|
إطارات السيارة ساحة تتناول كل ما يتعلق بإطارات السيارات و الجنوط |
|
أدوات الموضوع |
#6
|
|
رد: اكبر مقاس جنط وكوتش للفيرنا بدون مشاكل ؟؟
أكيد طبعا إن الجنط الـ14 أريح من الـ15، والـ13 أريح من الـ14 بس الحكاية هي: إيه هي أولوياتك؟؟؟ عايز راحة ومش مشكلة الثبات... خليك في الـ13 عايز راحة معقولة وثبات أحسن... ادخل على الـ14 عايز ثبات أكتر من الراحة... اختيارك هو الـ15 عايز ثبات وبس... أقل حاجة هي الـ16 بالنسبة للنقطة (1) .. نصيحة مني متركبش مقاس قطره أكبر من المفروض لكذا سبب: مقاس الـ185/65R14 هيبقى أعلى... بس مش هي دي المشكلة... المشكلة إن عداد السرعة مش هيبقى مظبوط، وهيديك قراية أقل من الحقيقي بحوالي 3.2%.... يعني لما العداد بيقرا 100 كم/س انت في الحقيقة ماشي على 103.2... يعني فرصة إنك تتلقط رادار بقت أعلى. القطر الأعلى ممكن يكون موفر في البنزين في المسافات الطوالي لإنها بتمشي نفس المسافة بعدد لفات أقل من العجلة الأصلية... بس العجلة الأكبر بتبقى محتاجة عزم أكتر من الموتور عشان تمشي... يعني استهلاك أعلى للبنزين.. بالذات لما تبقى محمل أو طالع كوبري أو منطقة مرتفعة العجلة الأكبر هتعلي العربية زي ما حضرتك قلت... بس الارتفاع الزائد معناه ثبات أقل، ده غير إنها ممكن تحك في الرفرف مع الحمولة العالية بالنسبة للنقطة (2) رأيي إنك تبيع الكاوتش والجنوط جداد .. ده ممكن يعلي سعرهم وانت بتبيعهم، بالنسبة لسعرهم... بصراحة معنديش فكرة بالنسبة للنقطة (3) خلي الاستبن زي ماهو ... الأصلي اللي جاي مع العربية، لإنك المفروض ما تستعملهوش إلا ساعة اللزوم بس، وده حيخليك تحافظ عليه في حالة كويسة وتلاقيه لما تعوزه لو عايز الجنوط اللي حتشتريها تعيش معاك خدمة شاقة وتكلفكش كتير... أكيد الجنوط الحديد هي المناسبة... وأعتقد تمنهم في حدود الـ500 - 600 جنيه للطقم الجديد زي اللي ممكن تبيعه أول ما تستلم العربية. الجنوط الاسبور شكلهم أحلى طبعا... ومش حتشيل هم الصدا، ده غير إنهم أخف... بس ممكن يتكسروا لو أخدت مطب قوي بسرعة عالية... الطقم سعره مش أقل من 1000 جنيه حسب نوعه الأسعار دي من غير الكاوتش طبعا الجنوط الحديد بتاعة العربيات التانية ممكن تركب... بس ده يعتمد على كذا حاجة... من ضمنهم مثلا : الجنط كام مسمار، أبعاد المسامير زي بتاعة الفيرنا ولا لأ... وحاجات تانية يطول شرحها بس بشكل عام... متهيألي جنوط اللانسر تركب لإن الهيونداي كانت واخده أغلب التكنولوجيا بتاعتها من ميتسوبيشي ويا ريت لو حد عنده معلومات أكتر يفيدنا ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#7
|
|||
|
|||
رد: اكبر مقاس جنط وكوتش للفيرنا بدون مشاكل ؟؟
Ahmed Al-Bora'ie
__________________
لا اله الا انت سبحانك انى كنت من الظالمين اللهم ردنا الى دينك ردا جميلا تباركت ربنا وتعاليت
|
#8
|
|||
|
|||
رد: اكبر مقاس جنط وكوتش للفيرنا بدون مشاكل ؟؟
انا كمان عايز اركب جنط 14 بس خايف ميكنش مناسب للعربيه وارجع اشتكي منه 13مشتكتش منه بس 14 ثبات افضل وكده كده الاوتوماتك بتنزل 14 بس كنت عايز اعرف نوع جنط معين بس يكون حاجه محترمه
|
#9
|
||||
|
||||
رد: اكبر مقاس جنط وكوتش للفيرنا بدون مشاكل ؟؟
جيب من اشرفكو ( حماد ) او hammad ديه ماركة اندونيسى هو اللى بينزلها باسمه وانا مجربها محترمة وبتستحمل اقصى استخدام فعلا انا مجرب المقاس 14 بوصة فى البرايد سنين قبل كدة مشى وحوادث كمان وكل مرة يطلع الجنط سليم وبعتها بيه فى الاخر
الجنط اللى فى الصورة ده ليه فروع كتير اللى اعرفهم فى جسر السويس عند موقف الجراج اخر سور نادى الرماية والشمس وفيه فرع قدام محطة مترو المطرية الناحية الغربية وفيه فرع فى مدينة نصر الحى السابع بس معرفش فين بالظبط اسعارة دلوقتى معرفش كام بس هى عامة كانت اغلى من الصينى بفرق بسيط بس يستاهل فى الجودة |
#10
|
||||
|
||||
رد: اكبر مقاس جنط وكوتش للفيرنا بدون مشاكل ؟؟
ده عنوان اشرفكو مدينة نصر
شركة اشرفكو 81 ش الخليفة القاهر امتداد ش مصطفى النحاس الحى السادس , مدينة نصر, القاهرة علامة مميزة: امام جامعة الازهر عناوين الفروع اشرفكو 23 ش جسر السويس جسر السويس , جسر السويس, القاهرة علامة مميزة: امام فندق السلام 3 عمارات الاوقاف - ميدان السواح السواح , السواح, القاهرة علامة مميزة: امام قصر القبة 416 ش ترعة الجبل المطرية , المطرية, القاهرة علامة مميزة: امام محطة مترو المطرية |
|
|