اضحك عليا فى اول عربية اشتريها فيات 128

[mr_astra]

المشاركة الأصلية كتبت بواسطة hazem_khidr اعتقد يا استرا ان الوقت دا انسب وقت للعمره او الشنبر علشان الجو برد و العربيه ما تسخنش متهيالي يعمل العمره دلوقتي و هي كلها اربع شهور علي الصيف يعني هيدفع الفلوس هيدفعها

عندك حق وكلامك مظبوط بس الفكرة انة لسة شارى وعاوز يفرح بالعربية شوية

[Neo206]

معلش يا أخى
ربنا يعوض عليك

[الصقر_الجارح]

المشاركة الأصلية كتبت بواسطة Acc.Sherif السلام عليكم ورحمة الله عندى استفسار عربيتى 128 موديل 83 ماتورها خفيف شوية والسمكرى اللى كان معايا ضحك عليا ربنا يسامحه اعمل فيها اية اشتريتها ب 13500 وصرفت عليها حوالى 1000 جنيه كمان اعمل اية يا جماعه افيدونى

وعليكم السلام ورحمة الله وبركاته

أخي الكريم,,

عادي هي كده العربيات القديمة أول ما تجيبها لازم تصرف عليها شوية عشان تتظبط, أنا كان معيا العربية القديمة البيجو 504 صرفت عليها دم قلبي لحد ما ربنا كرمني وبعتها وجبت بعديها كذا عربية حديثة.

عموما أنا رأيي انك تعمل لعربيتك عمرة كاملة للمتور وان شاء الله هتبقي تمام معاك.

[Acc.Sherif]

والله انا متشكر جداااا لردودكم ربنا يباركلكم بس لو هعمل عمرة كامله للماتور هتكلف كام ؟؟
انا عارف ان العربيات القديمة لازم يتصرف عليها بس انا كنت فاكر انى هستنى كام شهر لحد ما تفتح بوقها بس السمكرى بقى متقاش ربنا فيا ومن 3 يوم وانا بصرف عليها فقولت اسئلكم الاول ابيع على كده حتى لو هخسر 1000 جنيه ولا حاجة احسن ما افضل اصرف عليها لحد ما تقف عليا ب 16000 جنيه ولما افكر ابيع متجيبش 14000 او 13000 اتمنى انى اكون وصلت وجهه نظرى بس انتم اكيد فاهمين اكتر منى وهتقوليلى اية الافضل
وبشكر كل اخ كريم رد وربنا يباركله ويعزه

[miam0502788391]

المشاركة الأصلية كتبت بواسطة Acc.Sherif السلام عليكم ورحمة الله عندى استفسار عربيتى 128 موديل 83 ماتورها خفيف شوية والسمكرى اللى كان معايا ضحك عليا ربنا يسامحه اعمل فيها اية اشتريتها ب 13500 وصرفت عليها حوالى 1000 جنيه كمان اعمل اية يا جماعه افيدونى

عادى يا باشا متزعلش نفسك انا اشتريت العربية ورغم اللى معايا كان ميكانيكى الكرنك طلع فيه مشكلة ولازم يتخرط وعلشان يتخرط لازم المكنة تتحل فقمت على طول عملت طقم شنبر