تحويل الفيرنا الى اوتوماتيك !! حد جربها

[Hisham.Elgazzar]

الفتيس تمنه حوالى 2000 جنيه وهتحتاج تبلوه وتعديل بسيط فى الدفيرة
فى ناس متخصصة فى الحرفيين بيعملوا الكلام ده والتكلفة مش هتعدى 5000 جنيه
وطظ فى التوكيل

[ahany]

اعتقد انك تبيع العربية وتجيب واحدة اتو . افضل من التعديل
وتقبل مرورى

[احمدناصر]

احسن حاجة بيع السيارة
واشتري سيارة اوتوماتيك على وضعه احسن والله والفرق بسيط

[dr_eslam_66]

أكتر ميزة في الفيرنا هيا فتيسها وباذات الغيار الأول بتاعها ياعني لما تغير الفتيس مش هتحس بميزة للفيرنا خلاص.
إنتا ممكن تجيب واحدة زيرو أوتوماتيك ودا أريحلك أو ممكن تجيب فتيس فيرنا إستيراد أوتو ومش متأكد إذا كان وشه بيركب على الماتور من غير تعديل ولا لأ بس غالبا بنسبة 99% بيركب وهتعدل في ضفيرة العربية علشان توصل الفتيس الجديد وتغير العدادات علشان لمض الفتيس وطبعا تغير الكونصول الي في النص.
وطبعا وجع دماغ ياعني وماتنساش قواعد الماكنة الي فيها أكيد تعديل لأني حجم الفتيس الأوتو مش هوا المانيوال ودا عن تجربة في ماتريكس قبل كدة هتلاقي على الأقل القاعدة الي تحت الفتيس مختلفة للمانيوال عن الأوتو.

[الخبييييير]

بيعها وهات واحدة اوتوماتيك
حد اعرفه جربها وخسر كتيير والنتيجة زي الزفت
تسارع سيئ استهلاك زيادة بنزين ولخبطة مع تشغيل التكييف ومشاكل كتيير