هل هذا هو نائب الرئيس الذي نريده؟

البلد ديه ملهاش الا عمرو موسي هو الوحيد اللي يقدر يشيل البلد ديه

[miam0502788391]

انا من رأى ان كفايه كده حكم عسكرى ولازم يخرج رئيس كفؤ منتخب بنزاهه من داخل الشعب
اما عن عمر سليمان فماضيه لا يبشر بخير وعلى رأى المثل العربى كيف اعاودك وهذا اثر فأسك
وبعدين لما كان المبعوث الرئاسى فى عملية التفاوض بين حماس واسرائيل كان من الواضح انه بيخدع حماس ( بحنكة رجل المخابرات) يعنى هو كان يريد من حماس كل شيىء من هدنه واطلاق سراح الاسير اللى عندهم وفى المقابل لا ضغوط على الجانب الاسرائيلى , ولما حصلت مرة مشكلة مع حماس وطلب وفد من حماس الاجتماع معه رفض يعنى الراجل مش حيادى
نيجى لموقفه من ثورة الشباب
للأسف موقف مخزى ومؤسف والحاجة الوحيدة الاجابية فى تصريحاته ان مطالب الشباب شرعية
واليوم خرج علينا بتصريحات ان المظاهرات لا يمكن ان تستمر للأبد , يعنى الراجل عاوز شوية الشباب دول يتلموا بقى وكل واحد يرجع بيته
كمان الحوار اللى اجراه مع المعارضة المصرية لم يثمر عن شيء جدى يعنى حتة تعديل الدستور واحترام ثورة الشباب والكلام اللى اتقال ده مجرد تسكين علشان يهدى الناس ولو النظام كان فعلا جاد فى التغيير مكنش استنى لما البلد تخرب علشان يبدأ ينقطنا بقرارات لا تسمن ولا تغنى من جوع
كمان الراجل لم يتحرك له جفن ولم يبدى اى اسف على ارواح شهداء قتلوا بدم بارد ورد رئاسة الجمهورية فى انها تبعث بعزاء لأسر الشهداء جاء متأخرا جد جدا يعنى كان امس فقط يعنى بعد اكتر من اسبوعين
فى نقطة اخرى غير جوهرية بالنسبة لعمر سليمان الراجل عنده 75 سنة وده سن كبير على رئيس جمهورية يقدر يتحمل مسئوليات 85 مليون مواطن
يارب انصر الثورة يارب انصر الثورة يا رب انصر الثورة

[AbOnOrA]

علشان كده المطلوب اسقاط النظام بكل رموزة وسياساته لان حتى لو امنو مخرج امن لمبارك بدون محاسبه هيبقى سليمان هو البديل وبالتالى النظام هيفضل هو هو مع تغيير الاسماء بالظبط زى ما حصل فى الحزب الواطى (الوطنى سابقاً)

يا جماعة الموضوع بجد مش لعبه ولا مغامرة شباب فاضى بتاع فيس بوك لازم نخرج من قبضه وسيطرة النظام الفاسد والعميل ده ونوصل لنظام قائم على سلطه الشعب وارادته يعمل لتحقيق مطالبه والارتقاء بيه

النظام لم يتغير ولن يتغير بسهولة هما بيلاعبونا وبيلتفوا على مطالبنا وبيكسبو وقت بس لالتقاط الانفاس والتخطيط للاجهاز على الثورة الوليدة

[kimocyc]

المشاركة الأصلية كتبت بواسطة د.كمال هذا هو نائب الرئيس الذى يريده النظام وليس نحن .

+111111111 الله ينور عليك

المشاركة الأصلية كتبت بواسطة corsair البلد ديه ملهاش الا عمرو موسي هو الوحيد اللي يقدر يشيل البلد ديه

ياراجل يا طيب.. متلاقيش غير ابو ظاهرة صوتية فقط لا غير ده.. عمرو موسى كان الأول.. لكن لما راح جامعة الدول العربية.. بقى "بيدين ، ويستنكر" فقط لا غير

[tarek elbadry]

يا اخونا ماتنسوش الجيش
الجيش مش هايفضل يتفرج كتير
الناس دى اقسمو اليامين على حمايةالبلد والدستور والقانون لو فضلت البلد فى حالة فوضى كتير ومحدش عجبو حد ها يعمل انقلاب ويحكم البلد وها تبقى الاحكام عرفية يعنى ها نبقى رقصنا على السلم ورجعنا لورا
ربنا يستر