آخر طلب من الأخوة الفلول

[ahmedamro]

متابع بأهتمام

[Ahmed Anwer]

أشكركم علي الإهتمام و المتابعة و التفهم

أستحلفكم بالله أن تعطوا أصواتكم لأي حد ما عدا فلول الحزب الوطني

و مش محتاجين قانون عزل كل واحد فيكم عارف دايرته كويس و عارف مين اللي كان ليه أدني علاقة بالحزب الوثني

و محدهش يقولك ده أنا شريف بس كنت مضطر ،

اي حد بيخش الحزب الوثني كان داخله عشان مصالح فقط

لا مؤاخذه يعني أنتم مش صغيرين ،، فيه ايه الحزب الوثني يتخش عشانه ؟؟ غير المصالح

و يا سيدي عندك علي كل شكل و لون

اشي سلفي و ايشي اخوان و ايشي ليبرالي و ايشي اشتراكي و ايشي وسطي

و لو مبتثقشي في اي حد من دوول علي الإطلاق شوف حد مستقل بتثق في عقليته و نزاهته و رغيته الحقيقة في تقديم الجديد

بس أوعي يكون عشان ابن خالة أبن عمتك !!!!

ده اللي مضيعنا

و أيا كانت العيوب في التصنيفات اللي بنقولها بس كل تضنيف ليه ميزاته و ليه عيوبه مفيش حد كامل

بس أكييييييييييييد أفضل مليون مرة من فاسدين الحزب الوثني

(( الديمقراطية لا تأتي بالملائكة و لكنها قادرة علي قمع الشياطين ))

مبوعدكشي بمرشحين ملائكة إحنا لسه هنجرب

بس أرجوكم متجربوش تاني اللي سرقوكم و نهبوكم و عذبوكم ستين سنة

يا أخي غيروا الصنف بقه !!!

[mf]

انا عن نفسي لو كان ليا صوت انتخابي

في محل اقامتي بالزقازيق هيكون للدكتور حمدي السيد بلا منازع

ولو في مسقط رأسي في "أشراف بني عمرو" هيكون للدكتور مصطفي السعيد بلا منازع

[سمارت وير]

طيب أنا عندي فكرة عملية و ممكن تفيد ناس كتيييير .... إيه رأيكم لو كل واحد مننا يعرف واحد فِل أو واحدة فِلة اتأكد إنه نازل الانتخابات يقول على اسمه و دايرته علشان الكل ياخد حذره من الأشكال دي ... فِل فِل و فِلة فِلة

إيه رأيكم ؟

[Ahmed Anwer]

المشاركة الأصلية كتبت بواسطة سمارت وير طيب أنا عندي فكرة عملية و ممكن تفيد ناس كتيييير .... إيه رأيكم لو كل واحد مننا يعرف واحد فِل أو واحدة فِلة اتأكد إنه نازل الانتخابات يقول على اسمه و دايرته علشان الكل ياخد حذره من الأشكال دي ... فِل فِل و فِلة فِلة إيه رأيكم ؟

فيه كذا منظمة أهلية و جمعية شبابية و وسائل إعلام شغالة علي الموضوع ده

بس عامة الشغل الشعبي أهم

يعني لازم تحسس أهلك و قرايبك و أصحابك إنهم لو عملوا كده يبقي خطيئة

الناس بتصدق اللي يعرفوهم معرفة شخصية عن وسائل الإعلام و المنظمات

أفضح الفلول في دائرة علاقتك

و برده هنشارك هنا في فضحهم

عموما أنا عندي مخاوف أكبر من انتخابات البرلمان هأكتبها في مشاركة قادمة