عايز اختار بين هؤلاء ( رينو سكالا - نسان صنى - هيونداى i20 - اكسنت rb - بروتون برسونا)

[maro007]

هو منغير موضوع قطع الغيار و أعادة البيع يبقى البرسونا أليجانس
و لو موضوع التوكيل يبقى النيسان صنى أولآ و بعدين الرينو سكالا
بس بلاش الهيونداى لأنها و لا صاج و لا قوة و لا أى حاجا حتى الأكسنت RB
مش ثابتة و لو عافشة يبقة 1.برسونا 2.نيسان صنى 3.رينو سكالا
و بالنسبة للصنى 1600 سىسى 118حصان و وسائل أمان 2 AIR BAGS
ABS,EBD,BAS
و البرسونا 1600 سىسى 110 حصان بس موتور لوتس و وسائل أمان زى الصنى بس ثبات
و أمكانيات أعلى زى مثبت سرعة و طارة مالتى فانكشن و وسائل أمان أعلى زى لوتس ريد أند هاندلينج
و السكالا زى الصنى لأن الأسكالا فى الخليج هى الصنى وبلاش هيونداى للطرق المبهدلة مش حتستحمل
بس عيب البرونا قطع غيارها و التوكيل و سعر أعادة البيع و الصنى أفضلهم بالنسبة لأعادة البيع و قطع الغيار و التوكيل و السكالا مش منتشرة أوى يبقى المقارنة تقف مبين النيسان صنى و بروتون برسونا أليجانس

[الكشفى]

انا من رأيى المتواضع الرينو اسكالا ثم الصنى

المشاركة الأصلية كتبت بواسطة صلى على الرسول بسم الله 1- رينو سكالا اوتوماتيك 2012 2- نسان صنى اوتوماتيك 2012 3- هيونداى i20 اوتوماتيك 4- اكسنت rb اوتوماتيك 5- بروتون برسونا اوتوماتيك مع العلم انى مهندس مدنى بسافر كتير وبمشى فى طرق مبهدله (العفشه كويسه و موتور شديد والسعر عند البيع والتوكيل وقطع الغيار ) ...........ان معايا افيو وطالع عينى منها فانا هبيعها وهشترى حاجه من دول عايز من اهل الخبره يرشحولى واحده ولانى مش هقدر ادفع اكثر من ذلك وجزاكم الله خيرا

رينو سكالا اوتوماتيك

http://www.youtube.com/watch?v=owAgXXizcUs

http://www.youtube.com/watch?v=Wq6jqcH15vQ

http://www.youtube.com/watch?v=J7knCL2p6uY

:pod_of_gold ::pod_of_gol d::pod_of_go ld:

[AbOnOrA]

اولاً بالنسبة لتعقيب الشيخ طارق عن الاسم حبيت بس اقول ان فيه ناس اسمهم كده فى البطاقة فعلاً وانا كان معايا زميل فى الشغل اسمة صلى على النبى او على الرسول (عليه الصلاة والسلام)

ثانياً اسمحلى احيي حضرتك على عرضك المرتب لافكارك واستفساراتك اللى بيسهل علينا تقديم الاستشارة وتنسيق محتوى الموقع

اما بخصوص السؤال فحسب اولياتك نستبعد تماما ال I20 لانها لا عفشه ولا موتور ولا اى حاجة من اللى انت عايزة
اما الباقى
1- عفشه كويسه ( السكالا - البروتون - الصنى )
2- و موتور شديد ( الاكسنت - الصنى - البروتون)
3- والسعر عند البيع ( الاكسنت - الصنى )
4- والتوكيل وقطع الغيار ( الاكسنت - الصنى )

وبالتالى هتلاقى القسام المشترك فى كل ما طلبت هى النيسان صنى ثم الاكسنت

يعيب البرسونا والسكالا قطع الغيار والاضطرار للتوكيل وعدم الانتشار اللى بيخلى اعادة البيع مش مضمونة على عكس الهيونداى والنيسان قطع غيارهم وصيانتهم فى كل حته واعادة البيع اضمن بكتير

ويعيب الصنى كونها تقفيل مصرى وشكلها التقليدي نسبياً
ويعيب الاكسنت ضعف عفشتها مقارنة بالصنى او الرينو والبرسونا وافتقارها للكماليات مقارنة بالبيرسونا وانعدام وسائل الامان مقارنة باى عربيه تانية

يعنى مفيش عربيه هى الافضل على الاطلاق لكن فيه الانسب لاحتياجتك واولوياتك

فكر وشاور وانزل اتفرج على كل واحدة فى المعارض واقراء عنهم كويس لحد ما تميل لواحدة نفسياً وترجح اختيارها بعقلك وحسابتك ومتنساش لما تنوى تستخير

ومبروك مقدماً

[andro samy]

متطلبات حضرتك متفصلة بالظبط على النيسان صنى عربية محترمة جدا و يابانى تقفيل مصرى جيد جدا مفيهوش مشاكل ولو فية بتتحل فى اول صيانه مجانا ,عفشه للخدمه الشاقة , موتور قوى 118 حصان , صاج متين ,وسائل امان ايرباجز و اي بي اس ,شكلها انا شايف انو كلاسيك شيك جدا ولية هيبة,النيسان معروفة انها حمالة قاسية الباقى مش هيستحمل معاك زيها ,اتكل على الله و مش هتندم .