إختراع مصرى مبتكر لحل أزمة المرور نهائيا

[3bd0]

المشاركة الأصلية كتبت بواسطة dr_eslam_66 هوا بس علشان أبقى فاهم هل إنتوا شايفين اني التقاطع المدمج دا يحل محل التقاطع القديم بكل إستخداماته. ياعني أنا كان ممكن بس حد يفكر معايا أو يساعدني على الفهم إزاي أكون ماشي على طريق وأعمل يوتيرن عليه في الطريق الجديد زي ماكنا بنعمل ناخد المخرج ونرجع ناخد المدخل تاني الاقي نفسي في الطريق نفسه الإتحاه المعاكس.

ببساطة شديدة جدا يا باشا هما شارعين رئيسيين ( هنسميهم 1 و 2 ) متقاطعين مع بعض
عملو التقاطع 3 ادوار
الدور اللي فوق خالص للماشين على طول في الطريق رقم 1
الدور الوسطاني للي ماشين على طول في الطريق رقم 2
الدور الأرضي، اللي هوا عبارة عن صينية (Roundabout) لأي حاجة تاني
لو عاوز تلف وترجع بتاخد الصينية وتلف وترجع عادي


على العموم خد نظرة على الصورة دي



ده في السعودية، كل التغير ان الدور الوسطاني (بتاع الطريق رقم 2) خلوه نفق تحت الأرض
والدور الأرضي اشارات للي عاوز يعمل اي حاجة غير انو يمشي على طول



لو عاوز تعقد نفسك اكتر، خد عندك الصورتين دول





نفس التقاطع من زاويتين مختلفتين، ده في البحرين وخلص فعلا مش رسم بس
ده بقى يا سيدي نفس الكلام بس داخل على التقاطع 5 اتجاهات، مش اربعة زي اللي فاتو
عملو كوبري ونفق وعلى الأرضي خلوها اشارات
زمان كان مفيش الكلام ده وكانت صينية غلبانة وبتخدم على الخمس شوارع
كنت بتعد فيها من نص ساعة لساعة كل يوم الصبح،،، وبعد الظهر نفس الكلام
دلوقتي مبتقفش اصلا، يعني بالكتير اوي دقيقتين

[mar mar]

: 018A1D~146:

[diaahsn]

: 018A1D~146:بر افو من هنا للصبح

[dr_eslam_66]

آآه كدة انا توقعت بس التقاطع القديم أسرع في الخدمة من إني ادخل ميدان.
ولا إنتا إيه رأيك؟
ألف شكر على التوضيح الأول.

[3bd0]

المشاركة الأصلية كتبت بواسطة dr_eslam_66 آآه كدة انا توقعت بس التقاطع القديم أسرع في الخدمة من إني ادخل ميدان. ولا إنتا إيه رأيك؟ ألف شكر على التوضيح الأول.

لا شكر على واجب يا باشا

انا فعلا متفق معاك، انا كسايق عندي التصميم اللي على شكل الوردة أحسن بتلاتين مليون مرة

هوا المشكلة تيجي في المساحة اللي انتا محتاجها عشان تعملو، مش هتلاقي المساحة دي كلها جوة مدينة زي القاهرة مثلا.
التصميم ده مبيخدش مساحة خالص زي ما الأستاذ تامر موضح في الموضوع، فتقدر تعملو في اي مكان مهما كان التقاطع ده محاط بالمباني

وبيني وبينك انتا لو ماشي على طول - وده بيبقى 90% من الناس غالبا - مش هتفرق معاك التقاطع شكله ايه، اهم حاجة طريقك مفتوح، ولو ناوي تلف يمين او عاوز تلف وترجع، برضو طريقك مفتوح. هوا بس الناس اللي عاوزة تدخل شمال هيا اللي بتقف في اشارة، وطبعا عشان دول اقلية، مبيبقاش فيه ضغط وبالتالي بتخلص من التقاطع بسرعة برضو