ارجوكم افيدونى لانوس أو نيو أكسنت

[dragon]

المشاركة الأصلية كتبت بواسطة ابوعاصم83 السلام عليكم اعرفكم بنفسى محمد من الفيوم من شهر أنا محتار بين اللانوس (69500) وبين النيو أكسنت (82500) هل الفرق فى السعر يستاهل المزايا اريد مقارنة وافية بين نقاط القة الضعف فى العربيتين

السلام عليكم
شوف ياحبى بكل صدق مفيش مقارنة اصلا بين العربيتين دول لا فى الثبات ولا فى الاستهلاك ولا الكماليات ولا الفخامة ولا اى حاجة مع كامل احترامى للعربية الانوس بس حضرتك بتظلم النيو اكسنت لما تقارنها بيها اصلا لائن النيو اكسنت بتتقارن بالميجان والاوبترا والعربية الى فى نفس مستوى العربية دى اولا نتكلم شوية عن اللانوس عربية العفشة بتعتها ناعمة زيادة عن اللزوم العربية فوق ال 120 بتعوم عوم البط والى حيقول غير كدا يبقى عاوز يضحك على نفسة وهوة حر تانى حاجة الشكل الى مش عاوز يتغير من سنين السنين يعنى مش حتحس انك راكب حاجة جديدة زيك زى غيرك تانى حاجة بقى كل شوية كوبلن يطق كوبلن يطق وعلى اية وجع الدماغ دة وتوكيل نصاب وحرامى فوق الوصف والخيال واسئل اى حد على منصور شفرولية واصحاب العربيات الى قبلتهم مشاكل فى عربيتهم التوكيل عمل معاهم اية عشان تحكم على توكيل احكم علية فى وقت المشكلة مش فى وقت الرفاهية دة غير ان هية عربية ضيقة من جوة وبتتبهدل بسرعة الهورس بور بتعها ضعيف 85 حصان والنيو اكسنت 112 حصان طبعان فرق الواضح ويايعنى عليك لو فكرت تشغل التكيف فى اللانوس بقى يبقى انتة كدا راكب 128 بس شكلها كويس ومش عاوز اتكلم عنها اكتر من كدا لائن عيوبها كتير وحتفضل كل شوية تروح التوكيل تصلح فيها حاجة
النيو اكسنت مش العربية الى مفيش زيها فى العالم هية عربية عادية زى اى عربية بس الفرق هنا ان هية اقوى عربية فى الفئة بتعتها وكل المقارنات كانت فى صالحها مع الاوبترا والجين 2 والعربيات الى فى نفس الفئة الموتور بتكنولجية جديدة اسمها cvvt التكنولجية دى حضرتك بتغل مع حضرتك محركين فى محرك واحد بمعنى لو حضرتك من النوع الى بتحب تمشى هادى كدا ومش بتجرى الجرى الرياضى حتلاقى معاك عربية ناعمة جدا مفيش صوت ولا ازعاج ولا اى حاجة استهلاك البنزين ممتاز جدا لمحرك 1600 سى سى 112 حصان تقريبا الصفيحة بتعمل معايا 240 كيلو وخلى بالك انا مش بمشى هادى بمشى رياضى طول الوقت يعنى اكيد المشى الهادى حيفرق معاك كتير جدا تانى حاجة الثبات ثم الثبات ثم الثبات العربية مشاء الله على الثبات بتعها والمنورات انا حقولك على حاجة حصلت معايا انا شخصيا فى طريق شرم الشيخ اول حاجة لو العربية دى مش عربية جامدة انا مش مجنون عشان اطلع بيها شرم الشيخ لائن الطريق دة مفيش فية هزار تانى حاجة الى حصل انى كونت ماشى بعد مطلعت من النفق كدا بتاع الشيهد احمد حمدى وبجرى على 160 لقيت قدامى جمل وجمبة جمل تانى وقفين بالعرض حدفت يمين ورجعت شمال وكبست بنزين قولت عشان العربية حتعوم لاكن الحمد لله العربية معمتش ولا حصل اى حاجة وعدت على خير انا باخود الملفات على 140 و 160 عادى جدا بس الى يعمل كدا يكون حد قديم طبعا مش جديد فى القيادة تانى حاجة بتوصل لل210 عادى جدا حترخم عليك شوية عشان توصل لحد ال 220 انا بصراحة صعبت عليا العربية لما وصلت بيها لحد 215 قولت كفاية عليها كدا حضرتك حنتكلم على المنورات والغرز خد غرز زى ما انتى عاوز متقلقش من حاجة لائن العربية مشاء الله ثابتة ودية ميزة مهمة جداااا واى حد بيدور عليها تانى حاجة الفرامل بتعتها قوية جدا لدرجة انك لو دوست جامد شوية العريبة حتتزحلق فخلى بالك عندك التكيف ثلاجة رجع فى طريق شرم الصبح فى عز الظهر ومشغلة مشاء الله مفيش اى مشاكل خالص التكيف ممتاز العربية من جوة واسعة مش عارف جيبين منين ان العربية ضيقة اهوة انتة عارف الناس بتحب تتكلم وخلاص فى الى عارفة فية والى مش عارفة فية المهم الشنطة بتعتها كبيرة جدااا يعنى حط فيها شنط زى ما انتة عاوز انا كنت حاطط فيها تقريبا 6 شنط منهم 4 كبار وجراكن ماية الى 6 لتر كونت حاطط منهم 5 وكانت لسة الشنطة فيها مكان دة غير شكلها الجديد والشيك النور بتعها قوى لو حضرتك عاوز تسوق رياضى حتلاقى تحت رجلك وحش بعد 4500 فى الار بى ام حتلاقى صوت الموتور على والعربية بتجمع بشكل ملحوظ جدا بس استهلاك البنزين حيكون كتير مقابل الحرق الى بيتحرق ودى حاجة ترجع لحضرتك طبعا فى الاول فى الاخر
ولو فى اى حاجة مش واضحة انا فى الخدمة

[dragon]

يبقى كدا تشغيل العربية ااقل بيكتير من العربية الى بتعطل كل شوية وكل شوية مشاكل وقرف وتانى حاجة توكيل غبور توكيل قوى جدااا معاملة نضيفة جدااا بس اهم حاجة تلتزم بالصيانة فى مواعيدها كل
1000 وبعد كد كل 5000 كيلو واى عيب تقول عليها بيتعمل ومفيش حاجة اسمها مش حيتعمل مدام حضرتك ملعبتش فى العربية خارج التوكيل يبقى مصاريف تشغيل عربيت حضرتك هية البنزين فقط لا غير اى مصاريف تانية حتكون كل 5000 كيلو فى الصيانة تغير زيت + المصناعية وشىء طبيعى ان فى عداد مكتوب فية حضرتك عامل كام كيلو واكيد حتعمل حسابك قبل متروح يبقى حضرتك مش بتتكلم اى مصاريف تشغيل غير الينزيييييين فقط لا غير وهية اقتصادية جدا فى البنزين واى سؤال انا فى الخدمة

[mahmooud135]

المشاركة الأصلية كتبت بواسطة dragon هوة حضرتك واخد صورة توقعى الشخصى وعملة توقيع لنفسك لية ؟ دى مش صورة انا لاقيتها على النت واخدتها وحطيتها دى انا عاملها بنفسى يعنى المفروض ان دى حاجة شخصية والمفروض نحترمها وفى الاول وفى الاخر دى عملية تقدير وزوق

انا متاسف بس كان فى تعليق ليا قبل كده وانا اتسافت على النقطة دى علشان هو عجبنى جدا وانا اسف للمرة الثانية

[ali farouk]

المشاركة الأصلية كتبت بواسطة mahmooud135 كلام مضبوط بس النيو اكسنت مش تبع ابوغالى هى تتبع غبور علشان اقولك حضرتك على معلومة تانية مصاريف تشغيل الاكسنت اقل من الدايو بكتير ثانى حاجة الانوس تقفيل مصر والاكسنت تقفيل كورى ماتور 1600 اما الانوس تقفيل منصور شيفرولية 1500 سى سى

شكرا لك على تصحيح المعلومة - معلش زلة لسان - بس أنا مش معاك فى ان مصاريف تشغيل النيو أكسنت أقل من الانوس .....يعنى لاقدر الله لو الفانوس اتكسر ولا رحت التوكيل أو الميكانيكى لمشكلة فى الأكسنت هتدفع فلوس أقل من اللى هتدفعها لو حصل للانوس نفس المشاكل ؟ اعتقد هتدفع أكتر بكتييييييييروتقبل تحياتى

[spear7]

و الله الفرق السما و الارض يا استاذ لأن و الله حرام ست ابوها تقارن بصوفيا هههههههههههه سوري اقصد اللانوس متتقارنش باكسنت لانوس اولا عربية اساسا مش عارف فيها ايه ب 70 الف حراااااااام انا شايف ان اخرها 60 الف كفاية قوي و يبقى حرام كمان يعني ايه عربية بقى لها 12 سنة في السوق و ب 70 الف لأ زودلك 8 كمان و هات عربية ولا في الاحلام وحش بحق و امكانيات و اهم شئ تقفيييييييييييييل كووووووووووووري يعني مفيش استعباط مصريين فييها ولا لحام ورش و لا مواد تقفيل سيئة غير كدة و كدة موتور112 حصان و موتور 88 حصان يعني من الآخر جرب تشغل التكييف في اللانوس و انسى انك راكب عربية هاتبقى توكتوك بتكييف اما الاكسنت ولا يفرق معاها انك مشغل تكيييف ثانيا الثبات هات بالاكسنت 120 و العربية اسد هات 150 ثابتة حلو قوي هات 200 برضوا امان لو انتا سواق قوي و خبرة اما اللانوس هات 100 و هتلاقيها بقت مراجيح مولد النبي و عوم ياريس و هاتسمع شخشخة و كلام غبي كدة و زحف على المطبات و خدها بالعرض و كلام فاشل عاوز لانوس يا ريس يبقى لانوس 1 موديل 99 غير كدة انصحك بلاش و منصحكش بالمستعمل نهائيا يبقى كدة عليك بالاكسنت بس فيه حسنة واحدة للانوس ان قطع غيارها ببلاش و ممكن تلاقيها في كشك سجاير