عربيتي بتشرب البنزين شرب !!!

[hanysgf]

1-لو بتحرق و بتعمل كيك دون كتير ده عادي
2- او بتشمي في زحمه بنسبه 80-90% من التفويله
3- لو بتشمي بسرعه اكتر من 160 170 مسافه طويله بردوا عادي
غير كده العربيه يبقي فيها حاجه مش مضبوطه
البوجيهات
فلتر الهواء

[khaledmazda3]

المشاركة الأصلية كتبت بواسطة hanysgf 1-لو بتحرق و بتعمل كيك دون كتير ده عادي 2- او بتشمي في زحمه بنسبه 80-90% من التفويله 3- لو بتشمي بسرعه اكتر من 160 170 مسافه طويله بردوا عادي غير كده العربيه يبقي فيها حاجه مش مضبوطه البوجيهات فلتر الهواء

بمشي ف زحمة د طبيعي ف مصر
وكمان أنا سواقتي سريعة على طول ما بصدق الطريق يفتح وبجري كيك دون كتير بقى عشان مليش خلق للمشي براحة

كدا طبيعي بردو ولا ايه ؟!؟

[hanysgf]

زحمه مع حرق ده طبييعي جدا
بس عايز تطمن علي الاخر زي ماقالو ليك مره كدهو انت مسافر
قبل السفر فول العربيه و حاول تمشي علي سرعه ثابته مابين 80 ل 110
و اول ماتوصل فول العربيه تانيه و شوف مشيت اد ايه و العربيه خدت كام لتر بنزيين
و احسبها الطبيعي العربيات ال 1600 cc الاتوماتك الجديده مع التكيف علي طريق سفر في السرعات ديت
مع عدم التوقف كتير او تبطء و تسرع العربيه كتير تسحب من 6 ل 9 لتر لو كانت غول في ال 100 كيلوا متر

[alshura]

الاخ الفاضل على التوكيل فورا و بدون تاخير واضح ان عندك تسريب فى البنزين العربيه دى مفروض تعمل جوه المدينه 15 كيلو فى اللتر اضرب 15 فى 55 يعنى لازم تعطيلك اقل شيئ 800 كم جوه المدينه على السريع اكتر فيه حاجه عندك غلط و طالما العربيه فى الضمان لازم تروح التوكيل الحاجه التانيه لازم تدخل على موقع شركه مازدا و تشوف لو العربيه ليها اى ريكول من الشركه لاصلاح اى عيوب الصناعه

[احمد على 1999]

طبعا طريقة سواقتك هي الملتهم الاساسي لبنزينك

عامة الاستهلاك داخل المدينة مينفعش يبقي له دلالة علي سلامة الاستهلاك نظرا للتباين الكبير في ظروف الزحام و فترات التوقف
المقياس هو زي ما قالوا الاخوة طريق مفتوح و سرعة ثابتة