إلى أخوتى ( حازم خضر وفادى )

[samirayad]

إنه رئيس الدوله ورمزها ومن ولى علينا وله من العمر ليس بالقليل و أيضاً خدم مصر كثيراً

عندك حق

بدليل هذا التشكيل العصابى الرائع

الذى تمت ولادته فى عصره

كفايه أنك تلاقى ناس عماله تتعشى فى ليلتها بآلاف الجنيهات

وناس مش لاقيه رغيف عيش حاف أو شوية ميه نظاف تشربهم

وكفايه أنه أمر حبيب العادلى

بسحب كل البوليس من المظاهرات

وعمل أمور بلطجه تسببت فى قتل

أكثر من ثلثمائة فرد صغير السن

عمر الواحد فيهم ( ربع عمر مبارك )

___________________

حاول تحط نفسك مكان واحد من أهل شهيد من إللى أستشهدوا

ياترى كنت حتقول كده برضه

أعتقد وبشده لا

____________________

يا أخوانا

المفروض نبص لكل إللى حدث

مش نبص لأنفسنا

وبعدنا عن ساحة الأحداث

[samirayad]

هو كان كويس فى بداية رئاسة للجمهورية لكن للأسف الحاشية اللى حولة هى اللى فاسدة

على فكره

كل ماتراه من تعليقاتى

ليس رأيى فقط ...........ولكن رأى كل العالم

( حتى أصبح رأى من كانوا يطبلون له أثناء ولايته ....لأنهم كانوا خايفين منه

وضمائرهم الآن ....لاتستطيع نكران وقول الحق ....لخوفهم من الله ....لأن الكلمه أمانه ....ويمكنك أن تنكر المنكر حاليا ....بلسانك وليس بقلبك )

ولو فرض ولقيت واحد بيشكر فيه

فأكيد كان بينتفع من وراه

وزعلان على وصولنا

لعصر قد يكون مبشرا بالنظافه للكل

___________________

وثق تماما بأنك حينما تجد الكل شبعان

فلن تجد حقدا ولا كراهيه بين أفراد الشعب

ولو مش مصدقنى

لما ربنا يكرمك وتطلع بره مصر

وتروح دوله ( كافره ) زى الصين مثلا

حتلاقى كل الناس بتحب بعضها

بسبب تواجد عداله أجتماعيه

ووجود روح تنافس فى الأعمال والنجاحات

________________________

وبالنسبه لماهو داخل الأقتباس

هناك مثل أو مقوله شعبيه بتقول

إذا كان رب البيت بالدف ضاربا

فشيمة أهله الرقص

[مهند سالم]

مقال رائع يا باشمهندس، وفعلا بيوضح الحقيقة على مرارتها.
بالفعل ربك سبحانه وتعالى لا يفضح المرء أبدا لأول مرة، بل يستره مرات حتى إذا أصر على ظلمه فضحه الله سبحانه وتعالى وهذا أمر شرعي معروف.
مبارك تم نصحه مرات ومرات من المصلحين بإبعاد المفسدين ولم ينتصح؛ طبعا لأن المفسد هو من يوطد الحكم والملك ويقمع الشعب ويظهر للقيادة أن كل شيء تمام والشعب راضي، أما المصلح فدائما ما يتكلم باسم الحق وباسم الفقير والمحتاج، يعني المفسد بيطول ملكي ويريح دماغي، أما المصلح فكل إلا بييجي من وراه وجع الدماغ والمشاكل.
وفي النهاية فعلا لو كان أي واحد من إلا بيدافعوا من مبارك دلوقت اتعرض لأي نوع من أنواع الظلم ما كانش قال كدة، لو مات له ابن أو أخ أو أب ما كانش قال كدة، لو دخل المعتقل لمجرد أنه بيصلي واتبهدل واتهان، لو ربنا رزقه بظابط شرطة معدوم الضمير لفق له قضية ولا بهدله ولا سحله ما كانش قال كدة. لو كان يستاهل منصب أو مهنة وجه خادها منه واحد من بتوع الواسطة ما كانش قال كدة.
والأدهى من كدة إن مبارك كان لآخر لحظة عايز يفضل في الحكم عشان يلحق يحافظ على الفلوس إلا جمعها من عرق الناس ومن دمهم، عشان يلحق يداري على ملفات الفساد ويطلع الفلوس، ألم تقرأ في وسائل الإعلام ما تم الاتفاق عليه بين مبارك والجيش أنه إذا تمت تنحيته لا يحاسب ولا يلاحق هو وعائلته. هل لو كان هذا الرجل شريفا كما تقولون، لو كان نظيف اليد كعبد الناصر مثلا لتنحى مباشرة وأعلن مسئوليته السياسية الكاملة عما حدث في البلد من فساد، لكن إصراره على الحكم وإصراره على أخذ ضمانات يؤكد أنه كان رأس الحية.
وعموما نطلب من الله أن يعامله ويعاملنا برحمته لا بعدله إنه ولي ذلك والقادر عليه آمين.

[samirayad]

وعموما نطلب من الله أن يعامله ويعاملنا برحمته لا بعدله إنه ولي ذلك والقادر عليه آمين.

اللهم آمين

وفوضنا كل أمورنا لله

جل فى علاه

[maka]

مع احترامى لاراء الجميع و المؤيدين لمبارك نفسى حد يقولى انجاز واحد من انجازاته ؟؟

و مقال رائع باشمهندس سمير