تجربتى الاولى ومشاكل لا تنتهى احتاج دعمكم

[abozeyad]

المشاركة الأصلية كتبت بواسطة mahranahm بص بأه يا كبير اولا انا اخوك مهران جولف 2 طبعا من الاسم تعرف انى عندى جولف 2 1300 سى سى انا عملت زيك اول لما جيبت العربية مكن تقول انك كنت بتحكى قصة العربية بتاعتى يعنى انا جبتها من 3 شهور واول حاجة جابت معايا اسطوانة دبرياج وغيرتها بأستعمال زيك بالظبط واول مشوار كبير عملتوا بيها العربية سخنت ولما روحت للكهربائى غيرت فيوز المروحة بتاعت الريداتير زيك بالظبط زطبعا الباشا الكهربائى غيرى الفيوز بواحد اقل حطلى فيوز 10 وطبعا بعد مشوار عملت نفس الحكاية الفيوز ساح والمروحة مشتغلتش وعشان انا كنت لازق فى الكهربائى وهو بيعمل الاختبار الاول عشان يتأكد ان ماتور المروحة مش هو الاتحرق عملت زيه بالظبط وبعدين غيرت الفيوز طبعا لانى معنديش خبرة حطيت واحد زية بالظبط ولكن لما روحت احدى مقابلات منتدانا قولتلهم على المشكلة وطبعا جزاهم الله خيرا كان واحد اسمة محمد فيصل غيرى الفيوز بواحد 30 ومن يومها المروحة شغالة زى الفل . وطبعا قابلنى موضوع الدخان الابيض دة وكان صعقة انا قولت الماتور فوت وخلاص بأه حعمل عمرة لكن لقيت ان الوقت بالليل وده كان بخار عسان الدخان سخن طالع فى جو بارد . وبعدين لقيت شوية كركبة فى التوصيلات الكهربائية بس الحمد لله لقيت واحد كهربائى صنيعى ظبطلى الكلام (( لمبة المارشيدير مش شغالة , المساحة , بزبزز المياه بتاعة المساحة )) وكل البالى بالك بأه . وبعدين عايز اظبط شوية فى العافشة وعايز سمكرى ودوكو وبعدين غيرت البطارية بواحدة جديدة جافة وتمام وبعدين الدوارة فى الصبح بتزهقنى شوية بس بدور فى الاخر . زيك بالظبط طيب لو انا فكرت زيك وقولت حبيع طيب لازم على كلام ناس كتير اركب زيرو لان مش حلاقى عربية زى المعايا فى الكفاءة والجودة بس زى رأخ اخونا حازم جيبت مستعمل تانى لازم يظهر فيه مشاكل امال اسمة مستعمل ازاى . فأنا اضم صوتى مع اخويا حازم واقولك لو العربية عجباك معلش استحمل بقدر امكانك لحد لما تجمع مبلغ وتقلب على زيرو وربنا يهديك الى ما يرضاه لك . وآسف على الاطالة

ههههههههههه ده بيست وكوبى يا باشا ههههههههههه والله انا اصلا كنت مترد ادخل موضوع العربيات ده من الاول عشان المشاكل اللى كنت باسمع عنها من زمايلى عن العربيات المستعملة ويمكن عشان كده ما ردتش اشترى فيات وقولت اجيب حاجة اعلى شوية عشان اريح دماغى شوية من موضوع المشاكل المتكررة والذهاب للميكانيكى كل شوية بس واضح انه ما باليد حيلة وانا خلاص بدات اخد عالعربية وافهم مشاكلها وخلينا معاها للاخر ...بما ان قصتك مع العربية زى قصتى يا ترى عندك صوت خروشة بتسمعه الصبح قبل ما تطلع بالعربية ويبدأ يقل بعد كده لما العربة تبدأ تسخن وخصوصا لما تدوس على الديبرياج الصوت بيروح ؟؟؟ عشان الموضوع ده عندى وسمعت فيه تلت اراء من الميكانيكية ...االاول قال زود زيت الفتيس وزودت والصوت راح فعلا بس رجع تانى بعد شهر والثانى قالى بلية ديبرياج والتالت قالى بلية فتيس واخر واحد بقه قالى زود زيت الفتيس بس حط زيت موتور خفيف مكان زيت الفتيس .....ايه رايك فى الموضوع ده؟؟

[mr_astra]

زيت موتور اية بس
الفتيس بيتحطلة زيت تروس لزوجة اما 90 او 140 وفى حالتك دى الـ 140 افضل
وراى الميكانيكى التانى غلط لانك بتقول الصوت بيروح اما تدوس دبرياج معنى كدة انك بتفصل حركة الموتور عن الفتيس الصوت بيروح يبقى الصوت فى الفتيس عارف لو قلت ان الصوت بيجى اما تدوس دبرياج يبقى العيب فى بلية الدبرياج
انا مع راى الميكانيكى التالت ان فى بلية فتيس عندك

[مهند سالم]

بالنسبة للدخنة فدي ما تقلقش إلا إذا صاحبها نقصان في زيت الماتور أو تعريق زيت على البوجيهات يؤدي لفصلها.
يعني ببساطة حضرتك قيس زيت الماتور كل يوم لو لقيته مش بينقص يبقى تمام، واكشف كمان على البوجيهات لو لقيتها ناشفة ومش معرقة زيت يبقى كدة مفيش مشكلة، المشكلة تبقى حقيقية لما زيت الموتور ينقص بصورة ملحوظة أو البوجيهات تقطع بسبب تعريق الزيت، أو مية الرادياتير حضرتك تلاقي فيها زيت، غير كدة اطمئن.

[abozeyad]

المشاركة الأصلية كتبت بواسطة mrastra زيت موتور اية بس الفتيس بيتحطلة زيت تروس لزوجة اما 90 او 140 وفى حالتك دى الـ 140 افضل وراى الميكانيكى التانى غلط لانك بتقول الصوت بيروح اما تدوس دبرياج معنى كدة انك بتفصل حركة الموتور عن الفتيس الصوت بيروح يبقى الصوت فى الفتيس عارف لو قلت ان الصوت بيجى اما تدوس دبرياج يبقى العيب فى بلية الدبرياج انا مع راى الميكانيكى التالت ان فى بلية فتيس عندك

طب الحمد لله انت كده طمنتنى على الميكانيكى بتاعى اللى حاطط ايده فى العربية فعلا وزودت ثقتى فيه وهو صاحب الراى التالت انها بلية فتيس وبرده قالى اصبر عليها براحتك مفيش خوف منها دلوقتى لغاية ما تحس انك اتمكنت من العربية ومن السواقة بس بصراحة انا مش عارف زيت الفتيس المحطوط درجة لزوجته قد ايه وينفع ازود بدرجة غير المحطوطة فى الاول لو كان ناقص ولا لازم اغيره كله ؟؟

[abozeyad]

المشاركة الأصلية كتبت بواسطة مهند سالم بالنسبة للدخنة فدي ما تقلقش إلا إذا صاحبها نقصان في زيت الماتور أو تعريق زيت على البوجيهات يؤدي لفصلها. يعني ببساطة حضرتك قيس زيت الماتور كل يوم لو لقيته مش بينقص يبقى تمام، واكشف كمان على البوجيهات لو لقيتها ناشفة ومش معرقة زيت يبقى كدة مفيش مشكلة، المشكلة تبقى حقيقية لما زيت الموتور ينقص بصورة ملحوظة أو البوجيهات تقطع بسبب تعريق الزيت، أو مية الرادياتير حضرتك تلاقي فيها زيت، غير كدة اطمئن.

لا الحمد لله انا باقيس زيت الموتور على طول وقياسه مظبوط ما بين العلامتين بس مش عارف موضوع البوجيهات ده وبصراحة مش عارف مكانها فين هاسال الميكانيكى على الموضوع ده واخليه يورينى مكانها وشكلها ...جزاك الله كل خير على اهتمامك