بعض الاستفسارات الميكانيكية والهندسية؟؟

[mialbedewy]

المشاركة الأصلية كتبت بواسطة Xpert لاء دي ما افتيش بصراحه .. لكن اللي هاقولهولك انه لما تبص علي داينو باور شارت هاتلاقي الباور باند مختلف لكل موتور .. الايدل (اللي هو السلانسيه) بتبقي مختلفه شويه ما بين ال 500 و ال700 ار بي ام. الكلام ده انا دارسه من سنين و معظم المعلومات طارت اساساُ

متشكر جدا جدا انا المعلومات عندي عماله تزداد الحمد لله
وشكل حضرتك كنت دارس المواضيع دي فلو تعرف اسم كتاب بيشرح نظرية محرك السيارة يبقي تمام اوي
ويا ريت باقي الاعضاء يردو عليا ويساهمو في العلم

[mialbedewy]

الووووو هل من راي لباقي الاعضاء؟

[fox077]

RPM = ROUND PER MINUTE = لفة لكل دقيقه

يعني في السلانسيه مثلا حتلاقي العداد جايبلك 1200 RPM يعني عمود الكرنك بيلف 1200 لفة في الدقيقه وهكذا...

يعني حوالي 20 لفه في الثانية ...

وبتوضيح اكثر..

في 4 اشواط في المحرك.. الي هما الشحن,الضغط ,الحرق , العادم..

الاربع اشواط دول بيحصلوا كل لفتين لعمود الكرنك
يعني
2لفه = 4 شوط ==== 1 لفه=2 شوط

يعني 40 شوط في الثانية.. يعني الشوط الواحد بيتم في حوالي 025. من الثانيه تقريبا ...

[حسام البورسعيدى]

طلبك عندى يا جميل ..

عاوزك بس تشوف الموضوع ده كويس وهيفيدك بالتاكيد ...

شرح اجزاء السيارة بالصور .. (الجزء الاول : المحرك) .. حصريا من حسام البورسعيدى ...

[حسام البورسعيدى]

السلام عليكم

وعليكم السلام ورحمة الله وبركاته

بعد اذن حضراتكم ارجو من خبراء المنتدي الرد علي بعض استفساراتي انا فهمي في الميكانيكا علي قدي شوية بس عندي شوية تعديلات علمية بفكر فيها بس عايز اتأكد من معلوماتي الاول

اوى اوى .. تحت امرك ..

السؤال الاول: ما هو تردد صعود ونزول السلندر؟ اي كم مرة يصعد ويهبط في الدقيقه الواحده وهل يفرق في كبسه دواسة البنزين ؟

على حسب عدد لفات الموتور RPM ..

لكن نفترض ان لدينا الان موتور يدور بسرعة 1000 لفه فى الدقيقة ..

يعنى حوالى 16 لفه فى الثانية

اللفه = حركة السلندر صعود ثم هبوط مره واحده (شوطين يعنى)

السؤال الثاني: هل يتحرك السلندر صعودا ونزولا في حالة تدوير السيارة فقط؟

طول ما الموتور شغال (داير) السلندرات شغالة صعودا ونزولا ..

السؤال الثالث: ما هو السلانسيه؟

وضع دوران المحرك بدون ضغط بنزين والعربية واقفة ومموره .. وسرعة السلانسية هى سرعة المحرك (RPM) عند دورانه فى وضع السلانسية وتكون غالبا والمحرك فى حرارته الطبيعية (سخن يعنى) بين 700 و 900 فى محركات البنزين الصغيره

السؤال الرابع: هل سرعه ال RPM تمثل سرعة دوران عمود الكرنك ام سرعه ترس الفتيس اللي انا عليه؟

RPM تعنى Revolutions Per Minute او اللفات لكل دقيقة .. ودى تمثل عدد لفات الموتور نفسه سواء على اى غيار او فى حالة الوقوف ..

السؤال الخامس: السيارة الغاز هل في حالة وجود خلل في الشنبر او احد الجوانات هل يؤدي ذلك لتسرب الغاز الي قلب المحرك او الي الخارج؟

الغاز الطبيعى بتاع العربيات بيكون سائل مضغوط مش غاز على حد علمى ولا اعتقد انه قد يترسب لخارج الموتور ...

السؤال السادس: هل السلندر بيحتاج الزيت في عملية حركية ام في التبريد فقط يعني بفرض عدم وجود زيت هل السلندر يتآكل من الحركة سؤالي في السلندر فقط وليس عمود الكرنك او اي شئ آخر ؟؟

وزيت الموتور له عده وظائف :
1- تليين الحركة بين اجزاء المحرك حتى لا يؤدى زياده الاحتكاك بين اجزائه الى تآكلها ..

2- تبريد الموتور وذلك بامتصاص الحرارة الناتجة عن احتكاك اجزاؤه ببعضها ..

3-غسيل الموتور من الداخل وتنظيفه من الشوائب او براده الحديد الناتجة عن الاحتكاك بين اجزاؤه ..

4-تقليل استهلاك الوقود لان الزيت يعمل على تليين حركة المحرك فيجعلها اسهل ..

معروف طبعا ان جميع المعادن تتمدد بالحرارة ..

واذا فرضنا عدم وجود زيت فى الموتور سترتفع درجه حراته ارتفاعا شديدا بعد دقائق معدوده من تشغيله نتيجه قوه الاحتكاك الشديدة بين اجزاؤه .. وبالتالى ستتمدد السلندرات (البساتم بلغه السوق) ويزداد قطرها مما سوف يؤدى الى التصاقها بجدار غرف الحريق ويحدث ما هو معروف بـ (قفش الموتور) ..

انا آسف اسئلتي كتير بس اعتبرو مساهماتكم مساهمات في العلم يمكن تضرب مع الواحد

انا سعيد باسئلتك وبالاجابه عليها وتحت امرك يا جميل فى اى وقت ...