انا لسه مشترى سايبا 2009 امبارح الحمد لله

[Islam Samir]

المشاركة الأصلية كتبت بواسطة AboNoRa الف مبروك على العربية ربنا يهبك خيرها ويكفيك شرها .. واهلاً بيك فى مصر موتورز نورت المنتدى هبداء بالاجابة من الاخر للاول طالماً التكييف بيشتغل وبيجيب هواء كويس (من حيث شدة الهواء وبرودته) كده التكييف مفيهوش مشكلة لو فيه صوت عالى مع تشغييل التكييف اشبه بصرير فده غالباً سير التكييف او سيور عامة اما لو صوت عالى من المكنة مصحوب باهتزاز زى ما وصفت فغالباً قواعد موتور او (مع) مشكلة فى الماتور نفسه وده كله معناه ان حل مشكلتك عند ميكانيكى مش بتاع تكييف بس علشان تبقى عارف عموماً المفروض ان الموتور يعلى مع تشغيل التكييف مش هى دى المشكلة احنا بس هنشوف الاهتزاز والصوت العالى ده من ايه وبالنسبة للدبرياج غالباً سلك الدبرياج عندك بيودع فانصحك تغيرة ... بدل ما يقطع منك وانت ماشى وتغييرة سهل وتمنة فى حدود 50 جنية الكورى النضيف وطبعاً ا لميكانيكى هيبصلك بالمرة على طقم الدبرياج وازا كان محتاج ريجلاش يظبطة الخلاصة الموضوع بسيط بس محتاج زيارة لميكانيكى يظبطلك الدنيا وممكن الموضوع يتلم فى حدود سلك دبرياج وقاعدة موتور او ظبط تاكيهات وبس

استاذ ابو نورا
متشكر جدا للرد .. التكييف بيجيب هواء اكثر من ممتاز .. لكن الصوت بيبقى فى الكابينة كأنى قاعد فى قطر خصوصا لو التكييف شغال او لو العربية دايرة و واقفة .. انا حاسس ان الموضوع ده مش بيحصل غير و المروحة شغالة ..
ممكن حضرتك تقوللى على حد متخصص فيها و فاهملها اروحله علما بانى من المعادى

[Islam Samir]

المشاركة الأصلية كتبت بواسطة جعان مبروك جبتها بكام؟ فيها باور؟ رأيك في الباور بتعها؟ هي علي شاسية ولا علب؟

انا جبتها ب 39000 جنيه .. و العربية فيها باور و ممتاز كمان .. و العربية على شاسيه مش علب

[Islam Samir]

انا رحت النهاردة الضمان فى اكتوبر و قالولى ان الصوت ده عادى وان المشكلة ان الكابينة مش معزوة كويس عن الموتور .... و ان العادى ان المروحتين لما يشتغلوا الصوت يعلى ... و نصحونى لما ابقى واقف بالعربية و مستنى حد بلاش اسيب التكييف شغال و مش عرف ليه ؟؟... بس النصيحة الاخيرة دى من عميل مش من المهندس
و انا ان شاء الله بجهز لموضوع كامل عن العربية و معلومات عنها و قطع غيارها و اسعارها

[AbOnOrA]

بص هو مفيش كلام العزل مش وحش .. هو مش موجود اصلاً لا الحوض معزول ولا الكابينة تعتبر معزولة فهو صوت البرايد وخاصة الايرانى عالى شوية فعلاً وخاصة لان ظبطة سلانسية الموتور عالية مش زى الكورى (الايرانى على 900) والكورى على (700) بس هو موضوع الصوت عموماً تقديرى يعنى لازم تسمع اختها علشان تعرف اذا كان صوت بتاعتك عالى ولا ده الطبيعى بتاع العربيه

لكن حضرتك زى ما ذكرت بتشتكى من صوت ورجة مش صوت بس فقالولك ايه على الرجة طيب ؟؟؟

وبالنسبة للميكانيكى ممكن اوصفلك واحد بس فى جسر السويس .. للاسف معرفش حد من المعادى

[tamer.koko]

مبروك مبرووك