لو عايزتتضرب انزل من العربيه عشان تتضرب براحتك

[طارق مصراوى]

المشاركة الأصلية كتبت بواسطة bebonet السلام عليكم انا لسه خارج من موضوع واحد متعلم السواقه جديد وبيشتكى من قلة الذوق اللى فى البلد من كل الطوائف والملل حتى اصحاب العربيات الحديثه اللى المفروض يبقوا اكثر احتراماً وعلشان كده انا النهارده بقدم نصيحه لاصدقائى الجدد وهى حصلتلى كن ماشى على طريق سريع ونافخ فاهم يعنى ايه نافخ يعنى وسع وشك ومره واحده لقيت عربيه نقل دايهاتسون شاسيه طويل طالعه من ملف وقطع الطريق بكل برود اكنه بيعدى فى حاره طبعا مش هاقولك الحادثه كانت هاتبقى ازاى بس الحمد لله عديت منه بستر ربنا وبركه دعا الوالدين مش شطاره ويبقى كداب اللى يقلك الحادثه طلع منها شطاره المهم طلعت راسى من الشباك وروحت شاتمه وقلتله يا حمار ومشيت عادى ببص فى المرايه لاقيته جاى ورايا وشفت الغدر من مرايتى الشمال فى عنيه قلت لنفسى انا مابيهمنيش المهم كسر عليا روحت راكن وهو كمان ركن على فكره كانت عربيته بتلم زباله يعنى محمل صاج غسالات قديمه وحاجات زى كده والعربيه شكلها وحش المهم نزل من العربيه لاقيت واحد دراعه اللهم صلى على النبى وانا طبعا مستكبر انزل من العربيه بس انا بعد كده عرفت انى غلطت غلطه جامد وضيعت على نفسى أوبشن ثمنه غالى قوى هو الهروب من السياره المهم الراجل جه عليا ووقف امام شباكى وقالى بتقول لمين يا حمار قلتله ينفع يعنى كده كنت هاتموتنا قالى بتقووووول لمين يا حمار سكت افكر شويه وقلت مش مهم الريش المهم انفد بجلدى وقلتله بقول لنفسى راح سايبنى ومشى والله طلع راجل محترم ومكملش لانه كان هايزعلنى قوى لان فيه فرق فى كل حاجه هههههههه كان راكب جانبى واحد صعيدى بصلى باستغراب وقالى انت ازاى تقول على نفسك حمار وازاى تسكتله الكلام ده واحنا ماشيين يعنى فى الامان بصيتله بغل وقلتله طب ماهو كان قدامك ماتكلمتش ليه المهم الدروس المستفاده 1- لو عملت مشكله فى الطريق لا تقف للزبون حاول تخلع 2-لو وقفت انزل من العربيه متفضلش قاعد مستنيه جوه العربيه لانك كده زنقت نفسك 3-انت ايه اصلاً اللى يخليك تشتمه حاول عدم افتعال المشاكل اصلا خاصتاً لو معاك المدام والاولاد

خليك دايما مع ثالثا دى أأمن و ربنا يسترها علينا جميعا ..

[mainz]

امال يعنى انتوا كلوكم عاوزين تبقوا فيتوات ؟ امال مين الى هينضرب يعنى هههههههههههه
والله العظيم بهزر يا عم الحج وعلى رائ بوحه الصباح راجل ايده فى فاخده ووشه زى كتفه وحركات كده
ربنا يستر طريق كل سواق ويكفينا شر ولاد الحرام

[__Dizel__]

بيبو الله يكرمك ويضحكك زي ما ضحكتني

ههههههههههههههههههه:018A1 D~146:

شوف حبيبي انا لا أخفي عليك سرا انا لسه واخد رخصة السواقة جديد

وبصراحة بغلط اه لكن غيري بيغلط اكتر مني

ولأني في المغرب فلازم وواجب عليا احط علامة 90 ورا السيارة

بالشكل ده كده



وللأسف كتير مبيكونش ليا أي اخطاء لكن الناس بتشوف الــ 90 دي بتقول انت اللي غلطان

بصراحة بدأ يطلعلي الضغط واعلى صوت الكاسيت وافضل اشتم اشتم علشان ارتاح

وبعد كده ركبت في التاكسي ولقيت احمر سواق تاكسي ممكن تشوفو في حياتك

وانا بسوق احسن منو مليون مرة - وحماااااااااار لكن لقيت عندو تقنية قوية جدا جدا

كل ما يعمل حاجة يبتسم ويقول اسمحلي ويرفع ايدو كده

ولو حد عمل غلطة كبيرة كده زي يديلك اشارة يمين

ويروح طالع بسرعة شمال ادامك وانت بتسرع علشان تعديه

لقيت منو نفس الاسلوب - الابتسامة وينتظر اللي ادامو يتأسفلو

ومن يومها وده اسلوبي

اكون بتحرق من جوه لدرجة احمرار الوش تقريبا بنسبة حرارة الموتور

وابتسم وده اسلم الحلول - لا يمكن تعمل كده وحد يتخانق معاك

تحياتي

[__Dizel__]

يبقى اختصار التقنية هي

ابتسم وعلى صوت الكاسيت واشتم لحد ما تشبع

وده اسلم الحلول وحقنا للدماء

[احمد على 1999]

المشاركة الأصلية كتبت بواسطة ahmed_gamal777 هههههههههههههههه تصدق الجرى نصف المرجلة والطيران المرجلة كلهاهههههههههههههه

الجرى نص المجدعة
و النص التانى
























انك متتمسكش