|
|||||||
| القيادة فن و ذوق كل ما يتعلق بفن قيادة السيارات |
| مشاهدة نتائج الإستطلاع: هل الموضوع مهم فعلا ؟ - هل ستشارك بأي معلومة ؟ | |||
| نعم الموضوع مهم |
   
|
6 | 75.00% |
| ليس له أي اهمية |
  
|
1 | 12.50% |
| طبعا هشارك أفيد وأستفيد |
  
|
1 | 12.50% |
| لا مش هشارك |
  
|
0 | 0% |
| المصوتون: 8. أنت لم تصوت في هذا الإستطلاع | |||
 |
|
|
أدوات الموضوع |
|
#6
08-03-2012, 12:02 AM
|
||||
|
||||
رد: نصائح مهمة لكل جديد في مجال السواقة
ولا واحد بيشارك - ما علينا نبدأ انا بسم الله الرحمن الرحيم
قرأت اكتر من موضوع مميز وسأنقلهم لكم بطريقة سهلة ان شاء الله ليكون موضوع منفصل للمبتدئين بسم الله نبدأ واول نصيحة لى منه هى ... رجلك على الفرامل واضغط دبرياش وانت بتعدى على اى تقاطع او اى يو تيرن او زحمة عربية لو ظهر لك اى حاجة هاتضغط على الفرامل على طول طبع فضلنا كثيير نتدرب على الموضوع ده وزعق معايا كثيير ازاى تدخل على اى تقاطع ورجلك موش على الفرامل والدبرياج يكون جاهز وفاصل الحركة عشان فى اى وقت وقفت انقل الغيار ببساطة والعربية ماتبطلش ولو حصل وظهر لك اى شىء مفاجىء رجلك اساسا على الفرامل مافيش اى مشكلة هاتضغط عليها لكن لو رجلك على البنزين مع الخوف هاتضغط على البنزين وتحصل مشكلة لا قدر الله طبعا التدريب ازاى تتحكم فى سرعة العربية عن طريق الفرامل تفضل تضغط عليها براحة لحد ما تاخد العربية السرعة المناسبة مثلا اليو تيرن لازم اكون داخل براحة قوى الملفات لازم اكون داخل عليها براحة قوى التقاطعات لازم اكون مهدى العربية كويس واى مكان فيه زحام متوقع طبعا فى المنحنيات والتقاطعات لازم تدخل عليها اصلا بسرعة بسيطة عشان لو ظهر لك اى حد بشكل مفاجىء او خطأ تلحق تقف ببساطة دى اول نصيحة النصيحة التالية اى ملف لازم تكون هادىء جدا فى سرعتك وتكون داخل الملف فى حارتك "طبعا فى الغالب بجوار الرصيف" واوعى تخرج من حارتك اللا بعد ما العربية ما تعدل نفسها وقبل ما تدخل الملف لازم تبص على الناحيتين يمين وشمال يعنى لو داخل يمين بص شمال بسرعة على العربيات اللى جاية وارجع بص امام عربيتك اوعى تنسى وتفضل باصص على العربيات اللى جاية من الشمال لحد ما عربيتك تنزل نص الشارع نفس الكلام لو داخل شمال وطبعا والعربية بتلف تكون محضر الغيار المناسب عشان تمشى على طول وطبعا ما دام رجلك اصلا ضاغطة على الدبرياج هاتقدر تختار الغيار المناسب بسرعة وكده العربيات اللى خلفك موش هاتعمل لك "كلاكس" لانك ماشى كويس ومافيش اى عطلة وطبعا لو بتلف فى حارتك بجوار الرصيف حتى لو فيه حد جاى بعربيته وبيجرى هاتكون انت فى الامان قوى ولو لا قدر الله كان فيه حد بيجرى فى نفس الحارة اللى هى بجوار الرصيف وده طبعا نادر هايلحق يلم نفسه ويبعد عنك وفى الاول والآخر انت داخل صح بجوار الرصيف وملتزم بحارتك تماما ولا يوجد عليك اى خطأ واوعى تنقل نفسك من الحارة اللى بجوار الرصيف فجأة دون النظر فى المرايات اما لو كنت بتعمل يوتيرن وكنت فى الحارة الخارجية وليست الحارة التى بجوار الرصيف نفس الكلام لازم تفضل ملتزم بها واوعى تخرج منها حتى بعد ما تلف بالعربية اليو تيرن عشان ماترميش نفسك على اى عربية تانية النصيحة التالية الالتزام بالحارة التى تسير فيها يعنى الحكومة عاملة خط بين كل حارة اوعى تمشى على الخط لان كده معناه انك شاغل حارتين والعربيات عشان تعدى منك لازم تعملك "كالكس" وتسبب لك ازعاج عشان كده لازم تمشى داخل حارتك تماما وليس على الخط الموجود بين الحارتين كده اللى عايز يعدى هايعدى بدون مشاكل وعمره ما هايضايق منك حتى ولو كنت ماشى بطىء النصيحة التالية لو كنت فى شارع سريع مثلا "شارع المطار" وانت فى طريقك الى المطار طبعا صعب انك تمشى فى وسط الشارع وانت بطىء خصوصا انه معروف ان الشارع ده بتاع جرى يبقى الافضل انك تمشى فى اليمين النصيحة التالية لو حصل وظهر لك مطب اوعى تغير مسار عربيتك الى حارة تانية الافضل تاخد المطب وامرك لله احسن ما تغير مسار العربية فجأة الى حارة تانية وتسبب خطر لك وللآخرين كل العربيات بتاخد مطبات مافيش مشاكل لكن الخطر انك تخبط عربية تانية طبعا ممكن تغير مسار عربيتك من حارة الى حارة بعد النظر فى المرايات والتأكد من خلو الطريق والانتقال يكون تدريبجى "سنة سنة" وبراحة قوى ولو فيه اشارة يبقى هايل عشان اللى جاى وراك ياخد باله ولو ظهر لك حد ماشى على رجليه امامك انا من وجهة نظرى الافضل تهدى سرعتك حتى لو لزم الامر انك تقف تماما بالسيارة افضل من انك تغير حارتك وتسبب مشاكل للآخرين خصوصا لو عديت امام المشاة ممكن يجرى امامك بدل ما يتوقف وساعتها تحصل مشكلة كبيرة لا قدر الله النصيحة التالية لو حصل وكنت عايزة تقف مرة واحدة او هاتنقل نفسك من حارة الى حارة او هاتلف فى يو تيرن لازم تنظرفى المراية كويس وتشوف مين اللى جاي وراك او بجوارك ... ودى اصعب حاجة "موضوع استعمال المرايات" خصوصا ان المرايات فيها نقاط عمياء لا تظهر فيها السيارة الموجودة بجوار الباب الخلفى ولما تنقل نفسك من حارة الى حارة تفاجئى بأن فيه عربية بجوار الباب الخلفى وانت موش شايفاها معلهش دى بالممارسة والتدريب الجيد جدا جدا لازم تراعى الموضوع ده لانه بيحصل منه مشاكل كثيير النصيحة التالية لو مشيت لوحدك بالعربية طبعا يفضل يكون يوم الجمعة مثلا قبل الصلاة الساعة 8 صباحا امشى ساعة ولا ساعتين مافيش مشاكل عشان تاخدى الثقة النصيحة التالية لو حبيتى تركن عربيتك اركن فى مكان واسع فى الاول لحد ما تتعلم الركنة كويس ما تحاولش تركن فى مكان ضيق وانت لسه بتتعلم عشان ماتخبطيش عربيتك وعربيات الناس التانية فى البداية موش مطلوب انك تجرى بالعربية كفاية انك تمشى بها حوالى 60 كيلوا لحد ما تتعود على المشى كويس وتنقل الغيارات بسهولة وتقدر تقف لو ظهر اى حاجة مفاجأة السرعة مطلوبة فى نقل الغيار المناسب وليس الجرى بسرعة السرعة مطلوبة فى اختيار المكان المناسب للسير عشان مااعطلش باقى السيارات والنصيحة التالية لازم يكون بينك وبين السيارة التى امامك مسافة لازم تحافظ على المسافة دى والنصيحة التالية لو ماشى فى طريق طوالى ممكن ترفع رجلك عن البنزين عشان السرعة تخف دون الحاجة الى الضغط على الفرامل الفرامل فقط فى التقاطعات والزحام واليو تيرن رجلك لازم تكون عليها ومستعدة والتوقف لا يكون مفاجىء بل تدريجى بعد التدريب هاقدر تعرف قوة فرامل عربيتك وتحس بها واخيرا اوعى تمشى فى اماكن زحمة عشان ثقتك فى نفسك ما تتهزش امشى مع اى حد راكب معاك فى اماكن خالية وخليه يعلمك وتدريجى اختر اماكن زحمة تدريجيا وفى اوقات مختلفة النصيحة التالية لو هاتعدى مطب صناعى لازم تكون ضاغط على الدبرياش والفرامل وعن طريق الفرامل تتحكم فى سرعة العربية واول ما عجل العربية الامامى يكون فوق المطب وهايبدأ ينزل تكون اخترت الغيار المناسب "الغيار الاول او الغيار الثانى" حسب سرعة العربية وطبعا ما دمت انت دايس على الدبرياج اساسا خلاص هاتختار الغيار المناسب وهاتمشى على طول لدرجة ان العربيات اللى خلف موش هاتحس انك مبتدأ لازم تتدرب على الموضوع ده كثيير وتختار شارع يكون فيه مطب صناعى النصيحة التالية احترس من اى سيارة بتركن او خارجة من جراج او بتفتح الباب احترس من الاطفال وتحركهم المفاجىء احترس من سيارات الاجرة والميكروباس لان تقفهم مفاجىء ومتكرر وفى اى مكان بدون تحذير فى البداية فى ناس تفضل انك تمشى فى جهة اليسار بجوار الرصيف واللى عايز يجرى يجرى خصوصا ان كل تركيزك هايكون فى اللى جنبك من الجهة اليمنى فقط طبعا الكلام ده ينفع فى الطريق الداخلى لكن لو كان الطريق سريع يبقى خطأ انك تمشى شمال وانت سرعتك بطيئة جدا "خطر جدا" ولو عرفت اى حاجة جديدة هاقولك ان شاء الله مع اطيب التمنيات اخوكم حسين غزالة منقول !!!
__________________
 
|
|
#7
08-03-2012, 12:14 AM
|
||||
|
||||
|
رد: نصائح مهمة لكل جديد في مجال السواقة
بسم الله موضوع منقول أيضا
كل السيارات بها تابلوه البعض بسيط وخالى من اللمبات التحذيرية والاخر معقد وممتلئ على الاخر والموضوع يختلف من سيارة لاخرى ولشركة لاخرى فحبيت اتناول معاكم الموضوع بشكل عام ومبدئيا اى حاجة باللون الاحمر تعنى لازم التوقف فورا وانها حاجة محورية تستدعى التوقف لان فيها خطر على الراكب والسيارة مثل الحرارة ومستوى الزيت والفرامل اما فى بعض الاحوال بعض اللمبات تكون صفراء مثل فحص الموتور وتكون معناها ان الجزءالمضاء على سبيل المثال الموتور يعمل لكنه فى حاجة للصيانة وان العربية مش محتاجة تقف فورا وده معظم اشكالاللمبات           1.تعنى ان الفرامل المانعة للانزلاق ABS يوجد بيهامشكلة وتكون باللون الاحمر 2.مستوى البنزين فى العربية منخفض وبحاجى للتزودبالوقود فى اقرب وقت وتكون باللون الاصفر غالبا 3.لمبة حزام الامان للسائق لتذكيره بربط حزامالامان وتكون باللون الاحمر 4.تعنى وجود مشكلة كهربائية او الكترونية بالسيارةومش موجودة فى معظم السيارة فى مصر 5.تعنى ان هنالك مشكلة فى الفرامل الخاصة بالسيارةوتكون حمراء 6.علامة تحذيرية للتنبيه الى وجود ومشكلة والسيارةفى حاجة للصيانة 7.خاصة بمقعد الطفل ولو مضاءة تدل على ان المقعدمربوط بالطريقة الصحيحة 8.مستوى الهواء فى احد العجلات اقل من المستوىالمطلوب 9. تعنى وجود مشكلة فى فلتر الهواء الخاص بالتكييف بمعنى انه بحاجة للتنظيف او التغيير 10. لمبة خاصة بالايرباج الامامية عندما تظل مضاءةتعنى وجود مشكلة فى الايرباج 11. خاصة بالايرباج الجانبية عندما تظل مضاءة تعنى وجود مشكلة بها 12.تعنى وجود مشكلة فى الكارسيت بتاع الطفل وهى تشبه رقم 7 الفارقالوحيد الشركات 13.خاصة بفوانيس الشابورة تعنى ان فوانيس الشبورة مضاءة 14.تضاء فقط عند عمل المساحات 15. الضوء الاساسى للسيارة مضاء 16. هيتر الزجاج الخلفى يعمل 17.تحذير خاص بوجود مشكلة فى مقعد الطفل شبيه بالاثنينالسابقين 18. تعنى وجود مشكلة فى زيت الفرامل 19.تعنى وجود مشكلة فى البطارية 20. خاصة ايضا بمقعد الاطفال 21. تعنى ان الفلاشر يعمل 22. تعنى ان Cruise control يعمل 23. يشبه رقم 16 24. تعنى ان powertrain فى مشكلة 25. موجود فى السيارات الفاخرة لتنبيه السائق لان السيارة ممكن تخرج عن السيطرة او تتزحلق 26.تدل على ان بابا او اكمثر من ابواب السيارة مفتوح 27. لمبة النظام مانع للسرقة وتوجد عادة فى الفورد 28.تدل على وجود مشكلة فى نظام التشغيل 29. تدل على ان نظام الدفع الرباعى يعمل 30. تعنى وجود مشكلة فى نظام الثبات الالكترونى 31.تدل على ان نظام الاوفر دريف لايعمل 32.الاشارات المستخدمة فى التنقل بين الحارات والملفات 33. تعنى وجود مشكلة فى تبريد المحرك وتتطلب اطفاء المحرك 34. OBD Indicator تعنى وجود مشكلة فى المحرك اونظام انبعاث الغازات 35. نور السيارة العالى يعمل 36. مستوى الزيت الخاص بالمحرك اقل من الحد الادنى المسموح به منقول
__________________
|
|
#8
08-03-2012, 01:07 AM
|
||||
|
||||
|
رد: نصائح مهمة لكل جديد في مجال السواقة
- محتاج تتعلم تظبط المرايات ازاي وتمشي بأنهي سرعة ؟المريات دي بتكون حسب كل واحد بس انا بظبطها علي النص بكون شايف الطريق كويس وشايف جزء من جسم العربية بتاعتي ، السرعة ديه بتكون عليي حسب الطريق لو فاضي اجري بس يفضل متزودش عن 80 جو البلد عشان تقدر تفرمل لو في حاجة مفاجأة ، وطبعا فرامل كل عربية بتختلف واحساسك بالوقت المناسب والمسافة اللي هتوقفك حسب احساسك وتعودك علي العربية
3- طيب لما تحب تقف فجأة تعمل ايه ؟ لو هتقف فجأة والطريق فيه بعض العربيات شغل الانتظار وانت بتفرمل عشان اللي جاي من وراك ياخد باله ويبعد عنك او يعمل حسابه انه هيفرمل 4- ايه حكاية بقى الزيت اللي كل شوية يتغير ده وايه الزيت اللي بتاع الفرامل والموتور زيت الماتور بيتغير حسب نوعه في زيت بيمشيك 1000 وفي 3000 وفي 10000 حسب بس طالما مبتسفرش كتير يبقي خليك في الزيت اللي بيتغير كل 3000 كيلو ، وطبعا عايز اقولك حاجة الزيت اللي بيتغير كل 3000 يفضل تغيره كل 2500 او ازيد شوية ، وطبعا طريقة سواقتك بتحدد امتي يتغير يعني مثلا لو سيادتك بتكبس بنزين كتير الزيت بيتحرق وبيحتاج يتغير في وقت اقل تعرف ازاي ان الزيت محتاج يتغير : بص يا سيدي انت لما تحب تكشف علي الزيت لازم تكون العربية باردة وتشيل المؤشر بتاع الزيت هتلاقي عندك علامة الزيت المفروض ميقلش عنها لو الزيت اقل من العلامة هتزوده امسح الزيت من علي المؤشر بايدك حس بالزوجة بتاعته لو حسيت ان الزيت خفيف زي الماية يبقي عايز يتغر لو لزج شوية يبقي الزيت كويس ولاحظ كمان لون الزيت نازل لونه اسووود اوي ولا لونه غامق بدرجة معقولة زيت الفرامل : ده مبيتغيرش ده انت بتراجعه وبتزده لو ناقص ويفضل يكون معاك علبت زيت باكم في شنطة العربية مع كل مرة تغير زيت ماتور تخلي الراجل يراجعلك يزت الفتيس وزيت الفرامل زيت الفتيس ::: تعرف ازاي انه ناقص ( في الاوتوماتيك ) خلي واحد صاحبك والعربية دايرة يجيب مارشدير R ويشد الهند او يدوس فرامل في الوقت ده شيل مؤشر زيت الفتيس وراجع اذا كان ناقص ولا لا 5- يعني ايه حكاية الزيوت دي وايه اللي بغيرو فيها بانتظام ؟ ازاي تعرف العجلات محتاجة تزويد ولا لا يعني هل بالشكل كده؟ انا عن نفسي بجبها بالشكل وممكن تخبط الكوتش بريجلك لو حسيت انه مريح زوده ، وطبعا مع الوقت لو فيه كاوتش مريح وانت سايق انت هتحس ان العربية مش موزونة وهتاخد بالك 6- طيب وايه الدرجة اللي مثلا وانا مسافر كده بحسبها وبعدين ازود لحد كام ؟ درجة الكوتش عموما ( لو الكاوتش حالته نص نص مستعمل شوية ) في الشتاء تزوده علي 35 او 32 في الصيف 30 عشان ضغط الهواء داخل الكاوتش بيتمدد بالحرارة لو الكاوتش جديد في الصيف 35 والشتاء 40 علي طريق السفر يفضل 30 عشان الهواء بيتمدد بالحرارة الناتجة من احتكاك الكاوتش بالارض وعشان الكاوتش علي 30 بيتقل العربية شوية 35 بيخلي العربية خفيفة ارجو اكون افدتك 
|
|
#9
08-03-2012, 01:12 AM
|
||||
|
||||
|
رد: نصائح مهمة لكل جديد في مجال السواقة
بص يا بوب بخصوص طريقة السواقة للمبتدئين هتلاقي فيديوهات كتييييييييير علي اليو تيوب ممكن تدور عليها وترفعها تحياتي
  DRIVE
|
|
#10
09-03-2012, 12:18 AM
|
|||
|
|||
|
رد: نصائح مهمة لكل جديد في مجال القيادة
والله انت راجل محترم وبذلت مجهود جامد فيه
خش على الاسئلة الجامدة وحتلاقى تفاعلات جمدة جدا من الاعضاء بس يفضل سؤال سؤال مش كل الناس عندها طول بال وجزاءك الله خيرا  : 010104~171::0 10104~171:
__________________
كمال معروف  ان الله لا يغير ما بقوم حتى يغيروا ما بانفسهم 
|
|
|
|
