الحقووووني

[aloush_4e]

الف شكر علي الرد بس تفتكر العيوب دي مش محتاجة توكيل ....... انا قصدي هل هترجع العربية زي الاول ولا ايه

[memodina1]

بص انا راى الشخصى يعنى ويفضل تعمل بية هات الاساسيات من التوكيل اللى هى المقصات الكبالن الريداتير السربنتينة والقنطرة دول من التوكيل شراء بس خدهم وخلى اى حد شاطر يركبهم لانهم تركيبهم سهل شيل وحط
اما الباقى زى مثلا الاكصدام فانوس وهكذا هاتة من برة التوكيل وصلح السمكرة برة التوكيل ورش برة برضة دا حل امثل لانى العربية جديدة وانت لازم تكون مطمن انى هى القطع اصلية صدقنى دا حل كويس مش موفر اوى انما مش هتتعدى المبلغ كتير لكن طبعا مش 21000 الف مستحيل
اقل بكتير
انما حكاية هترجع زى الاول هفى هترجع زى الاول انشاء الله واحسن عادى جدا اى عربية بتتصلح متقلقش خالص وربنا يسترها عليك وصدقنى هدى نفسك الامور هترجع زى ما هى وهتبقى العربية 10 على 10 اتوكل على الله ونصيحة بكررها هات الاساسيات من التوكيل

[accent boy]

انا بصراحه رأيي انك تشتريهم استعمال خارجى من بورسعيد الحجات دى مش هتعدى 5000 والحرفيين الصنايعيه الى فيها جامديين بس حظر منهم عشان كلاااااب فى النصب واكيد مش كلهم وفى مركز هناك اسمو حسن دبوس هتلاقيه عند محطه اسمها الجامع وهوا فى وشها على طول .. بالتوفيق ليك ان شاء الله

[aloush_4e]

يارجاله انا مش عارف اشكركم ازاي ....... بس تعليق صغير انا سألت في مح قطع غيار قالي انه بيبيع قطع الغيار الاصلية بتاعت غبور وبفارق مهول لما سألت علي الاسعار
لان يا استاذ ميمو انا لو اشتريت القطع الي انت بتقول عليها من التوكيل يبقي اصلح فيها احسن ....... لانه في القايسة الي عملهالي مش حاطط مصنعية خالص ودي طبيعة التوكيلات بينفخوا في قطع الغيار وميحطوش مصنعية

هي موضوع قطع الغيار الاصلية الي بتتباع برة ده صح (الراجل كان مستعد يوريني الفاتورة الي شاري بيها من غبور) وفارق السعر مثلا في القنطرة 1300 جنيه

علي العموم دي او مرة اشترك في المنتدي ده وبجد بشكركم
وعلي فكرة مصر موتورز هي الي خلتني اشتري الاكسنت

يا زعيم احنا اللي لينا الشرف اننا اتعرفنا عليك وبعدين متقلقش وهات قطع الغيار من بره هو غبور حرامي قديم وبيرفع الحاجه الطاق عشره علشان يقلقك انك متشتريش من بره التوكيل ويفهمك انك بتشري حاجه مضروبه مع انه هو اساسا مضيع سمعة عربياته كلها بسبب الشيل والحط

المهم دلوقتي هات قطع الغيار من بره والاكصدامات هاتها استيراد وهتبقي بنفس لون العربية يعني مش هتحتاج رش وهتلاقيها ارخص من غبور اللي هيديهالك فيبر اسود بدون رش

والعملية ان شاء الله مش هتتعدي المبلغ اللي قولتهولك الا بحاجات بسيطة جدا لو انتا هتشتري قطع غيار غير اللي انتا قولتلنا عليها

وبورسعيد بردك هتلاقي فيها الحاجه ارخص بس زي ما قالك اكسينت بوي خلي بالك كويس علشان ميضحكش عليك

ومتقلقش وفداك مليون عربية واهم حاجه انك بخير وربنا يعينك واي استفسار تاني احنا تحت امرك