|
#7
05-08-2009, 05:07 AM
|
||||
|
||||
رد: الي خبراء الجولف 2 ارجو المساعدة
الف مبروك العربيه و ربنا يديك خيرها و يحميك من شرها
انا من رأيي شرا العبد ولا تربيته هات موتور جولف 1300 يكون موديل عالي 90 او 91 مثلا استيراد و تركبه و تريح دماغك منه حتلاقيه في الحرفيين و بورسعيد
__________________
حـازم خـضـر
|
|
#9
05-08-2009, 05:23 PM
|
|||
|
|||
|
رد: الي خبراء الجولف 2 ارجو المساعدة
الف مبروك علي العربية يا باشا
 ندخل في المفيد اولا المساعدين هتلاقيهم جداد في حدود 450-500 جنيه مايلي الماني اسأل عليهم عند فولكس هاوس في شارع مراد علبة الدركسيون الجديد موجود و الاستيراد موجود و هنا الاستيراد هتلاقيها في حدود 300-350 جنيه بس هاتها جديد احسن حاجة العفشه عليها هلك مستمر و في جديد نضيف لو لقيتها عند فولكس هاوس هاتها منه و انت هناك قوله انك من طرف محمد عادل الابيزا الرمادي و هو هيظبطك ان شاء الله ثانيا لو عايز تجيب موتور 1300 اطلع علي الحرفيين بس الحالات هتلاقيها مش اد كده يا تعمر موتورك يا تسقط 1600 بفتيسه بتاع الجولف 2
|
|
#10
05-08-2009, 09:15 PM
|
||||
|
||||
|
رد: الي خبراء الجولف 2 ارجو المساعدة
أنا أسف يا طارق باشا
إنقطعت علاقتى بالجولف من تلات سنين كانت معايا من 1996 لغاية 2006 بس هقولك الحاجات اللى صلحتها أكتر من مرة أولا المارش أول ما اشتريت العربية و كانت إستعمال بلادها غيرت ترس البيندكس مرة و بعدها متغيرش تانى لمدة تسع سنين و بعدين غيرت أوتوماتيك المارش مرة و خلاص على كده لغاية ما بعتها غيرت طلمبة الميه مرتين الظاهر إنها مكانتش أصلى فى أول مرة غيرت الكبالن مرتين خلال عشر سنين غيرت بزازة البنزين الكبيرة أكتر من مرة نتيجة لإن النوع الموجود فى السوق البلاستيك بتاعه ضعيف و بتشرخ بسرعة غيرت علبة الشكمان أكتر من مرة طبعا نتيجة لسوء خامات الشكمان المحلى غيرت غطا الزيت أكتر من مرة نتيجة لسسوء مستوى الموجود فى السوق (بيسرب) غير كده بقى كل اللى عملته فى العربية ما كررتوش تانى لغاية ما بعتها و كان من ضمن الحاجات إللى إتعملت عمرة موتور تشمل تغير الشنابر و الجوانات الدلايل و خراطة نتيجة لسفر أخويا بالسيارة و الزيت كان ناقص يعنى خطأ بشرى مش ضعف فى الموتور تغيير وصلات البوجيهات لأنها كانت بتهرب و مع وجود شرخ فى البزازة بتاعة البنزين كان ممكن العربية تولع تغير االمساعدين الأمامين تغير الرولمان بلى الأمامى و الخلفى تغير الرادياتير لأن الأصلى ألومنيوم ما يتلحمش و أخيرا بعت العربية و كان فيه صوت فى الفتيس نتيجة لمشكلة فى حاجه إسمها الشجرة و أعتقد إللى إشترى منى صلحها و مغيرش الفتيس مع العلم إن عربيتى كانت 1.3 موديل 89 أما بخصوص الإكسسوار فخد بالك من الفيبر اللى فى الباب و كاوتشات الباب أعتقد معدتش متوافرة كتير التعديل الأخير تم بواسطة حازم شاهين ; 05-08-2009 الساعة 09:18 PM
|
 |
|
|
