انواع الفتيس؟؟؟؟

[king2islam]

حضرتك انواع الاتوميتك نوع واحد او نص اتوميتك
والى فى الاكسنت عموما الى هو اوتو ماتيك كامل اما النص الاتوميتك ده بيكون فتيس يدوى عادى بس فيه خاصية انك بتحوليه الى اتوميتك وده بيعطيكى اداء وجودة الفتيس العادى وراحة الفتيس الاتوميتك مش اكتر ارجو انى اكون افدتك

[حسام البورسعيدى]

المشاركة الأصلية كتبت بواسطة king2islam حضرتك انواع الاتوميتك نوع واحد او نص اتوميتك والى فى الاكسنت عموما الى هو اوتو ماتيك كامل اما النص الاتوميتك ده بيكون فتيس يدوى عادى بس فيه خاصية انك بتحوليه الى اتوميتك وده بيعطيكى اداء وجودة الفتيس العادى وراحة الفتيس الاتوميتك مش اكتر ارجو انى اكون افدتك

مع احترامى الشديد ليك يا باشا ..

لكن الكلام ده مش مظبوط ..

الفتيس النصف اتوماتيك المزود بخاصية استيبترونيك ..

وده بيكون عبارة عن فتيس اتوماتيك عادى جدا ولكن متطور قليلا (بيكون بتحكم كهربائى كامل و غالبا ما بيكون 6 نقلات) وفيه خاصيه للتحكم فى النقلات بطريقة نصف اتوماتيكيه (لمسه ناحية علامة - لتقليل غيار .. ولمسه ناحيه علامة + لتزويد غيار) كل ده بدون وجود دبرياج ...


هو ده كل الموضوع ...

[فادى]

هناك ثلاثة انواع رئيسية من علب التروس, و تنقسم الى انواع اخرى فرعية,

المانيوال العادى و هو يعمل بواسطة اسطوانة دبرياج و علبة تروس يتم النقل فيها يدويا.

الاوتوماتيك و هو تكنولوجيا أمريكية و ميكانيزم يعمل عبر محول عزم ينقل الحركة بواسطة الزيت, و هو ينقسم الى نوعين :
الاوتوماتيك العادى التقليدى و هو المستخدم فى الاكسنت الموديل السابق.
الستيبترونيك تكنولوجيا من بورش الالمانية و هو يعمل عبر محول عزم ايضا لكن يمكن التحكم فى النسب عبر عتلة خاصة (+ و -) و يكون 6 او 7 نقلات و موجود فى المرسيدس, كيا سيراتو, و هو المستخدم فى الاكسنت الموديل الجديد.

السيكونشال أو نصف اوتوماتيك, قدمته فيات الايطالية فى 1999, و هو فتيس مانيوال عادى لكن يتم النقل عبر روافع هيدروليكية يحركها حاسوب الكترونى يأخذ اوامره من السائق (+ او -) او من خلال حسابات خاصة فى الحالة الألية, مثلها الفيات برافو, سيات ليون, اوبل فكترا, تويوتا كورولا الجديدة.

[drali]

إضافة صغيرة على الماشى

الفتيس الأوتوماتيك ممكن يكون بتروس وده النوع الشائع

وممكن يكون ببكر أو cvt زى اللى فى الانسر

[حسام البورسعيدى]

المشاركة الأصلية كتبت بواسطة drali إضافة صغيرة على الماشى الفتيس الأوتوماتيك ممكن يكون بتروس وده النوع الشائع وممكن يكون ببكر أو cvt زى اللى فى الانسر

شكرا يا باشا على الاضافة الهامة ..

وميزة النوع ده انه مفهوش نقلات .. لان نظام البكرات او الـ CVT فيه عدد لا نهائى من النسب تتغير تلقائيا حسب سرعة العربية وضغطة البنزين ..

وعلى فكره النوع ده موجود فى اللانسر 1600 فقط .. اما الـ 1300 اتوماتيك عادى ...