاتي فك المروحه وفتح قلبها من جوه وحط الزيت فيها بس بمنتهي البساطه ودي اتعابها 10 جنيه

ثانيا بالنسبة لضبط التاكيهات

ودي صورة شبيها بالتاكيهات اللي عندي من مشاركة للاستاذ هشام الجزار


ودي ظبطها سهل جدا ذي ما قال الاستاذ هشام الجزار مسمار وصاموله وبيستخدم حاجه اسمها فيلر لضبط مقاس الخلوص بين التاكيه والصباب
ودي صورة الفيلر

وذي ما قال الاستاذ هشام ظبطها قمة في العبط (((( والشواكيش بتتظبط مسمار وصامولة))) بس مسمار وصاموله تخيلوا
ودي خد عليها 30 جنيه مصنعيه
حاجات كانت في العربيه اكتشفتها مصادفه
=== غيرلي تيل الفرامل الخلفيه لانها كانت ممسوحه خالص واشتريت جداد ب 170 جنيه
==وجلخ تيل الفرامل الاماميه بحكهم في الاسفلت عشان كانوا ممسوحين والي فهمتوا عشان يرجعوا فيهم خشونه تاني ومحبتش اشتريهم جداد مع اني تمنهم 120 جنيه لاني قريت في المنتدي مشاركه عن الموضوع ده وفهمت انه حركه الحك في الاسفلت حركه عاديه وممكت تمشي بيها فترة كبيره وتوفر لفترة مبلغهم لحد ما يتمسحوا خالص
اكتشفنا ان طنبور العجلتين اللي ورا كانوا مشرشرين من جوه نتيجه تيل الفرامل الممسوح واقترح نجلخهم بحجر جلخ لان تمنهم 450 جنيه ودي بيجيب حجر جلخ ويمشي العجلة بدوارة العربيه والطنبورة بتلفعلي العجله ويحك فيهم حجر الجلخ لحد ما يتمسحوا ويبقوا نضاف
وطبعا شحم بلي الاربع عجلات وشيك عليهم وخد اتعاب شغل العجل 80 جنيه علي اعتبار ان فك العجلة وتركيب تيل وجاخوتشحيم 20جنيه ودي انا حاسس انه غلبني فيهمبس مش مهم كفايه التعليم
انا عارف اني استفضت في الشرح في حاجات بديهيه لقدامي واصحاب الخبره بس مش مهم انا عارف ان ممكن مبتدئذي يقرا ويستفيد
انا عتدي فيديو لضبط التاكيهات معقول من حيث الضوح والصورة صورته علي الطبيعه والميكانيكي شغال بس شم عارف ارفعه لاني معنديش حساب علي اليتيوب

[سلامة البدري]

السلام عيكم ورحمة الله وبركاته

ده فيديو تظبيط التاكيهات رفعته علي موقع قلي عليه الاخ هشام الجزار