الموتور بيودع خلاص يارجالة

[sayed2077]

128 موديل 1987

مع العلم العربية بسم الله ماشاء الله عليها
سحب اكتر من ممتاز حتى مع التحميل وبتطلع مطالع منحدره جدا حتى وهى محمله على اخرها
مع العلم انها 1100 سى سى
و مش بتاكل زيت نهائى من ساعت ما جبتها الحمد لله

فعلا ماتاخدش كلام الميكانيكي دا انه صح ونهائي
اسأل واحد تاني وواحد ثالث
لانه شكله عايز يعمل عليك شغل وطالما مابتشكيش من العربية ماتسمعشي كلامه
مافيش ميكانيكي دلوقتي عنده ضمير
حسبي الله ونعم الوكيل

[sayed2077]

هو على العموم الميكانيكى ده عنده 3 اولاد التلاته شغالين معاه واحد منهم قالى الكلام ده الصبح ولما قبلت ابنه الكبير قالى هو فعلا كده بس لسه قدامك وقت وقالى خليك شغال بيه لغاية ما يجيب زيت على البوجيهات اول ما يجيب زيت عليهم خلاص ابقى اعمل العمره بس برضوا متظر راى الشيخ طارق فينك يا شيخ طارق

[طارق ابوذيد]

المشاركة الأصلية كتبت بواسطة sayed2077 هو على العموم الميكانيكى ده عنده 3 اولاد التلاته شغالين معاه واحد منهم قالى الكلام ده الصبح ولما قبلت ابنه الكبير قالى هو فعلا كده بس لسه قدامك وقت وقالى خليك شغال بيه لغاية ما يجيب زيت على البوجيهات اول ما يجيب زيت عليهم خلاص ابقى اعمل العمره بس برضوا متظر راى الشيخ طارق فينك يا شيخ طارق

اخى العزيز اشكرك على هذه الثقه الغاليه ويارب اكون عند حسن ظنك .
اما بخصوص موضوع الموتور فأذا كانت الدخنه كثيفه من خرطوم الفايظ فعليك بالتعجيل لعمل شمبر وكما قال لك الصنيعى سيكلف 400 جنيه اما انتظارك سته اشهر على الموتور وهو يدخن من الفايظ سيجعلك تدخل فى عمره كامله
وفى حاله العمره انصحك بشراء النص الاسفل للموتور وسعره 500 جنيه وهو بديل العمره ولاكن عليك فحصه جيدا عند الشراء واتبع الخطوات الاتيه .
اولا عليك ان تنظر فى الشمايز الخاصه بالبساتم ولابد ان تكون نظيفه وناعمه مثل الكوب من الداخل .
ثانيا عليك بتحريك البساتم واذا تحركت فهذا معناه ان الشمبر ضعيف وابحث عن غيره .
واخيرا ارجو ان اكون استطعت افادتك والله المستعان .

[حسام البورسعيدى]

الميكانيكى ده مبالغ جدا ...

طالما موتورك حالته كويسة وسحبه تمام ومش مرزع ولا البوجيهات بيجى عليها زيت والدخنه خفيفة .. يبقى بنسبة 90 % انت محتاج طقم شنبر فقط ..

وده تكلفته هتكون فى حدود 400 - 500 جنية بالكتير للـ 128 ...


متقلقش .. بسيطه باذن الله ....