انا رايح اعمل صيانه الالف كمان ساعتين .. دعواتكم واستنونى لما ارجع احكى اللى حصل بالتفصيل

[ehab_nnnn]

السلام عليكم ورحمه الله وبركاته
ازيكم يا رجاله املين ايه يارب تكونوا كلكوا بخير
انا اسف جدا على التأخير بس والله النت كان فاصل عندى مع انى دفعت الاشتراك
يعى هيبقى النت والعربيه ... حاجه تخنق
مااااا علييييينا
نحكى بقى اللى حصل فى صيانه الالف
انا وصلت المركز فى أبو رواش كان حوالى الساعه 8 الصبحبتاع الامن قالى اركن لحد ما الشغل يبتدى الساعه 8.30
وكان فى 3 عربيات غيرى... انا لما لقيت كدا قلت خير هخلص علطول واروح بدرى... بس كان عشم ابليس فى الجنه
لما الشغل ابتدى دخلنا على مكتب الحجز والموظفه قالت لى ميعاد حضرتك 11.30
طيب يعنى اقعد كل الفتره دى أعمل ايه قالولى العب فى الموبايل (والله قالتها لى بالحرف)
المهم كان معايا واحد صاحبى معاه كارينز واوكتافيا وبيعمل صيانتهم فى التوكيل قالى انت غلبان سيبك منهم ودخل كشم لهم راحو مدخلنى الساعه 9
المهم
النظام عندهم انهم بيدوك رقم (غير رقم الحجز) وانت بتقعد تستنى لحد ما النداء الالى ينده عليك
انا طلع معايا مهندس اسمه عاطف حسين
ملى الاستماره واطلع على الرخصهوقالى العربيه عامله معاك ايه وملاحظاتك على العربيه
قلتله الفرامل بتسحف والعجله شمال امامى بتريح كتير
كتب الملاحظات دى على الاستماره وخرجنا بره للعربيه
جرب دراع الشنطه ودراع التنك والمساحات والنور والكلاكس والتكييف وفرامل اليد وقرص على الماتور شويه لقاه بيسقف قالى البنزين مغشوش (مخلط)
وادانى وش الكاسيت والولاعه وقالى لو فى فلوس أو فلاشه فى العربيه شيلها وثبت ان العربيه بدون كاسيت وولاعه
وبعدين السواق جه خد العربيه ودخلها واحنا طلعنا استراحه فى الدور العلوى فوق المعرض(عندهم معرض فيه كل ماركات هيونداى زيرو)
وانت قاعد فى الاستراحه بتبقى شايف العربيات وهما شغالين فيها بس ممنوع العميل يخش الورش الا اذا عربيته احتاجت قطع غيار
وقعدنا من حوالى الساعه 10 للساعه 12.30
وبعدين ندهوا على اسمى نزلت دفعت فى الخزنه 294.6 ثمن جركن شل الترا 10 الاف كيلو وفلتر البنزين
على فكره هما بيغيروا كده من غير ما يسألوك الا اذا كنت انت واخد الزيت معالك
وقالوا انهم ربطوا العفشه وعملوا رجلاش لفرامل اليد وبصوا على الكاوتش وظبطوا الفرامل
بس كده خلاص بس عاوز اقول شويه ملاحظات
1- الناس عموما مؤدبين وبيراعوا الزوق مع العميل ما عدا البنت بنت التييييييييييت اللى وقعت فيها هناك
2- ضغط اشغل على المركز ده كتير أوى لدرجه انهم ساعات بينسوا حاجات ما تتنسيش(عميل معاه ماتريكس سلموه العربيه من غير ما يربطوا العجل) والراجل جه وعمل فضيحه هناك
3- الوقفه فى الخزنه ممله جدا والموظفين اللى فيها تيييييييييييييييت
4- عندهم راحه من الساعه 1 لحد 1.30 ولما تيجى الساعه 12.30 كده تحس انهم عايزين يكروتوا كل الشغل اللى فى ايديهم
5- المهندس يفضل كويس معاك لحد ما تستلم العربيه وبعد كده لو رجعت تسأل على حاجه يديك الوش الخشب (بس للأمانه ما حصلتش معايا دى كانت مع عميل تانى)
6- المهندس كتر خيره نبهنى ان البنزين مخلط (بنزينه موبيل كورنيش المظلات بجوار معهد ناصر)
7- انت ما بتطلعش من التوكيل غير بأذن خروج العربيه ووصل بالفلوس اللى دفعتها يعنى ما فيش ورقه بأيه اللى تم فى صيانه العربيه عشان انت بتسلم الورق فى الخزنه
بس كده خلاص كفايه رغى بقى
استاذ احمد ابو سويلم انا اسف مجبتش صور عشان الموبايل كان فاصل شحن

يا جماعة الراجل من الفجر لحد الوقتى مرجعش من الصيانة تقريبا حجزوة مع العربية ربنا يطمنا عليك يا ايهاااااااااااااااااااب اانت فـــــــين
انا جيت اهوه يا معلم وقلت كل حاجه وربنا
والسلام عليكم ورحمه الله

[haninatoon]

حمد للة على السلامة

الصنايعى المصرى شاطر بس الفينش finish دايما عندة مش تمام
يعنى ينسى صامولة ينسى اى حاجة المهم كفاءة العمل مستحيل توصل اكتر من 95% الا اذا انت واقف معاة ساعتها ممكن توصل 100 % لان ال 5% بتبقى حاجة اما نسيها اول مكسل يعملها

[khaabas]

سيبك انتا من الكلام ده اهم حاجة لعبت في الموبايل يا معلم ههههههه
ومبروووووووووووك علي الصيانة

[memodina1]

يا راجل حمد لله على السلامة انا يومين كمان وكنت هجيلك هناك اسال هههههههههه ربنا يكرمك فى عربيتك وتعود بالخير عليك

[احمد سويلم]

المشاركة الأصلية كتبت بواسطة ehab_nnnn السلام عليكم ورحمه الله وبركاته ازيكم يا رجاله املين ايه يارب تكونوا كلكوا بخير انا اسف جدا على التأخير بس والله النت كان فاصل عندى مع انى دفعت الاشتراك يعى هيبقى النت والعربيه ... حاجه تخنق مااااا علييييينا نحكى بقى اللى حصل فى صيانه الالف انا وصلت المركز فى أبو رواش كان حوالى الساعه 8 الصبحبتاع الامن قالى اركن لحد ما الشغل يبتدى الساعه 8.30 وكان فى 3 عربيات غيرى... انا لما لقيت كدا قلت خير هخلص علطول واروح بدرى... بس كان عشم ابليس فى الجنه لما الشغل ابتدى دخلنا على مكتب الحجز والموظفه قالت لى ميعاد حضرتك 11.30 طيب يعنى اقعد كل الفتره دى أعمل ايه قالولى العب فى الموبايل (والله قالتها لى بالحرف) المهم كان معايا واحد صاحبى معاه كارينز واوكتافيا وبيعمل صيانتهم فى التوكيل قالى انت غلبان سيبك منهم ودخل كشم لهم راحو مدخلنى الساعه 9 المهم النظام عندهم انهم بيدوك رقم (غير رقم الحجز) وانت بتقعد تستنى لحد ما النداء الالى ينده عليك انا طلع معايا مهندس اسمه عاطف حسين ملى الاستماره واطلع على الرخصهوقالى العربيه عامله معاك ايه وملاحظاتك على العربيه قلتله الفرامل بتسحف والعجله شمال امامى بتريح كتير كتب الملاحظات دى على الاستماره وخرجنا بره للعربيه جرب دراع الشنطه ودراع التنك والمساحات والنور والكلاكس والتكييف وفرامل اليد وقرص على الماتور شويه لقاه بيسقف قالى البنزين مغشوش (مخلط) وادانى وش الكاسيت والولاعه وقالى لو فى فلوس أو فلاشه فى العربيه شيلها وثبت ان العربيه بدون كاسيت وولاعه وبعدين السواق جه خد العربيه ودخلها واحنا طلعنا استراحه فى الدور العلوى فوق المعرض(عندهم معرض فيه كل ماركات هيونداى زيرو) وانت قاعد فى الاستراحه بتبقى شايف العربيات وهما شغالين فيها بس ممنوع العميل يخش الورش الا اذا عربيته احتاجت قطع غيار وقعدنا من حوالى الساعه 10 للساعه 12.30 وبعدين ندهوا على اسمى نزلت دفعت فى الخزنه 294.6 ثمن جركن شل الترا 10 الاف كيلو وفلتر البنزين على فكره هما بيغيروا كده من غير ما يسألوك الا اذا كنت انت واخد الزيت معالك وقالوا انهم ربطوا العفشه وعملوا رجلاش لفرامل اليد وبصوا على الكاوتش وظبطوا الفرامل بس كده خلاص بس عاوز اقول شويه ملاحظات 1- الناس عموما مؤدبين وبيراعوا الزوق مع العميل ما عدا البنت بنت التييييييييييت اللى وقعت فيها هناك 2- ضغط اشغل على المركز ده كتير أوى لدرجه انهم ساعات بينسوا حاجات ما تتنسيش(عميل معاه ماتريكس سلموه العربيه من غير ما يربطوا العجل) والراجل جه وعمل فضيحه هناك 3- الوقفه فى الخزنه ممله جدا والموظفين اللى فيها تيييييييييييييييت 4- عندهم راحه من الساعه 1 لحد 1.30 ولما تيجى الساعه 12.30 كده تحس انهم عايزين يكروتوا كل الشغل اللى فى ايديهم 5- المهندس يفضل كويس معاك لحد ما تستلم العربيه وبعد كده لو رجعت تسأل على حاجه يديك الوش الخشب (بس للأمانه ما حصلتش معايا دى كانت مع عميل تانى) 6- المهندس كتر خيره نبهنى ان البنزين مخلط (بنزينه موبيل كورنيش المظلات بجوار معهد ناصر) 7- انت ما بتطلعش من التوكيل غير بأذن خروج العربيه ووصل بالفلوس اللى دفعتها يعنى ما فيش ورقه بأيه اللى تم فى صيانه العربيه عشان انت بتسلم الورق فى الخزنه بس كده خلاص كفايه رغى بقى استاذ احمد ابو سويلم انا اسف مجبتش صور عشان الموبايل كان فاصل شحن يا جماعة الراجل من الفجر لحد الوقتى مرجعش من الصيانة تقريبا حجزوة مع العربية ربنا يطمنا عليك يا ايهاااااااااااااااااااب اانت فـــــــين انا جيت اهوه يا معلم وقلت كل حاجه وربنا والسلام عليكم ورحمه الله

حمد اللاه على سلامتك ياايهاب وعبال صيانه ال100 الف ان شاء الله
وطبعا أكرر وأقول تانى وتالت ورابع غبور بهدل الفيرنا وخلاها عربيه فقيره فى كل حاجه