الاتوماتيك و المانيول"مزايا وعيوب"

الاتوماتيك طبعا راحه ومن حيث الاعطال فالكلام دا مش فى الزيرو اقل شى خمس سنين علشان تظهر فى اعطال
المانيوال لعشاق القياده الرياضيه بس هو تعب وخصوصا فى الزحمه
وعلى فكره اعطال المانيوال مش قليله يعنى مثلا كل فتره هتغير دسك واسطوانه ديبرياج وممكن البليه بتاع الدبرياج تخشن وتضطر تغيرها, وكمان فى بستم الدبرياج العلوى والبستم السفلى وخزنه زيت الدبرياج ممكن تبوش وتدخل هواء ,,,, وكل شويه الدبرياج عاوز يتظبط وكدا يعنى
وعلشان الاعطال دى مش بتبقى مره واحده فبتحس انها مش مكلفه لكنها نفس تكاليف الفتيس الاتوماتيك .
لكن الاتوماتيك بيبقى مره واحده فبتحس انه مكلف
وفى النهايه العربيه مبيكملش وقارها وجمالها الا بالفتيس الاتوماتك , لانى بجيب عربيه علشان تريحنى مش علشان تتعبنى , ودا رايى .

الاتوماتيك راحه بال وراحه اغصاب ووقار للعربيه , المانيوال تعب شويه وبالذات فى الزحمه بس هو اشد لمحبى القياده الرياضيه

[bmkbmk]

خليك اتوماتك يا عم و ريح دماغك ... و لو العربية عطلت مش هتقفش و تقف فى الشارع ولا حاجة ماتخافش
حط الفتيس على N (الموور) و زقها هتتزق عاد ى خالص كانك ممور فتيس عادى
المشكلةاللى بتقول عليها ان لو البطارية فضيت مش هينفع تقول زقة للنبى لأنك مش هتعرف ترمى على التانى
و مبروك مقدما

[elensaan]

المشاركة الأصلية كتبت بواسطة bmkbmk خليك اتوماتك يا عم و ريح دماغك ... و لو العربية عطلت مش هتقفش و تقف فى الشارع ولا حاجة ماتخافش حط الفتيس على N (الموور) و زقها هتتزق عاد ى خالص كانك ممور فتيس عادى المشكلةاللى بتقول عليها ان لو البطارية فضيت مش هينفع تقول زقة للنبى لأنك مش هتعرف ترمى على التانى و مبروك مقدما

والله انا مع الراي ده
وبعدين احنا بنتكلم علي الزيرو
يعني مص دمها لمدة اربع خمس سنين وبعدين قبل ما تقول زقة للنبي زقها انت وبيعها وادفع 15 او 20 الف فرق وهات واحدة زيرو تانية
لان المبلغ ده هتعديه في سنة لو فتحت بقها
خليل توموتيكي واتوكل علي الله
ولا انت اشتريت
عموما الف مبروك