كل لما اتذكر هذا الحادث أستغرب هو ليه عمل كدة...

[pharm45]

أنا كنت جايبه من شركة واحد صحبى وقالى ده أحسن سواق عندنا فى الشركة بس والله أنا كل شوية بقول لنفسى هو عمل كدة ليه ممكن يكون افتكر ان فيه دبرياج وقام ضاغط على الفرملة على انه دبرياج؟؟؟؟؟ والله مش عارف!!!!!!!!!
وأول ما ضرب الفرامل فى وسط الطريق العربية انحرفت كانت هتلبس فى الرصيف بس اللى انا مستغربله برده ازاى الفانوس والاكصدام الخلفى متاثروش مع ان الباب كانت حالته مزرية ....بس طبعا ساعتها نزلته وقولت منتش لامسها اقعد جمبى مع اننا كنا بنتكلم مع بعض عادى قبل ما يحصل اللى حصل ده واحنا ماشيين حاسس انه دايس بنزين والعربية مش بتعدى ال40كم فقولتله شيل رجلك من البنزين وانقل على 3أو D راح باصص تحت وساب الطريق وحصل اللى حصل....بس الحمد لله على كل شئ ده أنا قولت فى مقطورة خبططنا من ورا العربية اتحدفت لقدام!!!!!!!!!!!

[koashraf]

تحليل الموضوع ده ببساطه انه متعود يسوق مانيوال ولما انت نبهته انه ماشى على نقله غلط فكان رد فعله الطبيعى انه يضغط على الدبرياج وينقل وطبعاً عشان العربيه اوتوماتيك داس على الفرامل بدون مايقصد ودى بتحصل كتير مع اللى متعودين على السواقه مانيوال ويغيروا للاوتوماتيك ،وواضح ان الخبطه اتركزت فى نصف الباب الخلفى بعيد عن الفوانيس وده من حظك لانك كنت حتتكلف فوانيس كمان والحمد لله على كده قدر ولطف.

[s0144862631]

المشاركة الأصلية كتبت بواسطة koashraf تحليل الموضوع ده ببساطه انه متعود يسوق مانيوال ولما انت نبهته انه ماشى على نقله غلط فكان رد فعله الطبيعى انه يضغط على الدبرياج وينقل وطبعاً عشان العربيه اوتوماتيك داس على الفرامل بدون مايقصد ودى بتحصل كتير مع اللى متعودين على السواقه مانيوال ويغيروا للاوتوماتيك ،وواضح ان الخبطه اتركزت فى نصف الباب الخلفى بعيد عن الفوانيس وده من حظك لانك كنت حتتكلف فوانيس كمان والحمد لله على كده قدر ولطف.

انت استاذ ي استاذ اشرف ده التحليل المنطقي للي حصل لان د حصل مع خالي و هو بيسوق العربية الاوتوماتيك القديمة بتاعتي حب يمور العربية علشان يقف من سرعة 160 داس فرامل على اساس انها دبرياج و تخيل الفرمله بقى اتلزقنا في الزجاج الامامي بس الحمد لله ماكنش حد ورانا

[دكتور رعد]

الحمد لله على كل شىء ويجماعه مفيش حد معصوم من الخطأ
وحتى امهر السائقين فى العالم ممكن يحصلهم مواقف زى كده
وممكن اعبط من كده كمان
وعلى العموم الف سلا مه على العربيه وعلى صاحبها وعلى ابن صاحبها

[koashraf]

المشاركة الأصلية كتبت بواسطة s0144862631 انت استاذ ي استاذ اشرف ده التحليل المنطقي للي حصل لان د حصل مع خالي و هو بيسوق العربية الاوتوماتيك القديمة بتاعتي حب يمور العربية علشان يقف من سرعة 160 داس فرامل على اساس انها دبرياج و تخيل الفرمله بقى اتلزقنا في الزجاج الامامي بس الحمد لله ماكنش حد ورانا

بالضبط كده خصوصاً ان دواسة الفرامل بتبقى عريضه شويه فى الاوتوماتيك فممكن وانت بحركه لااراديه بتنقل اوبتحاول تمور تدوس على طرف الفرامل بدون قصد طبعًا عشان كده اى حد متعود يسوق مانيوال يكون حريص فى سواقة الاوتوماتيك ،لان اللى بيسوق بتكون حركات النقل وخلافه لااراديه.