الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

[koashraf]

المشاركة الأصلية كتبت بواسطة ahmed1981 الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة الملك خرج من يد الرئيسي إنتقل الملك لثلاثي الحكم الجديد (سليمان وطنطاوي وشفيق) عز منع من السفر (الحقيقة التي لا يعلمها الكثير أن عز تم إعتقاله عند محاولته الهرب) جمال مبارك وصفوت الشريف تم طردهم وما أريد أن أضيفه الآن لأبين للناس الكارثة التي قد تحدث لو لم تهدأ البلد أولاً مبارك رحل نظرياً ومسألة أن يرحل رسمياً غير واردة تماماً حتى نهاية فترته ثانياً هناك مهلة للقيادة الجديدة للبلد لتهدئة الأوضاع لو لم تهدأ ستحدث كارثة هذه الكارثة هي تنازل الرئيس عن الحكم للجيش وإعلان الحكم العسكري وتطبيق الأحكام العرفية العسكرية وعندها فلينسى الجميع كل ما حققته الثورة من مكاسب إلى أجل غير مسمى رجاءاً لمن يحب مصر حافظوا على مكاسب ثورة الكرامة بتوقفكم عن التظاهر الآن ولا أزعم أنني أدعي الغيب ولكنها قراءة متأنية مع بعض المعلومات من أطراف حساسة

اتفرج على برنامج مباشر مع عمروأديب ولقاء مع أهالى الشهداء الذين قتلوا فى الاحتجاجات بدم بارد وانت تعرف ليه الاعتصام بالتحرير لم ولن يتوقف الا بتنحى الرئيس السابق /محمد حسنى مبارك عن الحكم ومحاكمته.

[خالداعزالناس]

كفايه مظاهرات فى ميدان التحرير
الرساله وصلت
خلينا نشوف الوعود والمعاهدات الجديده
كفايه خراب ومظاهرات فى كل مكان

[حازم شاهين]

و تفتكروا لما نبقى دولة ديموقراطية و عندنا حرية
المفروض نعمل قانون يمنع التظاهر السلمى للتعبير عن الرأى

للأسف الدعوة دى فى غير محلها تماما

طالما بنقول هنعمل دولة ديموقراطية و شعبها يتمتع بالحرية يبقى لازم محدش يدعى إنه فاهم أكتر من الشعب ، و محدش يكر الكلام القديم بتاع الناس إللى فاكرة نفسها أوصياء على الشعب

زى ما قولت قبل كده الحياة بترجع النهاردة للطبيعة ، و الناس راحت أعمالها و رجعت على اﻹعتصام و إن شاء الله لما تتحقق الديموقراطية و الحرية إللى بنحلم بيها ممكن تلاقى كل شوية مجموعة مش عاجبها حاجة و تعمل مظاهرة ، و الحياه مش هتوقف و لا هيحصل دمار و لا تخريب

مش صحيح إن الإعتصام و المظاهرة هما سبب الخراب و الدمار و وقف الحال ، لكن سبب الدمار و الخراب و وقف الحال هو خيانة قيادات فى أجهزة اﻷمن كانت فاكرة إن لما الشعب يحس بالرعب هينسى التغيير و الحرية و العدالة اﻹجتماعية

عايز أقول إن المظاهرات كانت بتحصل بقالها كذا سنه فى كل مكان فى مصر و محصلش خراب و لا تدمير

عايز أقول لكل إللى خايفيين متصدقوش تليفزيون أنس الفقى إللى فاكرنا لسا فى العهد الشمولى إللى بيعتبر كل مطالب بالحرية و التغيير يبقى خاين و عميل و مأجور و هيودى البلد فى داهية


الناس إللى واقفة فى التحرير دول هيودونا كلنا ﻷلف سلامة إن شاء الله

[ابوشروق]

المشاركة الأصلية كتبت بواسطة حازم شاهين و تفتكروا لما نبقى دولة ديموقراطية و عندنا حرية المفروض نعمل قانون يمنع التظاهر السلمى للتعبير عن الرأى للأسف الدعوة دى فى غير محلها تماما طالما بنقول هنعمل دولة ديموقراطية و شعبها يتمتع بالحرية يبقى لازم محدش يدعى إنه فاهم أكتر من الشعب ، و محدش يكر الكلام القديم بتاع الناس إللى فاكرة نفسها أوصياء على الشعب زى ما قولت قبل كده الحياة بترجع النهاردة للطبيعة ، و الناس راحت أعمالها و رجعت على اﻹعتصام و إن شاء الله لما تتحقق الديموقراطية و الحرية إللى بنحلم بيها ممكن تلاقى كل شوية مجموعة مش عاجبها حاجة و تعمل مظاهرة ، و الحياه مش هتوقف و لا هيحصل دمار و لا تخريب مش صحيح إن الإعتصام و المظاهرة هما سبب الخراب و الدمار و وقف الحال ، لكن سبب الدمار و الخراب و وقف الحال هو خيانة قيادات فى أجهزة اﻷمن كانت فاكرة إن لما الشعب يحس بالرعب هينسى التغيير و الحرية و العدالة اﻹجتماعية عايز أقول إن المظاهرات كانت بتحصل بقالها كذا سنه فى كل مكان فى مصر و محصلش خراب و لا تدمير عايز أقول لكل إللى خايفيين متصدقوش تليفزيون أنس الفقى إللى فاكرنا لسا فى العهد الشمولى إللى بيعتبر كل مطالب بالحرية و التغيير يبقى خاين و عميل و مأجور و هيودى البلد فى داهية الناس إللى واقفة فى التحرير دول هيودونا كلنا ﻷلف سلامة إن شاء الله

مع رائى استاذ حازم

[د.كمال]

للأسف ناس كتير مبتفكرش غير فى إن الحال وقف
طب والشباب ده اللى كان مستقبله ضايع
طب وعيالنا اللى عمال نديهم دروس ونعلمهم وإحنا عارفين إن مستقبلهم ضايع
والمتظاهرين مالهم ومال وقف الحال هو الشغل موجود فى ميدان التحرير ولا إيه