مساعدة فى نقل ملكية عربية

[POP EL GAMED]

المشاركة الأصلية كتبت بواسطة محمد شهاب انا مش معاك يا بوب العقد المسجل لازم يبلغ المرور وبالتالى يغير الرخصة خلال 30 يوم تحياتى للجميع

مش لازم فى مده 30 يوم يا سيدى الفاضل والكلام ده عن تجربه فى 3 عربيات اعرف اصحابهم تسجيل الشهر العقارى اثبات لملكيتك للعربيه مالوش دعوه بالمرور
عشان كده فيه عقد مسجل فى الشهر العقارى وفيه تسجيل فى المرور تسجيل المرور هو اللى سماح 30 يوم فتره نقل الملكيه انما الشهر العقارى انت حر تروح بعد شهر بعد شهرين بعد سنه مش فارقه
والكلام ده متأكد منه تماما

[atgps]

مع احترامى لجميع الأراء .... ولكن

ولو نقلت ملكيه فى المرور المده اللى فى الرخصه هتروح علي
لا .. مش حتروح عليك .. فمثال إذا كانت الرخصة هتنتهى فى اغسطس 2010 ، حتدفع سنة جديدة تنتهى فى أغسطس 2011

وبالنسبة للعقد المسجل صالح حتى بعد 30 يوم، فعلا كان فيه قانون قديم يلغى العقد بعد 30 يوم فى حالة توقيع المشترى على العقد

[Mido_Vip]

المشاركة الأصلية كتبت بواسطة atgps مع احترامى لجميع الأراء .... ولكن ولو نقلت ملكيه فى المرور المده اللى فى الرخصه هتروح علي لا .. مش حتروح عليك .. فمثال إذا كانت الرخصة هتنتهى فى اغسطس 2010 ، حتدفع سنة جديدة تنتهى فى أغسطس 2011 وبالنسبة للعقد المسجل صالح حتى بعد 30 يوم، فعلا كان فيه قانون قديم يلغى العقد بعد 30 يوم فى حالة توقيع المشترى على العقد

يعنى اعمل عقد مسجل فى الشهر العقارى وبعدين انقل ملكية في المرور وادفع سنة كمان على السنتين الى فيها هتبقى لحد 10/2012

ايه الاوراق المطلوبة للعقد المسجل ونقل الملكية وهل وانا بعمل العقد المسجل لازم يكون معايا صاحب العربية الاساسى

وشكرا مقدما

[POP EL GAMED]

المشاركة الأصلية كتبت بواسطة Mido_Vip يعنى اعمل عقد مسجل فى الشهر العقارى وبعدين انقل ملكية في المرور وادفع سنة كمان على السنتين الى فيها هتبقى لحد 10/2012 ايه الاوراق المطلوبة للعقد المسجل ونقل الملكية وهل وانا بعمل العقد المسجل لازم يكون معايا صاحب العربية الاساسى وشكرا مقدما

موضوع انك تدفع سنه وتتحط على الوقت بتاع الرخصه ده معتقدش انه صحيح لانها معروفه تغيير المرور بيضيع الوقت اللى كان فى الرخصه وبتعمل فحص فى الوقت ده فى وقت نقل الملكيه فى المرور وبتشوف وقت الفحص فى الرخصه امتى وتعمله فى وقته
والفحص كل 3 سنين عشان كده مفيش ترخيص عربيه بأكتر من 3 سنين وده يثبت كلامى ان لو دفعت سنه وهى فيها سنتين يعنى انت هتعدى وقت الفحص اللى هو ميقدرش يزوده عن 3 سنين ابدا
الاوراق المطلوبه عشان العقد المسجل فى الشهر العقارى هى توكيل رسمى غير قابل للالغاء وصورتين من بطاقتك انت ومش لازم يكون معاك صاحب العربيه القديم وتدفع مصاريف التسجيل فى الشهر العقارى وتمام كده

[atgps]

المشاركة الأصلية كتبت بواسطة POP EL GAMED موضوع انك تدفع سنه وتتحط على الوقت بتاع الرخصه ده معتقدش انه صحيح لانها معروفه تغيير المرور بيضيع الوقت اللى كان فى الرخصه وبتعمل فحص فى الوقت ده فى وقت نقل الملكيه فى المرور وبتشوف وقت الفحص فى الرخصه امتى وتعمله فى وقته والفحص كل 3 سنين عشان كده مفيش ترخيص عربيه بأكتر من 3 سنين وده يثبت كلامى ان لو دفعت سنه وهى فيها سنتين يعنى انت هتعدى وقت الفحص اللى هو ميقدرش يزوده عن 3 سنين ابدا الاوراق المطلوبه عشان العقد المسجل فى الشهر العقارى هى توكيل رسمى غير قابل للالغاء وصورتين من بطاقتك انت ومش لازم يكون معاك صاحب العربيه القديم وتدفع مصاريف التسجيل فى الشهر العقارى وتمام كده

بوب الجامد المحترم.. أنا بأقول كده عن أكثر من تجربة .. أخرها فى شهر أغسطس الماضى .. اشتريت سيارة وتنتهى رخصتها فى شهر مارس القادم، دفعت سنة رخصة حتى مارس 2011 وأصبحت مدة الرخصة سنة ونصف والفحص الحالى فى سنة 2009 والقادم فى مارس 2012
يعنى هو هايدفع سنة مع السنتين وتنتهى فى أكتوبر 2012 يعنى الفحص القادم فى 2012 بعد أقل من 3 سنوات
واذا كانت الرخصة بها أكثر من سنتين فلن يدفع ضريبة ولكن رسوم استخراج الرخصة فقط من دمغات ونماذج