عاوز اشترى نيسان صنى 2012

[elgdawy2007]

المشاركة الأصلية كتبت بواسطة jojojojojo مع احترامي لحضرتك انت بتحكم علي العربيه ازاي وهي مش معاك ولا جربتها نفسي في المصريين يبطلوا يفتوا في كل حاجه وهما مش عارفين حاجه طب محضرتك راكب فيرنا بتهيئالي تقفيل مصري بس تقفيل الصني غير عارف ليه حضرتك عشان ده تحت اشراف نيسان العالميه مش غبور تاني حاجه بقي احب ارد علي العضو اللي عايز يشتري اقله توكل ع الله ومش هتندم العربيه ممتازه جدا والدليل انتشارها والارتفاع في اسعارها يوم بعد يوم صدقني العربيه ممتازه توكل ع الله انا برضه كنت قلقان اقبل مشتري بس لما اشتريت منتدمش والله تاني حاجه خد نصحيتك من اللي يملكون العربيه ومجربينها صح والله الموفق

الراجل ده بيتكلم صح مليون فى الميه النيسان سياره ممتازه جدا ومتجريش ورا الفيرنا عشان كلام الفيرنا واضح انه كلام شفوى يعتمد على الاقاويل والاشاعات لكن مش بناء على تجربه شخصيه فعليه اتمنى اكون افدتك

[elgdawy2007]

المشاركة الأصلية كتبت بواسطة elmahdy29 في البداية تحياتي للجميع احب اقول بس الاول الصني المعدل بتاعها من 4 سنين كان التيدا ... بس في مصر استمر تجميع الصني كما هي... وبعدين التيدا نزل منها شكل جديد بره هو اللي انت قصدك عليه... وده لسه هاييجي مصر الفترة اللي جاية .... واسمها في اميركا فيرسا لكن عايز اقولك ان الموجوده حاليا عربية كفاءه جدا بجد وتقفيلها ممتاز... ولو عايز هي هي بس تقفيل كوري افضل شويه مع تحسين في الشكل وخامات الصالون يبقى الرينو سكالا وبنفس السعر بالزبط... وده غريب ويقول ان سعرها لازم كان يكون اقل من كده لانها تجميع محلي ارجو اكون افدتك ... سلامي للجميع

الاسكالا ممتازه زى الصنى برضه بس قطع غيارها نارررررررررر خد بالك من النقطه دى اوى لكن الصنى لو ضاقت بيك اوى ممكن تجيب قطع غيار استعمال وده مع الاسف مش موجود فى سكالا خالص عليك بقى وعلى التوكيل
ثانيا والاهم الاسكالا اعاده سعر بيعها فى الارض اللوجان ماسكه سعر حلو لكن السانديروا لسه شويه عشان تمسك فيها سعر اما الاسكالا فشلت ومش حتمسك فيها سعر لكن هى كسياره ممتازه زى الصنى بالظبط عشان كده من الاخر برشحلك صنى وعن جداره

[ابوعاصم83]

المشاركة الأصلية كتبت بواسطة elmahdy29 ولو عايز هي هي بس تقفيل كوري افضل شويه مع تحسين في الشكل وخامات الصالون يبقى الرينو سكالا وبنفس السعر بالزبط

فعلا كلامك صح وربما تكون الاسكلا افضل انا مش بفتى لكن انا كان معايا لوجان 2011 وبعتها لظروف طارئة والله الرينو عربيسة ما ليها حل احسن عربية تركبها فى مصر ب 70 الف هى اللوجان لكنى بعتها لظروف وللاسف اعادة البيع بتاعتها سيئة جدا يعنى انا انصح اى حد عايز عربية ب ال70 ياخذ اللوجان بس يحط فى دماغه عدم البيع
اما الان انا اود اشترى السوبر صالون زيرو وانا عارف ان الشكل المنتشر فى المنتدى ده مش بتاعها لكنى محتار بسبب فتاوى الزملاء حول هذه السيارة واغلب اللى بيكتبوا التقارير متفزلقين وبيكتبوا حاجات منقولة من مواقع عالمية لدرجة ان واحد كتب فى تقرير عن اللوجان ان الطارة بتاعتها (مالتى فنكشن) وبيقول ان العربية معايا دا كلام؟؟؟؟ وانا كانت معايا اللوجان مافيهاش الكلام ده؟؟؟؟؟

نفسى حد يكلمنى عن السوبر صالون بحيادية

[elgdawy2007]

المشاركة الأصلية كتبت بواسطة ابوعاصم83 فعلا كلامك صح وربما تكون الاسكلا افضل انا مش بفتى لكن انا كان معايا لوجان 2011 وبعتها لظروف طارئة والله الرينو عربيسة ما ليها حل احسن عربية تركبها فى مصر ب 70 الف هى اللوجان لكنى بعتها لظروف وللاسف اعادة البيع بتاعتها سيئة جدا يعنى انا انصح اى حد عايز عربية ب ال70 ياخذ اللوجان بس يحط فى دماغه عدم البيع اما الان انا اود اشترى السوبر صالون زيرو وانا عارف ان الشكل المنتشر فى المنتدى ده مش بتاعها لكنى محتار بسبب فتاوى الزملاء حول هذه السيارة واغلب اللى بيكتبوا التقارير متفزلقين وبيكتبوا حاجات منقولة من مواقع عالمية لدرجة ان واحد كتب فى تقرير عن اللوجان ان الطارة بتاعتها (مالتى فنكشن) وبيقول ان العربي معايا دا كلام؟؟؟؟ وانا كانت معايا اللوجان مافيهاش الكلام ده؟؟؟؟؟ نفسى حد يكلمنى عن السوبر صالون بحيادية

حبيبى واضح انك غير ملم بكل ما هو جديد فى السوق المصرى بكل اسف وده يتضح من كلامك وقبل بتقول ان فيه شخص بيقول ان فيه لوجان طاره مالتى فانكشن وده كلام وكلامك ده تسأل الاول لان بالفعل الكلام ده صحيح مليون بالمائه لان يوجد بالفعل لوجان 2012 طاره مالتى فانكشن بالسوق وبتزيد حضرتك 500 جنيه عن سعر اللوجان العاديه الكامله برضه 2012 بدون مالتى فانكشن وبتعمل كمان 71.500 جنيه وبلاش انك تفتى من غير متعرف وتتأكد كمان بلاش ده كلام دى لان فعلا ده كلام وكلام موثوق فيه جدا كمان واسأل قبل متدخل شمال كده من غير متعرف ايه الجديد فى السوق بلاش فرد عضلات الله يخليك وعلى فكره كمان بلاش تفتى من غير متعرف وكمان مش حقولك على حاجه بخصوص الصنى السوبر صالون برغم انى اعرف عنها الكثير بس حسيبك كده عشان مترجعش تقول ده كلام ده كلام!!!! وتندهش اوى كده زى مقولت ان مفيش سياره لوجان بطاره مالتى فانكشن وعلى فكره كمان ادخل على سايت لقطه للسيارات الجديده وشوف هناك حضرتك اوتو سمير ريان حتلائى سياره لوجان ب 71.500 جنيه مزوده بطاره مالتى فانكشن عشان تعرف اذا كان ده كلام والا ده حقيقه وبرضه حسيبك تقرأ فى السايت المذكور بخصوص السياره نيسان سوبر صالون بنفسك عشان تتأكد ودى جدعنه منى فقط انى اوصلك للشيىء اليى انت عاوزه عشان تعرف بس ان احنا جدعان برضه ومش بنفتى اى كلام وخلاص وكمان حضرتك لسه قايلها اهو رينو اعاده بيعها زفت وانت خير دليل على كده وكمان قطع غيار الاسكالا زفت واعاده بيعها زفت يبقى ازاى كلام حضرت الاخ اليى بيقولك سكالا مظبوط بقى؟ واضح ان احنا فينا ناس كتير مبتعرفش تقدر الشيىء بشكل صحيح من كافه جوانبه مفيش مقارنه اصلا بين اسكالا ونيسان صنى نيسان صنى اول عربيه يابانى تدخل مصر من ايام ما كانت اسمها داتسون اسأل سائقين مصر عن سياره داتسون اول عربيه تعرفهاا مصر يقولولك مين نيسان
http://deals.logta.com/ar/CategoryLi...28114790867433

[ابوعاصم83]

المشاركة الأصلية كتبت بواسطة elgdawy2007 حبيبى واضح انك غير ملم بكل ما هو جديد فى السوق المصرى بكل اسف وده يتضح من كلامك وقبل بتقول ان فيه شخص بيقول ان فيه لوجان طاره مالتى فانكشن وده كلام وكلامك ده تسأل الاول لان بالفعل الكلام ده صحيح مليون بالمائه

يا اخ gedawy
أولا: انا مش داخل حرب علشان تلطمنى فى الحيط كده وبعدين انا امبارح بعتلك انت رسالة وسالتك عن السوبر صالون يعنى وثقت فى تعليقاتك فكان مفترض تبادلنى الثقة وتعطينى مما اعطاك الله (هههههه).

ثانيا: انا والله بعد ما بعت اللوجان رحت مركز بيع معتمد لرينو فقط فى اسيوط وسالته فيه تغيير فى ال 2012 قالى مافيش اى تغيير فطبيعى انى اثق فى كلامه

ثالثا: ابعت معلوماتك بسرعة علشان فعلا انا وثقت فى كلامك مفيش وقت

رابعا: المواقع الرسمية زى لقطة وكونتاكت وغيرهم ما بتجيبش تجارب دى فقط بتعرض الوضع الحالى للسيارة

خامسا:انا بعتذر لو فيه اساءة صدرت منى