مستنية مباركتكم ونصيحتكم

[M.TONSY]

وبالنسبة لسعر العربية معقول طالما الاساسيات سليمة وربنا يبارك لكى فيها

[nawwara]

المشاركة الأصلية كتبت بواسطة tonsy1979 حضرتك تروحى شارع رمسيس وبعد محطة الاسعاف ب50 على اليمين هى دى التوفيقية

جزاك الله خيرا

[مهندس سعيد]

الف الف مبروك .....
مش هعرف افيدك اكتر من الناس اللى فبلى كل الكلام زى الفل لكن عندى نصيحه بسيطه عن موضوع الغطا بتاع العربيه وهى انك تجيبى ارخص حاجه فى الوقت الحالى لكثرة السرقه اليومين دول وانا شخصيا عملت كده لان جيرانى اتسرقت غطيا عربياتهمفانا طلعت ناصح وجيبت الرخيص وماتسرقش
ده رايى وعموما سعر العربيه مناسب جدا وربنا يباركلك فيها ويكفيكى شرها
نسيت اقولك انتى جبتى شهادة المخالفات بتاعة العربيه وللا لا "دى حاجه مهمه جدا على فكره"

[nawwara]

المشاركة الأصلية كتبت بواسطة مهندس سعيد الف الف مبروك ..... مش هعرف افيدك اكتر من الناس اللى فبلى كل الكلام زى الفل لكن عندى نصيحه بسيطه عن موضوع الغطا بتاع العربيه وهى انك تجيبى ارخص حاجه فى الوقت الحالى لكثرة السرقه اليومين دول وانا شخصيا عملت كده لان جيرانى اتسرقت غطيا عربياتهمفانا طلعت ناصح وجيبت الرخيص وماتسرقش ده رايى وعموما سعر العربيه مناسب جدا وربنا يباركلك فيها ويكفيكى شرها نسيت اقولك انتى جبتى شهادة المخالفات بتاعة العربيه وللا لا "دى حاجه مهمه جدا على فكره"

جزاك الله خيرا , انا فعلا خايفة من حكاية السرقة دى ..
شهادة المخالفات طلعتها فعلا , واللذيذ فى الموضوع انها ماعليهاش ولا قرش مخالفة , زى الفل .
بس عندى سؤال : انا اخدت العربية بتوكيل والرخصة باسم صاحبة العربية مرور مدينة نصر , نصحونى ان ماغيرش الرخصة باسمى لانى تبع مرور السلام , وعلى حسب ما سمعت انه اسوأ مرور , عشان كده لما اجدد الرخصة هاتكون بنفس الاسم اللى عليها , واللى يثبت ملكيتى للعربية هو التوكيل , فهل لازم اعمل عقد مسجل ؟ وفيها مشكلة لو جددت الرخصة باسم صاحبة العربية الاولى؟على اساس انى ماتعاملش مع مرور السلام ؟

[M.TONSY]

المشاركة الأصلية كتبت بواسطة nawwara جزاك الله خيرا , انا فعلا خايفة من حكاية السرقة دى .. شهادة المخالفات طلعتها فعلا , واللذيذ فى الموضوع انها ماعليهاش ولا قرش مخالفة , زى الفل . بس عندى سؤال : انا اخدت العربية بتوكيل والرخصة باسم صاحبة العربية مرور مدينة نصر , نصحونى ان ماغيرش الرخصة باسمى لانى تبع مرور السلام , وعلى حسب ما سمعت انه اسوأ مرور , عشان كده لما اجدد الرخصة هاتكون بنفس الاسم اللى عليها , واللى يثبت ملكيتى للعربية هو التوكيل , فهل لازم اعمل عقد مسجل ؟ وفيها مشكلة لو جددت الرخصة باسم صاحبة العربية الاولى؟على اساس انى ماتعاملش مع مرور السلام ؟

يا نهار ابيض غلط غلط غلط الكلام ده يا استاذة اوعى تجددى باسم الراجل محدش ضامن عمره ربنا يديكى الصحة مفيش احسن من انك تنقلى العربية باسمك اى كان المرور ده سئ وبعدين كدة كدة هتنقلى لما يجى ميعاد فحص العربية لازم تنقلى ملكية نصيحة انقلى علطول ضمانا للحقوق وعلشان كمان الراجل ميدفعش ضريبة رفاهية لو حب يركب عربية تانى