|
#6
12-09-2010, 12:18 PM
|
|||
|
|||
رد: عاوز أفهم لو سمحتم
بص يا جميل 1- زيت الفرامل 2- مية المساحات 3- الريداتير 4- بنسبة 99.9% قربة الميه لان ديه استيراد والقربة بتكون في قفه الريداتير مباشرة واتاكد بانك تفتحها وتحط اي مقياس وتشوف الماده اللي فيها ايه لو لقيتها من نفس نوع الميه اللي في الريداتير يبقي ديه القربة يا معلم 5- زيت البور يا زعيم زيت الماتور تحت الغطاء البلاستيك اللي فوق الماتور يا زعيم 
|
|
#7
12-09-2010, 11:02 PM
|
|||
|
|||
|
رد: عاوز أفهم لو سمحتم
corsair. أنت صح أنا عملت اللى قلت علية وفعلا هى الظاهر قربة الماية بس المشكلة أنى مش لقيت ولا نقطة ماية فى القربة رقم 4 ولا حتى الريدياتير رقم 3 حطيت ورقة وطلعت ناشفة خالص... الظاهر أنا أخدت العربية منفضة من كل حاجة يعنى ولا قربة من دول فيها حاجة. أنا مشيت بيها حوالى 500 متر والماتور سخن شوية ومش فهمت لية إلا لما شفت القربة فاضية. رايح بكرة بعد هيصة العيد أغير زيت وكمان احط ماية خضراء وزيت بور وزيت فرامل وسائل المساحة... يعنى حسبة 250 جنية غير المصنعية.... العربية عاملة زى العيل بوق مفتوح ولو عاوز تسوق يا حلو تبقى تتدفع.....
شكرا على كل من ساهم فى هذا السؤال.... على فكرة يا كروسير فلتر البنزين الظاهر انه موجود فى المربع الأسود الموجود فوق البطارية. حملت كتالوج من النت للهيونداى ماتركس، مكانة فوق البطارية لو فعلا الماتركس هى نفسها الافيتا.. كذلك القربة رقم واحد هى بتاعة البور ستيرنج والقربة 5 بتاعة الفرامل... مش فرقت كتير....
|
|
#8
13-09-2010, 02:21 AM
|
||||
|
||||
|
رد: عاوز أفهم لو سمحتم
رقم\1 وهو زيت الفرامل
رقم\2 وهو مكان تزويد ميه المساحات رقم\3 الريداتير لكن خد بالك مش بيتزود من هنه استنه هاولك رقم\4 ده مكان خاص بتزويد مياه الريداتير والكشف عليه لانه لو انت بصيت عليه من ورا حتلقيه فى علامات مكتوب عليها mene و max ولازم يكون عند كلمه max بص عليه كويس رقم\5 ده مكان زيت الباور الخاص بل الدركسيون اما رقم\6 ده مكان تذويد زيت الموتور مش من تحت زى مانت اولت الى من تحت لفك الطابه لتنزيل الزيت القديم فقط اما الزيت الجديد من فوق اما رقم\7 ده مقياس الزيت وانا عن نفسى شكاك وبكشف عليه فى الاسبوع مرتين الصبح ابل ما ادور العربيه وكمان لازم على شان تكون القرائه صح تكون العربيه وافقه على ارض مستويه يعنى متكنش مايله على شان يديلك قراءه صح وخد بالك وانت بتقراه الصبح لازم تتاكد انى الفوطه الى بتقراء بيها تكون نظيفه بعنى مفيش عليها تراب ولا اى حاجه وكفايه كده على شان انا عاوز انام  على فكره انا هرفع ليك صوره الموتور بتاع عربيتى على شان تشوف مدى اختلاف الشكل بين الخليجى او الاستيراد وبين الى بينزلها عم غبور ربنا يخلهالنه الصوره دى صوره الموتور بتاعك انت انا بس عدلت فيها وكمان كتبت عليها رقم 6و7 فا صغرت شويه احفظها عندك و كبرها براحتك
__________________
  كريم على
|
|
#9
13-09-2010, 06:23 AM
|
||||
|
||||
|
رد: عاوز أفهم لو سمحتم
شوف يا زعيم ..
انت واضح ان معلوماتك زيرو فى الميكانيكا يعنى تدور وتطلع بس .. وبصراحة ده غلط كبير لانك لازم تكون عارف على الاقل اساسيات العربية وخلى بالك اعتقد ان القربة رقم 5 دى بتاعت الباور وتقدر تفتحها لو لقيت الزيت اللى فيها لونه احمر يبقى فعلا زيت باور وكمان هيكون مكتوب عليها power steering oil او كدة .. رقم 4 يا باشا هى قربت الميه بدليل انها واصلة بالريداتير ولما تكون العربية سخنة وعاوز تزود ميه تزود من القربة مش من الريداتير نفسه لانك لو فتحت الريداتير والعربية سخنه هيعمل نافورة ميه وممكن يحرقك لا قدر الله لكن تقدر تزود من القربة وانت مطمئن .. رقم 3 غطاء الريداتير نفسة وزى ما قلتلك ما تفتحهوش الا والعربية باردة ... رقم 2 يا نجم سائل المساحات وتقدر تحط ميه وشوية جلانس بتاع تنظيف الزجاج او اسال عن سائل مخصوص ليها ... رقم 1 يا باشا دى قربة زيت الباكم (زيت الفرامل يعنى) .. بالنسبة لحوار المياة الخضراء : شوف الاول تفتح غطاء الريداتير والعربية باردة (يستحسن الصبح) وتشوف اذا كان الميه نضيفة ولا فيها صدأ .. لو فيها صدأ هتروح لحد بتاع ريداتير يعملك دورة غسيل ريداتير (هتكلفك 20 جنية تقريبا) لو مفيهاش صدأ تروح تجيب جركن مياه خضراء (انواعه كتير من 20 جنية لغاية فوق 100 جنية ) ومتستغلاش لان الغالى مش هيفرق فى حاجة .. وهتروح لواحد بتاع ريداتير او ميكانيكى (ممكن تعملها بنفسك) هينزلك الميه اللى فى الريداتير ويحطلك الميه الخضراء ويزودهالك بميه عادية (انت هتلاقى فى الريداتية من تحت حنفية صغيرة تفكها هتنزلك الميه اللى فى الريداتير وتقوم قافلها وتزود ميه عادية وبعد كده لما تزود زود ميه عادية مفيش مشكله ... الميه الخضرا وظيفتها انها بتمنع تكون الصدأ فى دورة الميه بس .... واى خدمة يا باشا .....
|
|
#10
13-09-2010, 08:47 AM
|
|||
|
|||
|
رد: عاوز أفهم لو سمحتم
الأخ الكريم " كريم" وكمان الأخ الكريم "حسام" أنا شاكر ليكم لوقتكم ولمساعدتكم... أنا كنت هغلط وأحط زيت بور فى الفرامل وازيت الفرامل فى البور ولكن لحقتونى فى أخر لحظة...
أنتظر يا أستاذ كريم صورة للعربية بتعتك علشان يبقى كدة حطينا صورة لعربية عم غبور وصورة للعربية لافيتا الكورى.. ويمكن الصورتين جنب بعض يوضحوا حاجات كتير للناس اللى هتيجى بعدنا... هذا المنتدى ارئع بجهود أعضاءه الكرام
|
 |
|
|
