سكودا فيليشيا ولا اروع (حكايتي مع بلبله )

[eng_gouda2000]

المشاركة الأصلية كتبت بواسطة سعيد بديع متشكر جدا علي ردودكم بس برضه مازالت مصمم ان العربيات حظوظ واللي اقصده هنا انا اواقات العربيات بيكون فيها مشاكل مقرفه زي مشكلة السخونيه في الفليشيا وبتدوخ بيها لحد ما تلاقي صنايعي تمام يظبطها واوقات تشتري عربيه تلاقيها محتاجه حبة تظبيط في المكنه والعفشه وتمشي معاك حلاوه وزي الفل وده المقصود من حظوظ بس حقيقي والله انا مبسوط بيها جدا والحمد لله لان المكنه كويسه ومفيهاش اي مشاكل غير حبة تظبيط يعني مثلا اكتشفت ان الزيت بينقص فسالت المكيانيكي فقالي محتاجه جوان وكرسي الفتيس مكسور ومحتاج يتغير وطبعا الموضوع ده مش هيتكلف ااقل من 150 جنيه وده مش مزعلني لان حسب ما فهمت ان دي مشاكل عاديه .... الاهم من ده كله انك عارف سبب المشكلة ايه المشكلة بقي اما العربيه يكون فيها عيب وانت المكيانيكي مش عارفين العيب فين بالظبط متشكر جدا يا جماعه علي ردودكم والله فرحت جدا جدا انا شوفتها ويارب يباركلكم في عربياتكم ده وتفرحوا بيها زي ما انا فرحان بعربيتي

أولا ألف مبروك على العربية

ربنا يجعلها خير ليك وعليك

ويكفيك شرها وشر الطريق

أحب أضيف معلومة لحضرتك بالنسبة لموضوع السخونة بتاعت الفليشيا حله سهل جدا وبسيط

تغير ردياتير من النحاس الى الالومنيوم وثرموستات 70 /82
وانسي موضوع الحرارة نهائياً

ونصيحة العربية تصونها تصونك وتشيلك فى ذنقتك

تهمل فيها تعلمك الادب وتخليك تندم انك اهملت فيها

تخيل خضرتك لو مسافر على طريق سفر والعربية عطلت منك
أقل واجب هتجيب ونش يشيلها مش أقل من 300 جنية

تخيل الـــ 300 جنيه لو كنت صرفتها على صيانة العربية مكنتش هتهينك فى الطريق خصوصا لو معاك أهلك وأطفال اكيد انتا فاهم ومخيل الوضع

اهتم جدا فى اختيار نوعية الزيت وتغيير فى ميعادة وكذلك فلتر الزيت والهواء والبنزين وتتابع صيانة العربية هتاحد منها اجمل أداء وهتشرفك على الطريق فى عز الصيف

هتهمل وتستخسر فيها الفليشيا عربية بنت ناس اوي وبتاخد على خاطرها جدا وزعلها وحش

المهم ارجو ان اكون اضفت لك معلومة ولو بسيط وانا فى خدمتك دايمن

[aboosama66]

ارجوك يا استاذ سعيد يديع تقولي انت حليت مشكلة السخونة دي ازاي انا معاي فليشيا95 بتسخن جدا والحرارة فوق 110 في اي مشوار طويل بالذات لو في اشارات المرور الزحمة والموضوع ده هيجنني ومش له حل وكل يوم القربة الاقيها ناقصة النص ميه وساعات اكتر ولالزم ازودها يوميا وانا زهقت بصراحة ونفسي في حل نهائي ابوس ايدك وارجومنك الرد بسرعة

[سعيد بديع]

شكرا يا باش مهندس جوده انا فعلا غيرت الريادتير بردياتير المونيا وجبت مروحه سته ريشه سرعتين وكله تمام .... واشكرك علي المعلومات القيمة كنت عايز اسال عن فلتر الهوا وبتغير ولا بيتنضف بس ؟؟ وكل اد ايه

بالنسبه للزيت انا بحط شيل اللي هو ب 75 جنيه فيه شيل برضه 65 جنيه لكن المكيانيكي قالي ان الغالي احسن للعربيه

وبغير فلتر الزيت مرة ومرة

[سعيد بديع]

بص يا ابو سما الحل بسيط جدا زي ما قال الاخ بشمهندس جوده

وفعلا كلامه مظبوط ميه في الميه وده اللي عملته عشان احل مشكلة السخونه ولو عندك اي سؤال ممكن تسال بشمهندس جوده لانه لا يفتا ومالك في المدينه

تقبل تحياتي

[سعيد بديع]

ابو سما نسيت اقولك ان تزويد الميه يوميا ده بيقول ان دورة التبريد فيها تسريب

انا بزود العربيه ميه فعلا بس كل تلات او اربع ايام وكشفت علي الدورة وااتاكدت ان مفيش اي تسريب

فياريت تكشف علي الدورة كامله وتشوف ايه اللي بيهرب الميه