طالب نصيحة

[spear7]

بس يا ريس انتا بتتكلم في موضوع يخص بيت مفتوح على حس حاجة مش هانكدب عليك الفيرنا احسن بكتير موفرة و عملية و هاتحولها غاز و لاهاتفرق معاك تماما لأن الموتور اساسا قوي و قطع غيار برخص التراب و زي الفل يا ريس هي في الاول محتاجة تجنط لو انتا من هواة الجري و التنطيط و السرعات العالية و اوصل الزبون من مدينة نصر لفيصل في 10 دقايق هههههه غير كدة سيبها على حالها كما هي و بارك الله في ما رزق هي عربية حلوة ابعادها واضحة هاتشوف الكبود كله سهلة القيادة و دركسيون سلس جدا و لا عمرنا سمعنا انه بيقفش دي و كلمة مني هات مانيوال مش اوتوماتيك مانيوال احسن بكتير من الاوتوماتيك لأن الاوتوماتيك معاملة خاصة وشغل كبير خلينا في اللي نعرفه و اللي الميكانيكية فيه يسلكوا ولو خايف هاقولك امشي في اي شارع وشوف هاتقابل كام فيرنا انا قعدت كام مرة في الشرع لمدة 5 دقايق اعد الفيرنا اقل مرة 29 عربية في 5 دقايق يعني لو العربية وحشة محدش كان ركبها و بالنسبة للوجان عزيزي اسد الله فمتنفعش تشتغل تاكسي خسارة في التاكسي و تكلفتها التشغيلية عالية و قطع غيار غالية نوعا ما و بارك الله فيما رزق يا ريس و اهم شئ توكل على الله و استخيره و اللي تشوف فيه الخير مش هايرده رأي يعني ولا فيرنا ولا اي شئ ممكن الخير في لادا استخير ربنا قبل كل شئ و ربنا يوفقك ويرزقك برزقك الحلال .... ماتقولوا آمين يا اخواننا

[ابوجاسرومصعب]

جزاك الله خيرا

[حسام البورسعيدى]

شوف يا باشا ..

انصحك بالفيرنا الفيفا .. تقفيل هندى مش مصرى (اكتر جوده من المصرى) .. اسرع واخف شويه من الفيرنا ..

وعندنا فى بورسعيد كل الاجرة بقى بيجيب فيفا وبطلوا يجيبوا الفيرنا ..

وربنا يوفقك ...

[Ahmed.gunners]

تمام هتكون حلوة للتاكسي بس بلاش الاوتوماتيك خليك في المنوال احسن مليون مرة هتوفرلك بنزين وصيانتها احلي وجبها لونها ابيض عالطول لو تنفع تخليها تاكسي ابيض ومبرووك مقدماا