العربيه مش عايزه تدور نهائى

[Emgrand]

المشاركة الأصلية كتبت بواسطة samirayad نعم لو فكيت سلك بوجيه وخليت حد يدورلك وفى نفس الوقت كنت مقرب السلك من رأس البوجيه ولقيت شراره معقوله ............يبقى البوبينا سليمه مبدئيا --------------------------- وفيه سؤالين هل بتسمع صوت طلمبة البنزين وأنت فاتح الكونتاكت على السنه التى تسبق سنة الدواره وهل جربت تكشف على فلتر البنزين أو تغيره ( وارد تكون أخدت بنزين مغشوش بالأمس )

اجابه السؤال الاول
هل حضرتك تقصد صوت الجرس الذى يحدث بمجرد دوران المفتح اول تكه؟ اذا كانت الاجابتك نعم فاجاباتى نعم
واذا كانت اجابتك لا فرجاء وضح لى الصوت

السؤال الثانى
مغيرتش فلتر البنزين
نفس التانك انا ماشى به 150 كيلو على نفس البنزين

[samirayad]

واذا كانت اجابتك لا فرجاء وضح لى الصوت

الصوت فى صورة تششششششششششش

أى صوت تحضير الطلمبه لمدة ثانيتين تقريبا

أى أنه صوتا شبيه بطشة التقليه

وليس صوت جرس إنذار

[samirayad]

طريقه أخرى لإختبار عمل الطلمبه

يمكنك أيضا قبل فتح الكونتاكت

1- حل خرطوم دخول البنزين لفلتر البنزين

2- حط بوز الخرطوم فى زجاجه فارغه

3- إفتح الكوناكت وشوف البنزين هيخرج للزجاجه بقوه ولا لا

[tamer.koko]

متابع باهتمام

[Emgrand]

الحمد لله العربيه دارت والشكر موصول للبشمهندس سمير والعيب كان كالاتى للافاده

البوجيهات واه من البوجيهات العيب منها مكملتش 1000 كيلو او 2000 كيلو بالكتير

البوجيهات طلعت غرقانه بنزين وطبعا مسوده

انا عايز اعرف السبب من واقع خبره حضرتك يا استاذ سمير او اى اخ ممكن يساعدنا بمعلومه

1-هل البوش 3 شمعه (روسى وليس المانى) مرطب ومضروب كما يقال عنه؟
2-هل البوجيهات غرقت بنزين من كتر التزويد اثناء محاوله الدوراه؟
3-هل البوجيهات باظت بسبب انى نظفت البوابه باسبراى تنظيف قبلها بيوم (عملتها قبل كده على ngk وفضلت سليمه)
4-عامل الجراج يركن العربيه بطريقه غريبه فيقوم بتزويد كذا (امبليه) بنزين ويتحرك سنه سنه مع الامبليهات اللى ملهاش لازمه وقبل التبطيل بيدى 2 امبليه عالين (هل ممكن تكون العربيه شرقت) العربيه انجيكشين


اخيرا اشتريت طقم ngk يابانى الكترونى شمعه واحده (ياريت نعرف فايده الالكترونى ) البائع قالى انه مناسب للغاز اكثر ومفيش ضرر للبنزين