هل يوجد رادار بنفق الازهر ؟

[المناور]

روحت النهاردة طلعت شهادة مخالفات والحمد لله طلع عليا 26 جنيه بس مش عارف بسبب وقوف صف تانى أو حاجة زى كده ، بصراحة الخط ماكنش واضح فماعرفتش كانت ايه المخالفة ، على العموم واضح كده ان النفق مافيهوش رادار ولا يحزنون هما بس حاطين اللوحة بتاعة الرادار دى تهويش بس ده مش معناه ان الناس تطير جوا التفق برضو السواقة بالعقل مفيش احسن منها انا من كتر ما بشوف فى النفق ده بأقيت ما باديلوش امان .

[يسري أبو الخير]

الحمد لله على كل حال .. طمنتنا بارك الله عليك .. لأول مرة اليوم منذ عامين ذهابا و أيابا بالنفق .. اسير بسرعة ما بين 50 و 60 كيلو متر .. بسبب استفسارك عن الرادار بالنفق .. حيث كانت سرعتي خاصة صباحا لاتقل 90 كيلو و احيانا 100كيلومتر .. و دي ظروف النفق و هو خالي طبعا .. و اعتقد لو فكروا بوضع ردار بالنفق .. يبقى عليه العوض .. وسط البلد هتتقفل من الزحام .. و كمان صلاح سالم .. بسبب الألتزام بالسرعة المقررة داخله و هي 50 كيلو متر ..

شكرا لك .. و تحياتي للجميع

[sam ram]

النفق الاضاءه فيه ضعيفه على رادار عادي .. و بالتالي لو فيه رادار لازم يشتغل بفلاش علشان يعرف يصور .. ومعتقدش عندنا رادار يالاشعه تحت الحمراء
ده غير ان فلاش الرادار ممكن يبرجل الناس و هي سايقه خصوصا ان النفق ضيق وملفاته كتير
هي بس رساله تحذير علشان الناس تلتزم شويه ومتجريش جامد .. لكن مفيش فايده فينا برضو