رجاء من الإدارة إيقاف حسابى

[AbOnOrA]

استاذى الفاضل كلام حضرتك مهذب وموضوعى ويسعدنى انى اتناقش معاك
بس انا مش عارف اتناقش معاك فى اللى حضرتك ذكرته بخصوص الثورة ورايك فيها - وهو راى يحترم بلاشك
ولا نتكلم فى غلق الحساب ؟

عموماً انا بأكد لحضرتك ان مساحة الحوار فى مصر موتورز تتسع لجميع الاراء وبنتناقش طول عمرنا فى كل حاجة وكتير اتناقشنا فى موضوعات خلافيه حساسة وغالباً ما كانت مناقشات اعضائنا مثالاً تحتذية المواقع الاخرى فى اسلوب الحوار ومستواه ومضمونة

فممكن حضرتك بس تكون استخدمت الفاظ او اسلوب عنيف بزيادة وده اللى دفع مدير الموقع لتنبيهك على الخاص
والتنبية على الخاص بالمناسبة اسلوب حضارى تتبعة الادارة للتواصل مع الاعضاء فيه ادارات تانية بتحذف ومبتتناقشش حتى

ويمكن حضرتك اعتبرت الرسالة الخاصة نوع من التهديد او الامر فى حين ان الادارة دائما بتتعامل فى كل حاجة بالتفاهم والنقاش

وعليه فحضرتك اذا حبيت ترد على الرسالة وتناقش المرسل وتعرف اسبابة او زى ما حضرتك عملت تفتح الموضوع على العام للنقاش او حتى تعمل شكوى اما لو حضرتك عايز متشاركش تانى فالموضوع بسيط خالص .. متدخلش على الموقع تانى

[albarbary]

الأستاذ المحترم / أبو نورا ، عدم المشاركة فى المنتدى دا شئ مؤكد ، لكن كان لازم يتم طرح الموضوع على العام ، علشان يتضح أنه موضوع حرية الرأى و التعبير و الكلام دا وهم ، و الدليل أنه لا يمكن تطبيقه فى منتدى للسيارات حفاظاً على قواعد و شروط المنتدى فمن المؤكد انه لا يمكن تطبيقه فى دولة تعدادها جاوز 80 مليون حفاظاً على نظام الدولة

[mf]

والله عندك حق:w6 w2005041113562663

[ابو يمني]

وأنا كمان بضم صوتي لصوتة وقفوا حسابة الراجل دة اكيد مكنش عايش في مصر عشان بيقول ان اللي حصل في 25 يناير استبدال شخص باخر اكيد حضرتك مدخلتش قسم شرطة قبل 25 يناير عشان تشتكي مش متهم واكيد عمر حضرتك ما احتكيت برجال امن الدولة ربنا يتوب عليهم وطبعا حضرتك عمر ما النظام الفاسد اللي اتبني في 30 سنة هيتغير في سنة ولو الثورة قامت وصلحت كل حاجة في لحظة والدنيا بقت وردي هتبقي دي الجنة مش الدنيا وبعدين دي الدول اللي زي روسيا اللي تحولت تحول كامل في كل الانظمة ظلت اكثر من 10 سنين تعاني من النظام القديم حضرتك ممكن ترجع لتاريخ الثورات وتاثيرها في المجتمعات عشان تعرف ان 25 يناير كانت ثورة حقيقية عبرت عن الشعب المصري

[HaMaDa-ToUBaR]

المشاركة الأصلية كتبت بواسطة albarbary الأستاذ المحترم / أبو نورا ، عدم المشاركة فى المنتدى دا شئ مؤكد ، لكن كان لازم يتم طرح الموضوع على العام ، علشان يتضح أنه موضوع حرية الرأى و التعبير و الكلام دا وهم ، و الدليل أنه لا يمكن تطبيقه فى منتدى للسيارات حفاظاً على قواعد و شروط المنتدى فمن المؤكد انه لا يمكن تطبيقه فى دولة تعدادها جاوز 80 مليون حفاظاً على نظام الدولة

حضرتك مفيش حاجة اسمها وهم ولا حاجة .... فى هنا حرية فى الكلام وفى نفس الوقت فى قوانين وشروط لازم نضعها فى الاعتبار واى شىء من غير قانون ينظمة ويحمية ينقلب الى فوضى .

دة غير ان مبادىء الحرية والديمقراتية هنا بيتم تطبيقها ع افضل وجة وانا شوفت فعلا الى يدل ع دة

ولو كان فعلا الحرية وهم كان مدير الموقع ادالك انذار او حذف العضوية ولكن زى ما ابو نورا وضحلك ان مدير الموقع فضل تنبهيك ع الخاص وممكن تتناقش معاة فى السبب

وياريت حضرتك لو تجيبلنا لينك الموضوع الى حصلت فية المشكلة وبناء علية تم التنبية