ارجوكم افيدونى فى تغيير زيت الفتيس فعلا رايكم هيفيدنى جدا

[memodina1]

طيب يا جماعة انا اجيب شل 90 صح كدة اصلى سالت انهاردة واحد قالى 90 على 80 دا اسمة كدة
وواحد تانى قالى 90 على 140 مش فاهم اى حاجة
ممكن حد يحددلى اجيب اية بالاسم بالضبط اروح اقولة للراجل يدهونى
ومعلش هو لازم تغيير الزيت ناس تقولى لاة اوعى تغيرة زودة بس حد يقولى
وبالنسبة لاخويا اللى قال انها بلية
بص هو لو بلية تحس بالونة او الزنة وانت دايس دبرياج ولما تسيبة الزنة تروح
انما انا عندى ونة بسيطة لما اسيبة خالص وواحد قالى غير وتوكل على الله وهيختفى بس مش عارف حكاية انة لازم يكون باردة العربية دى انا محتار شوية وبعد اذنكم عايز رد مفصل وشكرا اوى لكل اللى ساعدونى الف شكر

[محمود زيزوو]

انا مكدبش عاليك انا لسة شايف موضوع هنا فى المنتدئ الرائع موضوع بتاع استاذ عصام عنايم وبجد الزيت لما غيرة كان شكلة وحش جدا الفرق بين الجديد والقديم كبير جدا جدا جدا
جدا ودة خلانى بصراحة وانا بغير زيت الموتور يعنى فاضل حوالى 2500كيلو وانا بغير زيت الموتور هغير زيت الفتيس بالمرة كمان لان بصراحة لما عصام غير الزيت بيقول الفرق كبير جدا جدا فى حركة الغيارت واللى انا اعرفة كل زيوت لازم تتغير زى زيت الموتور كدة بيتغير علشان الاحتكاك طيب ماهو بردة الفتيس كلة احتكاكات بردة وانا بصراحة لما شوفت الموضوع قررت اغيرالزيت مع زيت الموتور الموضوع فى قسم الانوس ادخل وشوفة واتأكد براحتك وربنا معاك وعلى فكرة الموضوع من مكلف قوى يعنى حاجة بسيطة

[memodina1]

المشاركة الأصلية كتبت بواسطة محمود زيزوو انا مكدبش عاليك انا لسة شايف موضوع هنا فى المنتدئ الرائع موضوع بتاع استاذ عصام عنايم وبجد الزيت لما غيرة كان شكلة وحش جدا الفرق بين الجديد والقديم كبير جدا جدا جدا جدا ودة خلانى بصراحة وانا بغير زيت الموتور يعنى فاضل حوالى 2500كيلو وانا بغير زيت الموتور هغير زيت الفتيس بالمرة كمان لان بصراحة لما عصام غير الزيت بيقول الفرق كبير جدا جدا فى حركة الغيارت واللى انا اعرفة كل زيوت لازم تتغير زى زيت الموتور كدة بيتغير علشان الاحتكاك طيب ماهو بردة الفتيس كلة احتكاكات بردة وانا بصراحة لما شوفت الموضوع قررت اغيرالزيت مع زيت الموتور الموضوع فى قسم الانوس ادخل وشوفة واتأكد براحتك وربنا معاك وعلى فكرة الموضوع من مكلف قوى يعنى حاجة بسيطة

والله لو كدة يبقى نغيرة كل 15 الف مثلا واهه الصيانة ولا العلاج

[محمود زيزوو]

المشاركة الأصلية كتبت بواسطة memodina1 والله لو كدة يبقى نغيرة كل 15 الف مثلا واهه الصيانة ولا العلاج

انا بصراحة قولت مادم الموضوع مش مكلف يبقى كل فترة يعنى مثلا مع تالت تغيرة زيت الموتور نغير زيت الفتيس بالمرة يعنى بمعدل زى منت مبتقول كدة يعنى كل 15 الف كيلو نغيرة وفعلا وهى وقاية

[memodina1]

محدش حدد بالضبط برضة وانا لقيت فى الكاتالوج كاتب
70w90
الكمية 2.15 لتر
اية دا بقى بالضبط عشان احطة بالمللى فى العربية